যিরমিয় 26:13 - Chakma Bible

¹³ ইক্কিনে তুমি তমার আদাউদো আর কামানি বদল আর তমা গোজেন লগেপ্রভুর কধানি শুনো। সালে লগেপ্রভু তমা বিরুদ্ধে যে দযাগান পাদেবার কধা কোইয়্যে সিয়েন আর ন-পাদেব।

যিরমিয় 26:13 Iomraidhean Croise

যাত্রা 32:14

এই কধাগান্‌ শুনিনে লগেপ্রভুর্‌ মনত্‌ দোয়্যে অলঅ‌। তার্‌ মানুচ্চুনো উগুরে যে দজাগানি আনিবার্‌ কধা তে কোইয়্যে সিয়েনি আর তে ন-আনিলো।

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 26:19

যিহূদার রাজা হিষ্কিয় বা যিহূদার অন্য কনজনে কি মীখারে মারে ফেলেয়োন? হিষ্কিয় কি লগেপ্রভুরে ভোক্তিগুরিনে ন-দরায় আর তার দোয়্যে ভিক্ষে ন-গরে? ইয়েনত্ লগেপ্রভু মানুচ্চুনো উগুরে যে দযাগান্ পাদেবার কধা কোইয়্যে সিয়েন আর ন-পাদায়। মাত্তর্ আমি দঅ নিজো উগুরে এক্কান দর্‌‌‌গরেপারা দযা ডাগি আন্ন্যেই‌।”

যিরমিয় 26:3

অয়ত তারা শুনিবাক্ আর পত্তিজনে তারার ভান্ন্যেই পধত্তুন ফিরি এবাক্। সালেন্ তারার ভান্ন্যেই কামানিত্তে মুই তারা উগুরে যে দজাগান্ আনিবার পরিকল্পনা গোজ্যং সিয়েন আর ন-আনিম।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিরমিয় 38:20

জোবত্ যিরমিয় কলঅ, “তারা তরে তুলি ন-দিবাক্। মুই তরে যিয়েন কঙর্ সিয়েন গুরিনে লগেপ্রভুর বাধ্য অ। সালে তর্ গম্ অবঅ, তঅ পরানান বাঁজিবো।

যিরমিয় 42:10

তুমি যুনি দেজত্ থাগঅ সালে মুই তমারে তুলিম, ভাঙি ন-ফেলেম; মুই তমারে লাগেই দিম্, উগুরে ন-ফেলেম, কিত্তে তমা উগুরে যে দজাগান আন্যং সিয়েনত্তে মুই মনত্ দুঘ্ পেইয়োং।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

যোয়েল 2:14

কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।

যোনা 3:9

কন্না হবর্ পাই অয়ত বা গোজেনে মন ফিরেইনে তার্ জদবদে রাগত্তুন্ ফিরিবো যেনে আমি ভস্ত ওই ন-যেই।”

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

বিচের গুরিয়্যেগুন 2:18

লগেপ্রভু যেক্কে তারাত্তেই কনঅ শাজন্ গুরিয়্যে থিক্‌ গুরিদো সেক্কে তে তা সমারে থেদঅ। সে শাজন্ গুরিয়্যেবো যেদকদিন বাঁজি থেদঅ‌ সেদকদিন সং লগেপ্রভু শত্রুগুনোর আঢত্তুন্‌ ইস্রায়েলীয়গুনোরে রোক্ষ্যে গুরিদো। অত্যেচারীগুনোর আঢত্‌ যন্ত্রণা আর দুখ্‌ পেইনে তারা যেক্কে কানাকুদি গুরিদাক্‌ সেক্কে তারা উগুরে লগেপ্রভুর মেইয়্যে অদঅ‌।