যিরমিয় 26:3 - Chakma Bible

³ অয়ত তারা শুনিবাক্ আর পত্তিজনে তারার ভান্ন্যেই পধত্তুন ফিরি এবাক্। সালেন্ তারার ভান্ন্যেই কামানিত্তে মুই তারা উগুরে যে দজাগান্ আনিবার পরিকল্পনা গোজ্যং সিয়েন আর ন-আনিম।

যিরমিয় 26:3 Iomraidhean Croise

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

১ রাজাবলী 21:29

“তুই কি খিয়েল্‌ গোজ্যস্‌ আহাবে মঅ মুজুঙোত্‌ নিজোরে কি বাবোত্যে চিগোন্‌ গোজ্যে? তে নিজোরে চিগোন্‌ গোজ্যে বিলিনে এ দযাগান্‌ মুই তা জিংকানিত্‌ ন-আনিম্‌, মাত্তর্‌ তা পূঅবো জিংকানিত্‌ তা বংশগুনো উগুরে আনিম্‌।”

যিরমিয় 26:13

ইক্কিনে তুমি তমার আদাউদো আর কামানি বদল আর তমা গোজেন লগেপ্রভুর কধানি শুনো। সালে লগেপ্রভু তমা বিরুদ্ধে যে দযাগান পাদেবার কধা কোইয়্যে সিয়েন আর ন-পাদেব।

যিরমিয় 26:19

যিহূদার রাজা হিষ্কিয় বা যিহূদার অন্য কনজনে কি মীখারে মারে ফেলেয়োন? হিষ্কিয় কি লগেপ্রভুরে ভোক্তিগুরিনে ন-দরায় আর তার দোয়্যে ভিক্ষে ন-গরে? ইয়েনত্ লগেপ্রভু মানুচ্চুনো উগুরে যে দযাগান্ পাদেবার কধা কোইয়্যে সিয়েন আর ন-পাদায়। মাত্তর্ আমি দঅ নিজো উগুরে এক্কান দর্‌‌‌গরেপারা দযা ডাগি আন্ন্যেই‌।”

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিরমিয় 36:7

অয়ত তারা লগেপ্রভু ইধু তবনা গুরিবাক্ আর পত্তিজনে তারার ভান্ন্যেই পধত্তুন ফিরিবাক্, কিত্তে এ মানুচ্চুনো বিরুদ্ধে লগেপ্রভু অমকদ অহুজি আর রাগর্ কধা কোইয়্যে।”

যিহিষ্কেল 12:3

“সেনত্তে ও মান্‌‌‌জ্যর পুয়োবো, তুই যেন দূরোত্ বন্দী ওই যর্ সেবাবোত্যেগুরি তর্ পযাপিরানি বানি নেযা আর তারা চোগো মুজুঙোত্ দিনোত্ আদা মার্; তুই যিয়েনত্ আগচ্ সিয়েনত্তুন্ অন্য জাগাত্ যাহ্। তারা যে উল্লোমী জাদ্ অয়ত তারা সিয়েন বুঝি পারিবাক্।

যিহিষ্কেল 18:21

মাত্তর্ যুনি এক্কো পাজি মানুচ্ তার বেক পাপ্পানিত্তুন্ ফিরিনে মর্ বেক সুদোমানি পালায় আর ন্যায় আর ঠিগ্ কাম গরন সালে হামাক্কায় বাঁজিবো, ন-মুরিবো।

হোশেয় 11:9

মর্ দর্‌‌‌গরেপারা রাগ্‌‌‌কান মুই ফগদাং ন-গুরিম, ইফ্রয়িমরে আর ভস্ত ন-গুরিম, কিত্যে মুই গোজেন, মানুচ্ নয়; মুই তঅ ভিদিরে থেইয়্যে সেই পবিত্র মানুচ্চো। মুই রাগ্ ন-আনিম।

যোয়েল 2:14

কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌