যিরমিয় 25:9 - Chakma Bible

⁹ সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 25:9 Iomraidhean Croise

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

২ বংশধর 29:8

সেনত্তে যিহূদা আর যিরূশালেম উগুরে লগেপ্রভুর রাগ্‌কান লামি এলঅ। তুমি নিজো চোগেন্দি দেগর্‌, তে তারারে অমকদ দর্‌গরেপারা আর ঘিনাইদে ধোক্ক্যেন গুরি তুলিলো; তারারে দেগিনে মানুচ্চুনে আমক্‌ অদন্‌।

২ বংশধর 36:21

এ অক্তত্‌ ইস্রায়েল দেজচানে তার্‌ জিরেবার্‌-বজরত্‌ জিরেল। যিরমিয়োর মাধ্যমে কোইয়্যে লগেপ্রভুর কধা সত্তুর্‌ বজর্‌ পূরোণ ন-অনা সং তারার্‌ দেজর্‌ বেক্‌ ভূইয়ানি এনেবাদে থেইনে জিরেল।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 13:3

মঅ নাঙে যুদো গোজ্যে মানুচ্চুনোরে মুই উগুম দুয়োং; মঅ রাগ্‌কান ঢালি দিবাত্তে মুই মঅ যোদ্ধাগুনোরে ডাক্কোং। মর্ বাঈনী গরানাগান ফগদাং ওইয়্যে বিলিনে তারা হুজিয়ে বাড়্‌বো গত্তন্।”

যিশাইয় 39:7

তর্ কয়েক্কো বংশধর, তর্ নিজো পুয়োবো, যিগুনোরে তুই জর্ম দুয়োচ্, তারা বাবিলো রাজঘরত্ আঢুর্ ওইনে সেবা-কাম গুরিবাক্।”

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিরমিয় 1:14

লগেপ্রভু মরে কলদে, “এ দেজত্ যিগুনে বজত্তি গরন তারার বেক্কুনো উগুরে উত্তোরেত্তুন দজার্ বান পানি ধোক্ক্যেন উজেই এবঅ।

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 12:14

লগেপ্রভু কোইয়্যেদে, “মুই অধিকার ইজেবে যে জাগায়ান মঅ মানুচ্চুনোরে দুয়োং মর্ বেক পাজি পাড়াল্যেগুনে সিয়েনত্ হানা দুয়োন। সেনত্তে মুই তারার দেজত্তুন্ তারারে তুলি দিম্ আর তারাত্তুন যিহূদার মানুচ্চুনোরে তুলি আনিম।

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 2:15

সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

যিরমিয় 20:4

কিত্তে লগেপ্রভু কোইয়্যেদে, ‘মুই তরে তর্ নিজোর আর তঅ সমাজ্যেগুনো ইধু অমকদ দর্‌গরেপারা গুরিম। তুই নিজো চোগেদি যুদ্ধোত্ শত্রুগুনো আঢত্ তারারে মুরি যেবাত্তে দেগিবে। বেক্ যিহূদাগুনোরে মুই বাবিলো রাজা আঢত্ তুলি দিম। তে তারাত্তুন ভালোক্কুনোরে বাবিলোত্ নেযেব আর বাদবাগি মানুচ্চুনোরে মারে ফেলেব।‌

যিরমিয় 24:9

মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

যিরমিয় 25:8

“সেনত্তে বেগত্তুন্ খেমতাবলা লগেপ্রভু কোইয়্যেদে, ‘তুমি মঅ কধা ন-শুনো।

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

যিরমিয় 35:11

মাত্তর্ যেক্কে বাবিলর রাজা নবূখদ্‌নিৎসরে এ দেজ্‌চান আক্রমন গুরিলো সেক্কে আমি কলং, ‘বাবিলীয় আর অরামীয় সৈন্যগুনোত্তুন ধেই যঅ, আমি যিরূশালেমত্ যেই।’ সেনত্তে আমি যিরূশালেমত্ রোইয়্যেই।”‌

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 36:29

ইয়েনি বাদেয়ো তুই যিহূদার রাজা যিহোয়াকীমরে কঅ, লগেপ্রভু কোইয়্যেদে, ‘তুই বোইবো পুড়ি দিইনে কিত্তে পুজোর্ গরর্ যিরমিয় এ বোইবো ভিদিরে লেখ্যেদে, বাবিলোর রাজা হামাক্কায় এইনে এ দেজ্‌‌চান ভস্ত গুরিবো আর মানুচ্ আর য়েমান দুনোগুন শেজ্ গুরি দিবো?

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 40:2

যিরমিয়রে ইরি দিবার সময়োত্ নবূষরদনে তারে কোইয়্যেদে,“তর্ গোজেন লগেপ্রভু যিহূদা বিরুদ্ধে এ ভস্ত অবার কধা কোইয়্যেদে।

যিরমিয় 43:10

সে পরেদি তারারে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘মুই মঅ চাগর্ বাবিল রাজা নবূখদ্‌নিৎসররে ডাগি আনিম আর যে পাত্তরুন্ মুই ইয়েনত্ লুগেই রাগেয়োং সিগুনো উগুরে তা সিংহাসনান্ বোজেম; তে সিয়েন উগুরে তা রাজ-চাদরান বিজেব।

যিরমিয় 46:20

“মিসরান যেন এক্কান দোল্ মাদাম্ গোরু, মাত্তর্ উত্তোরেত্তুন্ তা বিরুদ্ধে এক্কো ডাঁশ-মাছি এজের্।

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিরমিয় 8:16

দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

যিহিষ্কেল 12:20

মানুজে ভরা শঅরানি ভস্তর্ জাগা ওই থেবঅ আর দেজচান মানুচ্ নেইয়্যে অবঅ। সেক্কে তুমি হবর্ পেবা যে, মুয়ই লগেপ্রভু।’ ”

যিহিষ্কেল 16:40

তারা তঅ বিরুদ্ধে একদল মান্‌জ্যরে উত্তেজিত গুরিবাক্; তারা তরে পাত্তর্ মেলা দিইনে মারে ফেলেবাক্ আর তারার্ তলোয়ার্‌লোই তরে কট্টা কট্টা গুরি কাবিবাক্।

যিহিষ্কেল 21:11

লগেপ্রভু কোইয়্যেদে, লাম্বা ছুরিগান্ পালিশ্ গরা ওইয়্যে যেন সিয়েন বেবহার গরা যায়; যে মারে ফেলেব তা আঢত্ দিবাত্তে সিয়েন ধারানা আর পালিশ্ গরা ওইয়্যে।

যিহিষ্কেল 26:7

ও সোর, মুই তঅ বিরুদ্ধে উত্তোরেদিত্তুন্ ঘোড়া, রথ, ঘোড়াচালেয়্যে আর দাঙর্ এক্কো সৈন্যদল সমারে রাজাগুনোর রাজা, অত্তাৎ বাবিলোর রাজা নবূখদ্‌নিৎসররে আনিম।

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

হবক্‌‌‌‌কূক 1:12

ও লগেপ্রভু, মর্ গোজেন, মর্ সুদ্ধো-সাংগ মানুচ্চো, তুই কি উমরত্তে নয়? আমি এক্কুবারে ভস্ত ন-অবং। ও লগেপ্রভু, আমারে সাজা দিবাত্তে তুই বাবিলীয়গুনোরে নেযেয়োচ্; ও আশ্রয়-মুড়োবো, তুই আমারে সাজা দিবাত্তে তারারে নেযেয়োচ্।

হবক্‌‌‌‌কূক 1:17

তারা কি বার্ বার্ তারার্ জালান্ খালি গুরি দোয়্যে ন-দেগেইনে জাদ্‌‌‌‌‌‌তুনোরে ভস্ত গরা ধুরিবাক্?

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।