যিরমিয় 27:21 - Chakma Bible

^21-22 যেদক্কানি জিনিস মঅ ঘরত্ আর যিহূদার রাজার ঘরত্ আর যিরূশালেমত্ আঘে সিয়েনি বাবিলোত্ নেযা অবঅ আর যেদক্ বিলোন সং মুই সিয়েনি মনযোগ ন-দুয়োং সেদক বিলোন্ সং সিয়েনি সিধু থেবঅ। সে পরেদি মুই সিয়েনি এ জাগান ইধু ফিরেই আনিম। মুই ইস্রায়েলর্ গোজেন বেগত্তুন্ খেমতাবলা অধিকারী লগেপ্রভু এই কধাগান কঙর্।

যিরমিয় 27:21 Iomraidhean Croise

২ রাজাবলী 20:17

লগেপ্রভু কত্তে, এন্‌ দিন এবঅ যেক্কে তঅ রাজঘরর্‌ বেক্কানি আর তঅ পূরোণি মানুচ্চুনোর্‌ জোমেয়্যে যেদক্কানি এচ্ছে সং আঘে বেক্কানি বাবিলোত্‌ নেযা অবঅ, কিচ্ছু পুরি ন-থেবঅ।

২ বংশধর 36:18

বাবিলোর রাজাবো গোজেনর ঘরর চিগোন্‌-দাঙর্‌ বেক্‌ পযাপিরানি আর ধন-সোম্বোত্তিগানি আর রাজা আর তার্‌ কাম্‌গুরিয়্যেগুনোর্‌ ধন-সোম্বোত্তিগানি বাবিলোত্‌ নেযেল।

ইষ্রা 1:11

যিয়েনত্ বেক্কানিয়ে পাঁচ আজার চের্‌‌‌‌শ সনা আর রূবোর জিনিস এলঅ। বন্দী অবস্থায় বিদেশত্ বজত্তিগুরিয়্যে মানুচ্চুনে যেক্কেনে বাবিলত্তুন্ যিরূশালেমত্ এলাক্ সেক্কে শেশ্‌‌‌‌বসরর্ এই বেক পযাপিরানি লগে গুরিনে আনিলো।

ইষ্রা 1:7

ইয়েনিবাদে নবূখদ্‌‌‌নিৎসরে লগেপ্রভুর ঘরর্ যেদক্কানি জিনিস যিরূশালেমত্তুন্ নেযেইনে তার্ দেবেদাবোর্ মন্দিরোত্ থোইয়্যে রাজা কোরসে সিয়েনি ধনভান্ডালর্ রোক্ষ্যেগুরিয়্যে মিত্রদাতরে দিইনে নিগিলেই আনিলো। মিত্রদাৎ এ সিয়েনি যিহূদার শাজন্‌‌‌গুরিয়্যে শেশ্‌‌‌বসর ইদু গুণি দিলো।

যিশাইয় 39:6

লগেপ্রভু কোইয়্যেদে, এবাবোত্যে দিন এবঅ যেক্কেনে তর্ রাজঘরর্ বেক্কানি আর তর্ পুরোণি মানুচ্চুনোর্ জোমেয়্যে যিয়েনি এচ্চ্যে সং আঘে বেক্কানি বাবিলোত্ নেযা অবঅ, কনকিজু পোজ্যে ন-থেবঅ।

যিরমিয় 20:5

মুই এ শঅরর্ বেক ধন-সোম্বোত্তিগানি, অত্তাৎ তারার খেদর্ শোজ্য আর মংগা মংগা জিনিস আর যিহূদার রাজাগুনোর বেক্ ধনভান্ডালুন্ তারার শত্রুগুনো আঢত্ তুলি দিম। তারা সিগুন লুদেইনে বাবিলোত্ নেযেবাক্।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।