যিরমিয় 28:11 - Chakma Bible

¹¹ সে পরেদি তে বেক মানুচ্চুনো মুজুঙোত্ কলদে, “লগেপ্রভু কোইয়্যেদে, ‘এবাবোত্যেগুরি মুই দ্বি বজর ভিদিরে বেক জাত্তুনোর গত্তনাগুনোত্তুন্ বাবিলোর রাজা নবূখদ্‌নিৎসরর জুঙোলান ভাঙি ফেলেম।’ ” সেক্কে ভাববাদী যিরমিয় সিয়েনত্তুন গেলগোই।

যিরমিয় 28:11 Iomraidhean Croise

১ রাজাবলী 13:18

জোবত্‌ সে ভাববাদীবো কলঅ, “মুই তঅ ধোক্কেন্‌ ইক্কো ভাববাদী। লগেপ্রভুর কধামজিম্‌ ইক্কো স্বর্গদূতে মরে কোইয়্যেদে যেনে মুই তরে মঅ ঘরত্‌ ফিরেই নেযাং যেনে তুই হানা আর পানি হেই পারচ্‌।” মাত্তর্‌ তে তারে মিজে কধা কলঅ।

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

২ বংশধর 18:10

সেক্কে কনানার পুয়ো সিদিকিয় লুয়োর্‌ শিং বানেইনে এ কধাগান ফগদাং গুরিলো, “লগেপ্রভু কোইয়্যেদে, অরামীয়গুনে শেজ্‌ ওই ন-যানা সং তুই ইয়েনিলোই তারারে গুদো ধুরিবে।”

গম্ উপদেজ্ 14:7

ভুল্ মান্‌জ্যর কায়-কুরেত্তুন্ তুই ধেই যাহ্, কিত্তে তা মুয়োত্তুন্ তুই জ্ঞান কধা ন-পেবে।

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 23:17

যিগুনে মরে ঈচ্ গরন তারা ইধু সেই ভাববাদীগুনে এ কধাগান কন, ‘লগেপ্রভু কোইয়্যেদে, তমার শান্তি অবঅ’; আর যিগুনে নিজোর মন একগেয়েমীলোই চলন তারা তারারে কন, ‘তমার কনঅ দযা ন-অবঅ।’

যিরমিয় 28:15

সেক্কে ভাববাদী যিরমিয় ভাববাদী হনানিয়রে কলঅ, “হনানিয়, শুন। লগেপ্রভু তরে ন-পাদায়, মাত্তর্ তুই এ জাদ্‌তোরে মিজে কধালোই বিশ্বেজ্ গরত্তে। ‍‍‍

যিরমিয় 29:9

তারা মঅ নাঙে মিজে কধা কন্। মুই লগেপ্রভু তারারে ন-পাদাং।

যিহিষ্কেল 13:7

তারা কি মিজে দর্শন ন-দেগন্ বা মিজে গোণা-পড়া ন-গরন? তারা দঅ কদন্, মুই এ কধাগান কঙর্, অদচ মুই ন-কং।