যিরমিয় 27:2 - Chakma Bible

² লগেপ্রভু তারে কলঅ, তুই কদক্কানি চামড়্ ফিতে আর গাজ্‌‌‍‌‌‌সোই এক্কান জুঙোল্ বানেইনে তঅ ঘট্টনাবো উগুরে রাগেবে।

যিরমিয় 27:2 Iomraidhean Croise

১ রাজাবলী 22:11

সেক্কে কনানার পূঅ সিদিকিয় লুয়োর্‌ শিং বানেইনে এ কধাগান্‌ ফগদাঙ্‌ গুরিলো, “লগেপ্রভু কত্তে, অরামীয়গুনে শেজ্‌ ওই ন-যানা সং তুই ইয়েনিলোই তারারে খাত্যেবে।”

যিরমিয় 25:21

ইদোম, মোয়াব আর অম্মোনর মানুচ্চুনোরে;

যিরমিয় 27:11

মাত্তর্ যুনি কনঅ জাদে বাবিলোর রাজার জুঙোল তলে গত্তনাবো লঙান্ আর তার চাগর্ অন সালে মুই সে জাদ্‌তোরে তার নিজোর দেজত্ থেবাত্তে দিম্ যেনে তারা সিধু খেত্-খেত্তি আর বজত্তি গুরি পারন। মুই লগেপ্রভু এ কধাগান কঙর্।’ ”

যিরমিয় 27:12

যিহূদার রাজা সিদিকিয়রে মুই সে একই হবরান্ দিইনে কলুং, “বাবিল রাজার জুঙোল তলে তুমি তমার গত্তনাগুন্ লঙ; তার আর তা মানুচ্চুনোর চাগর অন, সেক্কে তুই বাঁজিবে।

যিরমিয় 30:8

মুই বেগত্তুন্ খেমতাবলা লগেপ্রভু কঙর্, সেদিন্যে মুই তারার গত্তনাত্তুন্ জুঙোলান্ ভাঙি ফেলেম্ আর তারার দুড়িগান ছিনি ফেলেম; বিদেশীগুনে আর তারার চাগর্ গুরি ন-রাগেবাক্।

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।

যিহিষ্কেল 7:23

“শিগোল্ ঠিগ্ গরা আঘে, কিত্যে দেজ্‌‌চান লো ঝোড়েয়্যেলোই আর শঅরান্ অত্যেচারে ভুরি যেইয়্যে।

আমোষ 7:1

প্রভু লগেপ্রভু মরে এ দর্শনান দেগেল: দ্বিপল্লা ফসলর অক্তত্ রাজার্ ভাগর ঘাস কাবিবার পরেদি যেক্কে আরঅ ঘাস উদিলো সেক্কে লগেপ্রভু ঝাক্ ঝাক্ পুগ্-যুগ্ ঠিগ্ গুরিলো।

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।