যিরমিয় 27:9 - Chakma Bible

⁹ সেনত্তে তুমি তমার ভাববাদী, গোণেয়্যে, স্ববন দেগিনে আগাম্ কধা কোইয়্যে মানুচ্, মায়াবিদ্যেগুরিয়্যে বা তমা যাদুগুরিয়্যেগুনো কধা ন-শুন্ন্য; তারা তমারে কন্, তুমি বাবিলোর রাজার চাগর্ ন-অবা।

যিরমিয় 27:9 Iomraidhean Croise

যাত্রা 22:18

কনঅ যাদুগুরিয়্যে মিলেরে বাঁজি থেবাত্তে ন-দিবা।

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

গম্ উপদেজ্ 19:27

মর্ পুয়োবো, যুনি তুই শাজন্ ন-মানচ্ সালে তুই জ্ঞানর শিক্ষ্যেত্তুন্ অন্যকিত্তেন্দি সুরি যেবে।

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

যিরমিয় 23:25

যিদুক্কুন ভাববাদী মঅ নাঙে মিজে কধা কন তারা কধা মুই শুন্যং। তারা কন্দে, মুই এক্কান স্ববন দেখ্যং, এক্কান স্ববন দেখ্যং।

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

যিরমিয় 29:8

তমা ভিদিরে ভাববাদী আর গোণোক্ক্যেগুনে যেন তমারে ন-ঠকায়। তারা যেদক্কানি স্ববন্ দেগন সিয়েনিত্ তুমি মনযোগ ন-দুয়ো।

যিহিষ্কেল 21:29

ও লাম্বা ছুরিগান্, তঅ পৌইদ্যেনে মিজে দর্শন পেলেয়ো আর মিজে গোণা-পড়া গুরিলেয়ো যিগুনোরে মারে ফেলা অবঅ সেই পাজিগুনোর গত্তনাগুনো উগুরে তরে রাগা অবঅ; তারার্ দিনুন লুম্মেগি, তারার্ সাজার্ সময় লুম্মেগি।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

মীখা 3:7

সেক্কে সেই দর্শন পেইয়্যেগুনে লাজত্ পড়িবাক্ আর গোণোক্ক্যেগুনে অসর্মানিত অবাক্। তারা বেক্কুনে মুয়োনি লুগেবাক্, কিত্যে গোজেনে কনঅ জোব্ ন-দিবো।

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

প্রেরিত্‌ 8:11

মানুচ্চুনে তা কধা মজিম চুলিদাক্, কিয়া ভালোক্ দিন ধুরিনে তে তার যাদু দেগেইনে তারারে আমক্ বানেয়্যে।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

দ্বি’লম্বর বিররণ 18:14

তুমি যিদুক্কুন জাদরে গজক্ গুরিবা তারা যাদুবিদ্যে বেবহার গুরিয়ে আর গোণোক্‌কেগুনোর কধানি কান পাদন্‌, মাত্তর্‌ তমার বেলায় ইয়েনি পৌইদ্যেনে তমার গোজেন লগেপ্রভু মানা গোজ্যে।

যিহোশূয় 13:22

যুদ্ধোত্‌ যিগুনোরে মারে ফেলা ওইয়্যে তারা বাদে ইস্রায়েলীয়গুনে বিয়োরর পূঅ‌ গণকে বিলিয়মরেয়ো মারে ফেলেয়্যে।

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

ফগদাং পেইয়্যে 9:21

ইয়েনিবাদে খুন, যাদুবিদ্যে, বেগেয়্যে আর চুর্-ইয়েনিত্তুন্ তারা মনানি ন-ফিরেলাক্।