যিরমিয় 27:11 - Chakma Bible

¹¹ মাত্তর্ যুনি কনঅ জাদে বাবিলোর রাজার জুঙোল তলে গত্তনাবো লঙান্ আর তার চাগর্ অন সালে মুই সে জাদ্‌তোরে তার নিজোর দেজত্ থেবাত্তে দিম্ যেনে তারা সিধু খেত্-খেত্তি আর বজত্তি গুরি পারন। মুই লগেপ্রভু এ কধাগান কঙর্।’ ”

যিরমিয় 27:11 Iomraidhean Croise

যিরমিয় 21:9

যে কনজনে এ শঅরত্ থেবঅ তে যুদ্ধোত্ বা ভাদরাদে বা ভানালোই মুরি যেবঅ, মাত্তর্ যে কনজনে বারেদি নিগিলিনে তমা আক্রমণ গুরিয়্যে বাবিলীয়গুনো আঢত্ নিজোরে তুলি দে তে বাঁজিবো; তে তা পরাণান বাঁজেই পারিবো।

যিরমিয় 27:12

যিহূদার রাজা সিদিকিয়রে মুই সে একই হবরান্ দিইনে কলুং, “বাবিল রাজার জুঙোল তলে তুমি তমার গত্তনাগুন্ লঙ; তার আর তা মানুচ্চুনোর চাগর অন, সেক্কে তুই বাঁজিবে।

যিরমিয় 27:2

লগেপ্রভু তারে কলঅ, তুই কদক্কানি চামড়্ ফিতে আর গাজ্‌‌‍‌‌‌সোই এক্কান জুঙোল্ বানেইনে তঅ ঘট্টনাবো উগুরে রাগেবে।

যিরমিয় 27:8

“ ‘মাত্তর্ কনঅ জাদে বা রেজ্যই যুনি বাবিলোর রাজা নবূখদ্‌নিৎসরর চাগর ন-অয় বা তা জুঙোলান তলে কানাগান ন-দে সালে মুই সে জাদ্‌‌‍‌‌‌‌‍‍‍‍তোরে যুদ্ধো, ভাদরাত আর ভানা দিইনে সাজা দিম যেদক্কন সং মুই তা আঢ্‌‌‍‌‌‌‌‍‍‍তানিলোই সে জাদ্‌‌‍‌‌‌‌‍‍তোরে ভস্ত ন-গরং।‍‍‍

যিরমিয় 38:2

যিরমিয় কোইয়্যেদে, “লগেপ্রভু এ কধাগান কোইয়্যেদে, ‘যে কনজনে এ শঅরত্ থেবাক্ তে অয় যুদ্ধোত্ নয় ভাদরাদত্ বা ভানালোই মুরি যেবঅ, মাত্তর্ যে কনজনে বাবিলীয়গুনো ইধু যেবঅ তে ন-মুরিবো। তে তার পরাণান্ কনমতে বাঁজেই পারিবো।

যিহিষ্কেল 28:25

“নানান্ জাদত্ ছিদি পোজ্যে ইস্রায়েলীয়গুনোরে মুই যেক্কে এগত্তর্ গুরিম সেক্কে জাদ্‌তুনো চোগো মুজুঙোত্ তারা ভিদিরে মুই নিজোর পবিত্রতাগান ফগদাং গুরিম। সেক্কে তারা নিজোর্ সেই দেজত্ বজত্তি গুরিবাক্ যে দেজচান মুই মর্ চাগর্ যাকোবরে দুয়ো‌‌‌‌‌‌‌‌‌‌‌ঙ্।