যিরমিয় 28:9 - Chakma Bible

⁹ মাত্তর্ যে ভাববাদীবো শান্তির আগাম্‌‍কধা কোইয়্যে তা কধানি যেক্কে পুরোণ অবঅ বানা সেক্কে জানা যেবদে, তারে ঘেচ্চেকগুরি লগেপ্রভু পাদেয়্যে।”

যিরমিয় 28:9 Iomraidhean Croise

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিরমিয় 14:13

ইয়েন্দোই মুই কলুং, “হায়, প্রভু লগেপ্রভু! ভাববাদীগুনে তারারে কদন্, ‘তুমি যুদ্ধো ন-দেগিবা বা ভাদরাদত্অ দুঘ্ ন-পেবা। লগেপ্রভু ঘেচ্চেকগুরি এ জাগানত্ তমারে জনমর্ সুগ্-শান্দি দান গুরিবো।’ ”

যিরমিয় 4:10

সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

যিরমিয় 6:14

তারা মঅ মানুচ্চুনোর ঘা গানি এমন্ গুরি বানি দুয়োন যেন সিয়েন এমন কিজু নয়। তারা কন্দে, ‘শান্তি, শান্তি,’ আজলে শান্তি নেই।

যিরমিয় 8:11

তারা মঅ মানুচ্চুনোর ঘা গানি এমনগুরি বানি দুয়োন যেন সিয়েন বিশেষ কিজু নয়। তারা কন্দে ‘শান্তি, শান্তি,’ মাত্তর্ আজলে শান্তি নেই।

যিহিষ্কেল 33:33

“যেক্কে ইয়েনি বেক্কানি ঘেচ্চেকগুরি ঘুদিবো, আর সিয়েনি ঘেচ্চেকগুরি ঘুদিবো, সেক্কে তারা হবর্ পেবাক যে, তারা ভিদিরে এক্কো ভাববাদী এলঅ।”

দ্বি’লম্বর বিররণ 18:21

কনঅ এক্কান কধা পৌইদ্যেনে তুমি মনে মনে কোই পার, লগেপ্রভু এ কধাগান কোইয়্যে নাহি সিয়েন আমি কিঙিরিনে জানিবোং?

দ্বি’লম্বর বিররণ 18:22

কনঅ ভাববাদী যুনি লগেপ্রভুর নাঙান্‌ দিইনে কনঅ কধা কয় আর সিয়েন যুনি মিজে অয় বা ন অয়, সালে বুঝো পুরিবো সে কধাগান লগেপ্রভু ন কয়। সে ভাববাদীবো দুঘ্ সাহস গুরিনে সে কধাগান কোইয়্যে। তারে তুমি ন দোরেবা।