যিরমিয় 28:16 - Chakma Bible

¹⁶ সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

যিরমিয় 28:16 Iomraidhean Croise

পত্থম 7:4

মুই আর সাত দিন পরেদি পিত্‌থিমীগান উগুরে ঝড় ফেলেবার বেবস্থা গুরিম্‌। সেক্কে চোল্লিশ দিন আর চোল্লিশ রেত্‌ সং ঝড় পড়িবো। মুই মাদি উগুরে যিদুক্কুন পরান্‌‌বলা ‌বানেয়োং তারারে বেক্কুনোরে পিত্‌থিমীগান উগুরেত্তুন্ তুলি দিম।”

১ রাজাবলী 13:34

এ কামানি যারবিয়াম বংশর পক্ষেন্দি পাপ অলঅ যেনে তারা ভস্ত ওইনে পিত্তিমীর্‌ বুগোত্তুন্‌ উদি যান্দোই্‌।

যাত্রা 32:12

কিত্তেই মিসরীয়গুনে এই কধাগান্‌ কবার্‌ সুযোগ্‌ পেবাক্‌, মুড়োমুড়ি চাগালা ভিদিরে আনিনে তারারে মারে ফেলেইনে পিত্‌থিমীর্‌ বুগোত্তুন্‌ তুলি দিবার্‌ ভান্ন্যেই আওজে তুই তারারে নিগিলেই আন্যচ্‌? তর্‌ এই জদবদে রাক্কান্‌ তুই থামা। দোয়্যে গর্‌, তঅ মানুচ্চুনো উগুরে তুই এই বিপদ্‌থান্‌ ন-আনিচ্‌।

যিরমিয় 20:6

আর ও পশ্‌হূর, তরে আর তঅ ঘরর বেক্কুনোরে বন্দী গুরি বাবিলোত্ নেযা অবঅ। সিদু তুই মুরিবে আর তরে গোর্ দিয়্যে অবঅ; তর্ যিদুক্কুন সমাজ্যে ইধু তুই ভাববাদী ইজেবে কধা কবার অক্তত্ মিজে কধা কোইয়োচ্ তারার বেক্কুনোর এক্কুই দযা অবঅ।’ ”

যিরমিয় 28:17

সে বজরর্ সাত্ মাজত্ ভাববাদী হনানিয় মুরি গেলঅ।

যিরমিয় 28:3

বাবিল রাজা নবূখদ্‌নিৎসরে লগেপ্রভুর ঘরর্ যেদক্কানি পযাপিরা ইয়োত্তুন বাবিলোত্ সোরেই নেযা ওইয়্যে সিয়েনি মুই দ্বি বজর্ ভিদিরে ইধু ফিরেই আনিম।

যিরমিয় 29:32

মুই হামাক্কায় নিহিলামীয় শময়িয় আর তা বংশধরুনোরে সাজা দিম। এ জাদ্‌‌‌তো ভিদিরে তার কনজন ন-থেবাক্ আর মুই মঅ মানুচ্চুনোত্তে যেদক্কানি ভালেদি গুরিম সিয়েনঅ তে ন-দেগিবো, কিত্তে তে মঅ বিরুদ্ধে উল্লোমী ফগদাং গোজ্যে। মুই লগেপ্রভু এ কধাগান কঙর্।’ ”

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

আমোষ 9:8

মঅ চোগ্‌‌কুন ঘেচ্চেকগুরি এই পাপে ভরা রেজ্যগান উগুরে রোইয়োন। পিত্‌‌থিমীর বুগোত্তুন্ মুই সিয়েন ভস্ত গুরি দিম; তো মুই যাকোবর বংশবোরে পুরোপুরি গুরিনে ভস্ত ন-গুরিম।

গণাণা 14:37

অত্তাৎ যে মানুচ্চুনে সেই দেজ্‌চানর্‌ পৌইদ্যেনে ভান্ন্যেই কধা ছোড়েই দিবাত্তে দায়ী এলাক তারা বেক্কুনে লগেপ্রভুর মুজুঙোত ভানালোই মুরি গেলাক্।

গণাণা 29:32

উৎসবর্ সাত দিনোত্‌ সাত্তো বলদ গোরু, দ্বিবে ভেড়াছাগল আর চৌদ্দোবো এক বোজোজ্যে ভেড়াছাগলর-ছঅ উৎসর্ব গরা পুরিবো। ইগুনোর এক এক্কো দাগ্‌দুগ্‌ নেইয়্যে ওয়া পুরিবো।

দ্বি’লম্বর বিররণ 6:15

কিত্যে তমা ভিদিরে তমার্‌ যে গোজেন লগেপ্রভু আঘে তে তার্‌ পাওনা ভোক্তি পৌইদ্যেনে অমকদ খুজি; দেব-দেবেদাগুনোর্‌ পিজেন্দি গেলে তমার বিরুদ্ধে তার্‌ রাগর্‌ আগুনান্‌ জুলি উদিবো, আর তে পিত্‌থিমীগান উগুরেত্তুন্‌ তমারে ভস্ত গুরি ফেলেব।