যিরমিয় 26:5 - Chakma Bible

⁵ ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

যিরমিয় 26:5 Iomraidhean Croise

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

২ রাজাবলী 9:7

তর্‌ গিরোজ্‌ আহাবর বংশবোরে তুই ভস্ত গুরিবে। ঈষেবলে মঅ চাগরুনোরে, অত্তাৎ ভাববাদীগুনোরে আর লগেপ্রভুর অন্য বেক্‌ চাগরুনোরে যে লো ঝোরেয়্যে সিয়েনর হেনাবো মুই সুজিম্‌।

যিরমিয় 11:7

তমা পুরোণি মানুচ্চুনোরে যেক্কে মুই মিসরত্তুন নিগিলেই আন্যং সেক্কেত্তুন ধুরি এচ্চ্যে সং বার্ বার্ তারার উজিয়ার গুরি দিইনে কোইয়োং, ‘তুমি মঅ কধা মজিম আঢঅ।’

যিরমিয় 29:19

ইয়েনর কারনান্ অলঅ, যে কধাগান মুই বার্ বার্ মঅ চাগরুনোরে, অত্তাৎ ভাববাদীগুনোরে দিইনে তারা ইধু কোই পাদেয়োং সিয়েন তারা ন-শুনোন্।

যিরমিয় 32:33

তারা মঅ ইন্দিত্তুন পিঠ্‌তান ফিরেয়োন, মুয়োদি নয়; যুনিয়ো মুই বারে বারে তারারে শিক্ষ্যে দুয়োং তো তারা মঅ শাজনান্ ন-মানন, গুজিয়ো ন-লন। ‌‍

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 35:17

“সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, ‘শুন, মুই যিহূদা আর যিরূশালেমত্ বজত্তি গুরিয়্যে পত্তিজনর বিরুদ্ধে যেদক্কানি দজার্ কধা কোইয়োং সিয়েনির এক এক্কান মুই তারা উগুরে ঘোদেম্। মুই তারারে কোইয়োং, মাত্তর্ তারা ন-শুনোন্; মুই তারারে ডাক্যং, মাত্তর্ তারা জোব্ ন-দুয়োন।’ ”

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 7:13

তুমি এ পাপ্‌পানি গোজ্য, অত্তাৎ মুই তমারে বার বার কলেয়ো তুমি ন-শুনো আর তমারে ডাগিলেয়ো জোব্ ন-দুয়ো।‌

যিরমিয় 7:25

তমা পুরোণি মানুচ্চুনে যেক্কে মিসর ছাড়ি এচ্চ্যন্ সেক্কেত্তুন ধুরি এচ্চ্যে সং দিনকে দিন মুই তমা ইধু মর্ বেক চাগরুনোর, অত্তাৎ ভাববাদীগুনোরে পাধেই এজঙর্।

যিহিষ্কেল 38:17

মুই প্রভু লগেপ্রভু কঙর্, পুরোণি কালত্ মঅ চাগরুনোর্, অত্তাৎ ইস্রায়েল ভাববাদীগুনোর মাধ্যমে মুই যিবে কধা কোইয়োং সিবে কি তুই নয়? সে অক্তত্ বজরর্ পর পর ভাববাদিগুনে কোইয়োন, মুই তরে তারা বিরুদ্ধে আনিম।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

ফগদাং পেইয়্যে 10:7

মাত্তর্ সাত-লম্বর স্বর্গদূত্‌তো তা তূরীবো বাজেবার দিনোত্ গোজেনর্ গুমুরো উদ্দেচ্চ্যগান পরিপূরোণ অবঅ। গোজেনে তা নিজো চাগরুনো ইধু, অত্তাৎ ভাববাদীগুনো ইধু যিয়েনি জানেয়্যে ঠিগ্ সেবাবোত্যে গুরি ইয়েনি অবঅ।”

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”