যিরমিয় 27:5 - Chakma Bible

⁵ মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

যিরমিয় 27:5 Iomraidhean Croise

পত্থম 1:25

গোজেনে পিত্‌থিমীর নানান্‌ জাদর ঝাড়্‌বো, ঘর্‌বো আর বুক্কোই-আদি যেইয়্যে পরাণবলা সৃট্টি গুরিলো। ইগুনোর বেক্কুনোত্তুন্ নিজোর নিজোর জাদরে বাড়েবার খেমতা এলঅ। গোজেনে দেগিলদে সিয়েন জদবদে দোল্‌ ওইয়্যে।

পত্থম 9:6

গোজেনে মানুচ্চুনোরে তা ধোক্ক্যেন গুরি বানেইয়্যে; সেনত্ত্যে কনঅ মান্‌জ্যরে যুদি কেউ খুন্‌ গরন্‌ সালে অন্য একজনত্তুন্‌ সে খুনীবোর পরাণান্‌ নেযা অবঅ।

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

নহিমিয় 9:22

পরেন্দি তুই বোউত্‌ রেজ্য আর জাত্‌ তারার্‌ আঢত্‌ দুয়োজ্‌, এন্‌ কি, তারার্‌ বেক্‌ জাগানিয়ো তারারে ভাগ্‌ গুরি দুয়োজ্‌। তারা হিষ্‌বোণর রাজা সীহোনর দেজ্‌ছান আর বাশনর রাজা ওগের দেজ্‌ছান্‌ অধিকার গোজ্যন।

গীতসংহিতা 102:25

ভালোক্ বজর আগে তুই পিত্‌থিমীর গড়াগান গারেয়োচ্; দেবাবোয়ো তঅ আঢ্‌তোই বানেয়্যে।

গীতসংহিতা 96:5

নানান্ জাদর দেব-দেবেদাগুনে বাজে ধরনর, মাত্তর্ লগেপ্রভু দাঙর্ আগাজ্‌চান্ বানেয়্যে।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 48:13

মুই নিজো আঢে পিত্‌‍থিমীর গড়াগান থিদেবর্ গোজ্যং আর ডেন্ আঢে আগাজ্‌‌ছানরে বিজেই দুয়োং; মুই ডাগিলে ইগুনে বেক্কুনে একসমারে থিয়্যেন্।

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিরমিয় 27:4

তারার গিরোজ্‌‌‍‌‌‌‌চুনোরে এক্কান হবর্ দিবাত্তে কবে, ইস্রায়েলর গোজেন বেগত্তুন্ খেমতাবলা লগেপ্রভু তারার গিরোজ্‌‌‍‌‌‌‌চুনোরে এ কধাগান কবাত্তে কোইয়্যে,

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 51:15

লগেপ্রভু নিজোর খেমতালোই পিত্‌‌‌‌‌‌থিমীগান বানেয়্যে, তা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌‌‌‌‌‌‌চান বিজেই দিয়্যে।

দানিয়েল 2:38

তঅ আঢত্ তে মানুচ্, য়েমান আর পেগ্‌‌‌‌কুনোরে দিয়্যে। তারা যিদু বজত্তি গুরিদাক্ সাৎ তে তারারে বেক্কুনোরে তঅ অধীনোত্ গোজ্যে। তুয়ই সেই সোনার মাঢাবো।

দানিয়েল 4:14

তে রঅ ছাড়িনে কলদে, গাজ্‌‌‌‌‌চো কাবি ফেলা আর তার বাগলানি ছাজি ফেলেই দে; তার পাদানি ঝারি ফেলা আর গুলোগুলিগুন্ ঝোড়েই দে, তার তলানত্তুন্ য়েমানুনে আর ডেলাগুনোত্তুন্ পেগ্‌‌‌‌‌কুনে ধেই যাদোক্,

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 4:22

তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

দানিয়েল 4:25

তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 17:24

গোজেন, যিবে এ পিত্‌থিমীগান্ আর সিয়েন ভিদিরে যিয়েনি আঘে বেক্কানি বানেয়্যে, তেয়ই স্বর্গ আর পিত্‌থিমীর্ গিরোজ্। তে আঢ্‌‌‌তোই বানেয়্যে কনঅ মন্দিরোত্ বজত্তি ন-গরে।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

দ্বি’লম্বর বিররণ 2:19

মাত্তর্‌ তুমি যেক্কে অম্মোনীয়গুনো ইদু যেইনে লুমিবা সেক্কে তারারে লবাদোস্যে ন গুরিবা বা যুদ্ধোর্‌ উচ্চোমি ন দিবা, কিত্যে অম্মোনীয়গুনোর্‌ দেজত্‌ কনঅ ভাগই মুই তমারে ন-দিম্‌। লোটোর বংশধরুনোরে মুই সিয়েন্‌ সোম্বোত্তি ইজেবে দিইনে রাগেয়োং।’”

দ্বি’লম্বর বিররণ 2:21

রফায়ীয়গুনে বোলী আর মান্‌জোন্দি ভালোক্কুন্‌ এলাক্। তারা এলাক অনাকীয়গুনো ধোক্ক্যেন লাম্বা। লগেপ্রভু অম্মোনীয়গুনোরে দিইনে তারারে শেজ্ গুরি ফেলেয়্যে; অম্মোনীয়গুনে রফায়ীয়গুনোরে ধাবেই দিইনে তারার্‌ জাগানিত্‌ বজত্তি গুরিলাক্‌।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

দ্বি’লম্বর বিররণ 2:9

সে পরেন্দি লগেপ্রভু মরে কলদে, ‘তুমি মোয়াবীয়গুনোরে তোস্যে ন লাগেয়ো বা যুদ্ধোর্‌ উচ্চোমি ন দুয়ো, কিত্যে তারার্‌ দেজর্‌ কনঅ ভাগই মুই তমারে ন দিম্‌। মুই সোম্বোত্তি ইজেবে আর্‌ শঅরান্‌ লোটোর বংশধরুনোরে দুয়োং।’”

দ্বি’লম্বর বিররণ 32:8

দাঙর্‌ গোজেনে যেক্কে নানান্‌ জাদরে সোম্বোত্তি ভাগ গুরি দিলো, আর মানুচ্চুনোরে নানান্‌ জাদত্‌ ভাগ গুরিলো, সেক্কে ইস্রায়েল জাদর মান্‌জ্যর্‌ সোংখ্যে মনত্‌ রাগেইনে তে অন্য জাদ্‌তুনোর্ দুযি ঠিগ্ গুরি দিলো।

দ্বি’লম্বর বিররণ 4:17

মাদি উগুরে কনঅ য়েমানর বা আগাজ উগুরে উড়ি বেড়েয়্যে কনঅ পেগোর্ ওক্‌,

দ্বি’লম্বর বিররণ 4:25

তুমি আর তমার বংশধরুনে সে দেজত্‌ ভালোক্‌ দিন বজত্তি গরানার্‌ পরেন্দি যেক্কে তুমি ভান্ন্যেই পদথ্‌ যেইনে পূজোত্তে মূত্তি বানেবা আর তমার গোজেন লগেপ্রভুর চোগেদি যিয়েনি ভান্ন্যেই সিয়েনি গুরিনে তারে অখুজি গুরিবা,

দ্বি’লম্বর বিররণ 4:32

গোজেনে পিত্‌থিমীত মানুচ্‌ সৃট্টি গরানার্‌ পরেত্তুন্‌ ধুরি তমার্‌ সময়োত্‌ পুরোণি দিনুনোত্‌ তুমি তোগেই চঅ্‌; আগাজর্‌ এক কিত্তেত্তুন্‌ ধুরি অন্য কিত্তেন্দি সং তোগেই চঅ, যিয়েনি যিয়েনি ঘদের্‌ সিয়েনি ধোক্ক্যেন দাঙর্‌ আর কিজু ঘদের্‌ নাহি, বা সিয়েনি ধোক্ক্যেন আর কনঅ কিজুর্‌ কধা শুনো যেইয়্যে নাহি,

দ্বি’লম্বর বিররণ 4:35

তুমি যেনে হবর্‌ পঅ, লগেপ্রভুই গোজেন আর তে বাদে আর কনঅ গোজেন নেই, সেনত্যে এ বেক্কানি তমারে দেগা ওইয়্যে।

দ্বি’লম্বর বিররণ 5:16

তমা গোজেন লগেপ্রভুর্ উগুমানি মানিনে তুমি তমার্‌ মা-বাবরে সর্মান গুরি চলিবা। সেক্কে তমা গোজেন লগেপ্রভুর দিয়্যে দেজত্‌ তুমি ভালোক্‌ দিন বাঁজি থেবা আর তমার্‌ ভালেদি অবঅ।

দ্বি’লম্বর বিররণ 9:29

মাত্তর্‌ ইগুনে দঅ তরই মানুচ্‌, তরই সোম্বোত্তি যিগুনোরে তুই তর্‌ আত্‌তান বাড়ে দিইনে দাঙর্‌ বল্লোই নিগিলেই আন্যচ্‌।

কলসীয় 1:16

কিত্যেই আগাজত্ আর পিত্‍‌‌‌‍‌‍থিমীত, যিয়েনি দেগা যায় আর যিয়েনি দেগা ন-যায়, বেক্কানি তা মাধ্যমে সৃট্টি ওইয়্যে। দাঙর্ অাগাজত্ যিগুনো আঢত্ রাজাগিরি, দোঙেবার, শাসন আর খেমতা আঘে তারারে বেক্কুনোরে তাঁরে দিইনে তাত্যেই সৃট্টি গরা ওইয়্যে।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”