যিরমিয় 28:4 - Chakma Bible

⁴ ইয়েন বাদেয়ো মুই যিহোয়াকীমোর পুয়ো যিহূদার রাজা যিহোয়াখীনরে আর যিহূদার অন্য যিদুক্কুন বন্দী বাবিলোত্ যেইয়োন তারারেয়ো এ জাগানত্ ফিরেই আনিম, কিত্তে মুই বাবিলো রাজার জুঙোলান ভাঙি ফেলেম। মুই লগেপ্রভু এ কধাগান কঙর্।’ ”

যিরমিয় 28:4 Iomraidhean Croise

পত্থম 27:40

তলোয়ারানই অবঅ তর্‌ জীংকানিকান, তুই তঅ ভেইয়ুনোর চাগর্‌ ওইনে থেবে। মাত্তর্‌ যেক্কে তুই অধৈর্য্য ওইনে উদিবে সেক্কে তুই তঅ কানাত্তুন্ তার্‌ জুঙোলান ঠিলিনে ফেলেই দিবে।”

২ রাজাবলী 24:14

ইয়েনিবাদে যিরূশালেমর বেক্কুনোরে, অত্তাৎ বেক্‌ কাম্‌গুরিয়্যেগুনোরে আর যুদ্ধোগুরিয়্যেগুনোরে, বেক্‌ কালিগর আর কামারুনোরে-বেক্কুনে মিলিনে দশ আজার মান্‌জ্যরে তে বন্দী গুরি নেযেল। দেজত্‌ নাদা মানুচ্চুন্‌ বাদে আর কনজন ন-রলাক্‌।

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিরমিয় 13:19

নেগেভর শঅরানির চোমেবার পথ্‌তানি নাঢি দিয়্যে অবঅ আর কনজনে সিয়েনত্ চোমেই ন-পারিবো। যিহূদার বেক্ মানুচ্চুনোরে বন্দী গুরি নেযা অবঅ, এক্কুবারে বেক্কুনোরে নেযা অবঅ।‌‍‍‍। ”

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 22:10

তুমি মুরি যেইয়্যেদে রাজাবোত্তে ন-কান্য বা আবিলেচ্ ন-গোজ্য; তাত্তুন্ বরং যিবে বন্দী ওইনে দূরোত্ যেইয়্যে তাত্তে জদবদে কানঅ, কিত্তে তে আর কনদিন্‌অ ফিরি ন-এবঅ বা তার জর্ম ওইয়্যে দেজ্‌‍চান আর ন-দেগিবা।‍

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

যিরমিয় 24:1

বাবিলর রাজা নবূখদ্‌নিৎসরে যিহোয়াকীমর পুয়ো যিহূদার রাজা যিহোয়াখীন আর যিহূদার রাজা যিহোয়াখীন আর যিহূদার রাজকর্মচারীগুন, কালিগর আর কর্মকারুনোরে যিরূশালেমত্তুন বাবিলোত্ বন্দী গুরি নেযানার পরেদি লগেপ্রভু মরে তা ঘর মুজুঙোত্ থোইয়্যে দ্বিকাল্যং ডোমোর গুলো দেগেল।

যিরমিয় 24:5

মুই ইস্রায়েলর গোজেন লগেপ্রভু কঙর্, যিহূদাত্তুন যে বন্দীগুনোরে মুই ইত্তুন বাবিলীয়গুনোর দেজত্ পাদেয়োং তারারে মুই এই গম্ ডোমোর ধোক্ক্যেন মনে গুরিম।

যিরমিয় 27:8

“ ‘মাত্তর্ কনঅ জাদে বা রেজ্যই যুনি বাবিলোর রাজা নবূখদ্‌নিৎসরর চাগর ন-অয় বা তা জুঙোলান তলে কানাগান ন-দে সালে মুই সে জাদ্‌‌‍‌‌‌‌‍‍‍‍তোরে যুদ্ধো, ভাদরাত আর ভানা দিইনে সাজা দিম যেদক্কন সং মুই তা আঢ্‌‌‍‌‌‌‌‍‍‍তানিলোই সে জাদ্‌‌‍‌‌‌‌‍‍তোরে ভস্ত ন-গরং।‍‍‍

যিরমিয় 28:10

ইয়েনর্ পরেদি ভাববাদী হনানিয় ভাববাদী যিরমিয়র গত্তনাবোত্তুন্ জুঙোলান নিইনে ভাঙি ফেলল।

যিরমিয় 28:2

ন “ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘মুই বাবিলো রাজার খেমতাগান্ ভাঙি ফেলেবাত্তে যাঙর্।

যিরমিয় 29:1

বন্দীগুনো ভিদিরে বাঁজি থেইয়্যে বুড়ো নেতাগুনোরে, ধর্মগুরুগুনোরে আর ভাববাদীগুনোরে আর অন্য যিদুক্কুন মান্‌‍জ্যরে নবূখদ্‌নিৎসরে যিরূশালেমত্তুন্ বন্দী গুরিনে বাবিলোত্ নেযেয়্যে তারা ইধু ভাববাদী যিরমিয় যিরূশালেমত্তুন এক্কান চিদি পাদেয়্যে।

যিরমিয় 29:2

রাজা যিহোয়াখীন, তার মা, রাজকর্মচারীগুন, যিহূদা আর যিরূশালেমর নেতাগুনে, কালিগর আর কামারুনে বন্দী ওইনে যিরূশালেমত্তুন যানার পরেদি এ চিদিগান লেগা ওইয়্যে।

যিরমিয় 30:8

মুই বেগত্তুন্ খেমতাবলা লগেপ্রভু কঙর্, সেদিন্যে মুই তারার গত্তনাত্তুন্ জুঙোলান্ ভাঙি ফেলেম্ আর তারার দুড়িগান ছিনি ফেলেম; বিদেশীগুনে আর তারার চাগর্ গুরি ন-রাগেবাক্।

লেবীয় 26:13

মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং যেনে মিসরীয়গুনোর্‌ চাগর্‌ ওইনে তমাত্তুন্‌ আরঅ থাহ্ ন-পড়ে । কানাগানর্‌ জুঙোলান্ ভাঙি ফেলেইনে মুয়ই তমা মাদাগুন উজু গুরিনে আদিবার্‌ অবস্থাত্‌ আন্যং।

নহূম 1:13

ইক্কিনে মুই তঅ কানাত্তুন্ তারার্ জুঙোলান্ ভাঙি দিম আর তঅ বান্যেগান্ ছিনি ফেলেম্।”