যিরমিয় 26:9 - Chakma Bible

⁹ কিত্তে তুই লগেপ্রভুর নাঙান্দোই এ আগাম্ কধাগান গরর্, এ ঘরান শীলো ধোক্ক্যেন অবঅ আর এ শঅরান ভস্ত আর মানুচ্ নেইয়্যে অবঅ?” ইয়েন কোইনে বেক মানুচ্চুনে লগেপ্রভুর ঘরত্ যিরমিয়রে ঘিরি ধুরিলাক্।

যিরমিয় 26:9 Iomraidhean Croise

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিরমিয় 32:3

কিত্তে যিহূদার রাজা সিদিকিয় এ কধাগান কোইনে তারে বন্দী গোজ্যে, তুই এ কধাগান কোইনে আগামকধা গোজ্যস্, লগেপ্রভু কোইয়্যেদে, “মুই এ শঅরানরে বাবিলো রাজা আঢত্ তুলি দিবাত্তে যাঙর্ আর তে সিয়েন গজক্ গুরিবো।

যিরমিয় 33:10

“তুমি এ জাগান পৌইদ্যেনে কোই থাগঅ, ‘ইয়েন এক্কান ফেলা যেইয়্যে ভূই; ইয়েনত্ মানুচ্ বা য়েমান কিচ্চু নেই।’ মাত্তর্ যিহূদার যে শঅরানি আর যিরূশালেমর যে পথ্‌তানি খালি পড়ি আঘে, সিয়েনত্ মানুচ্ বা য়েমান বজত্তি ন-গরন সিয়েনত্ আরঅ ফুত্তি আর হুজির্ রঅ বা নেগ-মোগোর্ রঅ শুনো যেবঅ; যিগুনে লগেপ্রভুর ঘরত্ ভালেদি উৎসর্বত্তে জিনিস আনিবাক্ তারার্ রঅগুনো শুনো যেবঅ। তারা কবাক্, ‘বেগত্তুন্ খেমতাবলা লগেপ্রভুরে সাধুবাদ্ দুয়ো, কিত্তে লগেপ্রভু মংগলময়, তার অমকদ কোচ্‌‍‍‍পানা জিংকানিবরত্তে থিদেবর্।’ আগ ধোক্ক্যেন মুই এ দেজর্ অবস্থাগান ফিরেম্।

যিরমিয় 36:29

ইয়েনি বাদেয়ো তুই যিহূদার রাজা যিহোয়াকীমরে কঅ, লগেপ্রভু কোইয়্যেদে, ‘তুই বোইবো পুড়ি দিইনে কিত্তে পুজোর্ গরর্ যিরমিয় এ বোইবো ভিদিরে লেখ্যেদে, বাবিলোর রাজা হামাক্কায় এইনে এ দেজ্‌‌চান ভস্ত গুরিবো আর মানুচ্ আর য়েমান দুনোগুন শেজ্ গুরি দিবো?

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

আমোষ 5:10

যে মানুচ্চো শঅর গেদোত্ অন্যেয়র্ বিরুদ্ধে থিয়্যেই তুমি দঅ তারে ঈচ্ গরঅ আর যে সত্য কধা কয় তারে তুচ্ছো গরঅ।

মীখা 2:6

তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”

মথি লেখ্যে গম্ হবর্ 21:23

যীশু উবোসনা-ঘরত্ ফিরি গেলঅ। যেক্কে তে সিয়েনত্ শিক্ষ্যে দের্ সেক্কে আজল্ ধর্মগুরুগুনে আর যিহূদীগুনোর্ বুড়ো নেতাগুনে তাইধু এইনে পুযোর্ গুরিলাক্, “তুই কন্ অধিকারে ইয়েনি গরর্? কন্না তরে এই অধিকারান্ দিয়্যে?”

মথি লেখ্যে গম্ হবর্ 27:20

মাত্তর্ আজল্ ধর্মগুরুগুনে আর বুড়ো নেতাগুনে মানুচ্চুনোরে ভেজেই দিলাক্ যেন তারা বারাব্বারে মাগি লন্ আর যীশুরে মারে ফেলেবাত্তে কধা কন্।

মার্ক 15:11

মাত্তর্ আজল্ ধর্মগুরুগুনে মানুচ্চুনোরে খাট্যেয়োন্ যেন তারা যীশুর বদলে বারাব্বারে মাগি লন্।

যোহন 8:20

উবোসনা-ঘরত্ শিক্ষ্যে দিবার্ অক্তত্ দান্ দিবার জাগানত্ যীশু ইয়েনি বেক্কানি কলঅ। মাত্তর্ সেক্কেয়ো তার্ সময় ন-অয় বিলি কনজনে তারে ন-ধুরিলাক্।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 21:30

সেক্কে পুরো শঅরত্ উত্তেজিত ওই উদিলাক্। মানুচ্চুনে একসমারে ধাবা এইনে পৌলরে ধুরিনে উবোসনা-ঘরত্তুন্ টানিনে নিগিলেই আনিলাক্ আর সমারে সমারে উবোসনা-ঘরর্ দোরানি নাঢি দিলাক্।

প্রেরিত্‌ 22:22

মানুচ্চুনে এদক্কন্ সং পৌল কধা শুনোদন্, মাত্তর্ যেক্কে তে অযিহূদীগুনো কধা কলঅ সেক্কে মানুচ্চুনে রঅ ছাড়িনে কুয়ো ধুরিলাক্, “তারে পিত্‌থিমীত্তুন্ দূর্ গুরি দুয়ো; তে বাঁজি থেবার্ মত নয়।”

প্রেরিত্‌ 3:11

মাত্তর্ ভিখেরিবো পিতর আর যোহনর পিজেত্তুন্ ন-লুড়িলো। মানুচ্চুনে পিতরর্ সেই কামত্ আমক্ ওইনে তারা ইধু ধাবা ধাবা এলাক্।

প্রেরিত্‌ 5:12

প্রচারক্কুনে মানুচ্চুনো ইধু বোউত্ আমক্ অবার কাম আর চিহ্নো-কাম গুরিদাক্; আর বিশ্বেজিগুনে বেক্কুনে উবোসনা-ঘরর্ শলোমন বারান্দাত্ একসমারে এগত্তর্ অদাক্।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 6:14

আমি তারে এ কধাগান কধে শুন্ন্যেই, সেই নাসরত্ আদামর যীশু এ উবোসনা-ঘরান ভাঙি ফেলেব আর মোশি যে চলেদে সুদোমানি আমারে দি যেয়্যে সিয়েনিয়ো বুদুলি ফেলেব।”

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।