যিরমিয় 26:4 - Chakma Bible

⁴ তুই তারারে এ কধাগান কবে, লগেপ্রভু কোইয়্যেদে, ‘তুমি এদকদিন মঅ কধা ন-শুনো আর তমা মুজুঙোত্ মুই যে সুদোমানি রাগেয়োং সিয়েনি ন-পালঅ;

যিরমিয় 26:4 Iomraidhean Croise

১ রাজাবলী 9:6

“মাত্তর্‌ যুনি তুমি বা তমা পূঅ-ঝিগুনে মত্তুন্‌ ফিরি যগোই আর তমাইদু দিয়্যে মর্‌ উঘুম্‌ আর সুদোমানি ন-পালেইনে দেব-দেবেদাগুনোরে সেবা আর পূজো গরঅ,

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিরমিয় 22:5

মাত্তর্ যুনি তুমি এ উগুমানি ন-পালঅ সালে মুই লগেপ্রভু মর্ নিজো নাঙে শমক্ হেইনে কঙর্, এ রাজঘরান ভস্ত ওই যেবঅ।’ ”

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিরমিয় 44:10

এজঅ সং তুমি নিজোর মনান ভাঙিনে কট্টা কট্টা ন-গরঅ বা মরে ভোক্তিগুরিনে নয়ো দরঅ; তমার বা তমা পুরোণি মানুচ্চুনো ইধু মুই যে রীদি-সুদোমানি দুয়োং সিয়েনিয়ো তুমি ন-পালঅ।

যিরমিয় 44:23

তুমি আগর্‌বাট্টি জ্বালেয়ো আর লগেপ্রভুর বিরুদ্ধে পাপ গোজ্য; তুমি তা কধানি অমান্য গোজ্য আর তা আইন-কানুন্, সুদোম আর কধানি ন-পালঅ; সেনত্তে এ দজাগান আমা উগুরে এচ্চ্যে। তুমি দঅ সিয়েনি দেগর্।”

যিরমিয় 7:14

যে ঘরান উগুরে তুমি নির্ভর গোজ্য সেই ঘরান মুই মর্ থেবার জাগা বানেয়োং, আর এ জাগায়ান মুই তমার আর তমা পুরোণি মানুচ্চুনোরে দুয়োং। মাত্তর্ তমা পাপ্‌‌‌পানিত্তে এ ঘরানরে আর এ জাগায়ানর অবস্থা মুই সেবাবোত্যে গুরিম যেবাবোত্যে মুই শীলো উগুরে গোজ্যং। ‌

দ্বি’লম্বর বিররণ 31:20

তারার পুরোণি মানুচ্চুনো ইদু মর্‌ শমক্‌ গোজ্যে সেই দুধ আর মধুলোই ভরা দেজত্‌ যেক্কে মুই তারারে নেযেম্‌ আর যেক্কে তারা পেট ভরা খেইনে সুগেই থেবাক সেক্কে তারা মরে ঈচ্ গুরিনে মর্‌ সুদোমানি ভাঙিনে দেব-দেবেদাগুনোর্ পিজেন্দি যেইনে তারারে পূজো গুরিবাক।

দ্বি’লম্বর বিররণ 4:44

মোশি ইস্রায়েলীয়গুনো মুজুঙোত্‌ এ রীদি-সুদোমানি তুলি ধোজ্যে। মিসরত্তুন্‌ নিগিলি এজানার্‌ পরেন্দি তে যর্দনর্‌ পূগেন্দি হিষ্‌বোনোর্‌ ইমোরীয় রাজা সীহোনর্‌ দেজত্‌ বৈৎ-পিয়োরর মুজুঙো কিঝিঙানত্‌ ইস্রায়েলীয়গুনো ইদু এদক্কানি উঝিয়ারর্‌ কধা আর সুদোম আর উগুম্‌ জানেয়্যে। মিসর দেজত্তুন্‌ নিগিলি এজানার্‌ পরেন্দি মোশি আর ইস্রায়েলীয় রাজাবো সীহোনরে অদেই দিয়্যে।

দ্বি’লম্বর বিররণ 4:8

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ সুদোম আর রীদি-সুদোমানি তমা ইদু এচ্ছ্যে মর্‌ দিয়্যে সুদোম ধোক্ক্যেন গমান ইন্দি সয়্‌সাগর্‌?

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।