যিরমিয় 27:10 - Chakma Bible

¹⁰ তারা মিজে আগাম্ কধা কন, আর ইয়েনর কারনে তুমি তমা দেজত্তুন দূর্ ওই যেবা; মুই তমারে ধাবেই দিম আর তুমি ভস্ত ওই যেবা।

যিরমিয় 27:10 Iomraidhean Croise

যাত্রা 22:18

কনঅ যাদুগুরিয়্যে মিলেরে বাঁজি থেবাত্তে ন-দিবা।

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

যিরমিয় 23:25

যিদুক্কুন ভাববাদী মঅ নাঙে মিজে কধা কন তারা কধা মুই শুন্যং। তারা কন্দে, মুই এক্কান স্ববন দেখ্যং, এক্কান স্ববন দেখ্যং।

যিরমিয় 27:14

সেই ভাববাদীগুনোর কধা ন-শুনিবা যিগুনে তমারে কন, ‘তুমি কনদিন্‌অ বাবিলো রাজার চাগর ন-অবা’; তারা তমা ইধু মিজে আগাম্ কধা কন।

যিরমিয় 27:15

লগেপ্রভু কোইয়্যেদে, ‘মুই তারারে ন-পাদাং। তারা মঅ নাঙে মিজে আগাম্ কধা কন। সেনত্তে মুই তমারে আর তমা ইধু যিগুনে আগাম কধা কন সেই ভাববাদীগুনোরে দুর্ গুরি দিম আর তুমি বেক্কুনে ভস্ত ওই যেবা।’ ”

যিরমিয় 27:16

সেক্কে মুই ধর্মগুরুগুনোরে আর বেক মানুচ্চুনোরে কলুং, লগেপ্রভু কোইয়্যেদে, “যে ভাববাদীগুনে তমারে কন্, খুব যাদিমাদি লগেপ্রভুর ঘরর্ জিনিস্‌‌‌চানি বাবিলত্তুন ফিরেই আনা অবঅ; তারার কধানি তুমি ন-শুন্ন্য। তারা তমা ইধু মিজে আগাম্ কধা কদন্।

যিরমিয় 28:11

সে পরেদি তে বেক মানুচ্চুনো মুজুঙোত্ কলদে, “লগেপ্রভু কোইয়্যেদে, ‘এবাবোত্যেগুরি মুই দ্বি বজর ভিদিরে বেক জাত্তুনোর গত্তনাগুনোত্তুন্ বাবিলোর রাজা নবূখদ্‌নিৎসরর জুঙোলান ভাঙি ফেলেম।’ ” সেক্কে ভাববাদী যিরমিয় সিয়েনত্তুন গেলগোই।

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

যিরমিয় 32:31

যেদিন্যে এ শঅরান্ বানা ওইয়্যে সেদিন্যেত্তুন্ ধুরি এচ্চ্যে সং সিয়েন মর্ বেজার্ অনাগান্ আর রাগ্‌‌‍কান এমন্‌গুরি জাগেই দুয়ো, মঅ চোগো মুজুঙোত্তুন মুই সিয়েন সোরেই দিম্,‌‍

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

দ্বি’লম্বর বিররণ 18:10

তমা ভিদিরে যেন এধোক্ক্যেন কনঅ মানুচ্‌ ন থান্‌ যে তার নিজোর পূঅবোরে আগুন্দোই পুড়িনে উৎসর্বর অনুষ্ঠানান্ গরে, যে গোণাপড়া গুরিনে বা যাদুবিদ্যে খাদেইনে বা লক্ষণ চেইনে আগাম্ কধা কয়, যে যাদু গরে,