যিরমিয় 27:7 - Chakma Bible

⁷ যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 27:7 Iomraidhean Croise

গীতসংহিতা 37:13

প্রভু হবর্ পায় পাজিগুনোর্ শেজর্ দিনুন্ ঘোনেই এজের্, সেনত্তে তারারে দেগিনে তে আযে।

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিশাইয় 21:9

চঅ, জড়ায় জড়ায় ঘোড়া চালেয়্যে এজদন্।” সে পরেদি তে কবদে, “বাবিলোর পতন ওইয়্যে, পতন ওইয়্যে। তার বেক্ দেবেদাগুনোর মূত্তিগুন্ চুরমার ওইনে মাদিত্ পড়ি আগন্।”

যিরমিয় 34:1

বাবিলর রাজা নবূখদ্‌নিৎসর, তার বেক্ সৈন্যদলুন আর তা অধীনোত্ বেক্ রেজ্যগানি আর জাদর্ মানুচ্চুনে যেক্কে যিরূশালেত্ আর তার কায়-কুরে শঅরানির বিরুদ্ধে যুদ্ধো গোজ্যন্ সেক্কে ইস্রায়েলর গোজেন লগেপ্রভু যিরমিয়রে কলঅ যেন তে যিহূদার রাজা সিদিকিয় ইধু যেইনে কয়, মুই লগেপ্রভু এ কধাগান কঙর্, মুই এ শঅরান বাবিলো রাজার আঢত্ তুলি দিবাত্তে যাঙর্ আর তে ইয়েন পড়ি দিবঅ।

যিরমিয় 44:30

যিহূদার রাজা সিদিকিয়রে যে শত্রুবো মারে ফেলেবার চেরেস্‌‌‌তা গোজ্যে সে বাবিলর রাজা নবূখদনিৎসর আঢত্ যেবাবোত্যেগুরি মুই তারে তুলি দুয়োং, ঠিগ্ সেবাবোত্যেগুরি মিসরর্ রাজা ফরৌণ হফ্রারেয়ো মুই তার সে শত্রুগুনো আঢত্ তুলি দিম যিগুনে তা পরাণান নেযেবার্ চেরেস্‌‌‌‍তা গোজ্যন্।’ ”

যিরমিয় 46:13

বাবিল রাজা নবূখদ্‌নিৎসরে যে মিসরান আক্রমণ গুরিবাত্তে এবঅ সে হবরান লগেপ্রভু ভাববাদী যিরমিয়রে কোইয়্যে।

যিরমিয় 52:31

যিহূদার রাজা যিহোয়াখীনর বন্দী অনার্ সাত্রিশ বজরত্ ইবিল-মরোদকে বাবিলোর্ রাজা অলঅ। তে সে বজরর্ বার মাজর্ পোজোস্ দিনোত্ যিহোয়াখীনরে জেলখানাত্তুন্ ইরি দিলো।

যিহিষ্কেল 30:24

মুই বাবিল রাজার আঢত্ খেমতা দিম আর মঅ লাম্বা ছুরিগান্ তা আঢত্ দিম, মাত্তর্ ফরৌণর আঢ্‌‌‌‌তানি মুই ভাঙি ফেলেম। সেক্কে ফরৌণে বাবিল রাজার মুজুঙোত্ আহত মান্‌‌‌‌জ্য ধোক্ক্যেন এগুর্-উগুর্ হেবঅ।

দানিয়েল 2:37

ও মহারাজ, তুই রাজাগুনোর রাজা। স্বর্গর গোজেনে তরে রেজ্য, খেমতা, বল্ আর সর্মান দান গোজ্যে।

দানিয়েল 4:22

তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

হবক্‌‌‌‌কূক 2:7

তর্ পাওনাদারুনে কি একদিন অদাদৎ ন-উদিবাক্? তারা জাগি উদিনে কি তরে ফুলেই ন-তুলিবাক্? সেক্কে তুমি অবা তারা ইধু লুদেয়্যে মাল ধোক্ক্যেন্‌।

হবক্‌‌‌‌কূক 2:8

তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

ফগদাং পেইয়্যে 14:8

যেরেদি দ্বি-লম্বর আর এক্কো স্বর্গদূত তা পিজে পিজে এইনে কলঅ, “সেই নাঙ্-গোজ্জ্যে বাবিল শঅরান্ ভস্ত ওই যেইয়্যে। যে শঅরানে তার্ বেশ্যেগিরির্ মদ বেক্‌ জাদ্‌তুনোরে হাবেয়্যে সেই শঅরান্ ভস্ত ওই যেইয়্যে।”

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।