যিরমিয় 25:35 - Chakma Bible

³⁵ পালক্কুনোর ধেই যেবার পথ ন-থেবঅ; পালর নেতাগুনে কনজাগাত্ যেই ন-পারিবাক্।

যিরমিয় 25:35 Iomraidhean Croise

ইয়োব 11:20

মাত্তর্‌ শদানুনে উদ্ধোরর্‌ আজায় মিজে মিজে চেই থেবাক্‌, তারা কনঅ আশ্রয় ন-পেবাক্‌; শেজ্‌ নিজেশ্বো অবদে তারার্‌ আজা।”

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

যিরমিয় 11:11

সেনত্তে মুই লগেপ্রভু কঙর্, মুই তারা উগুরে এন্ দজা আনিম যিয়েনত্তুন্ তারা ধেই ন-পারিবাক্। যুনিয়ো তারা মঅ মুজুঙোত্ কানিবাক্ তো মুই তারা কধানি ন-শুনিম।

যিরমিয় 25:36

পালক্কুনোর কানানি আর পালর্ নেতাগুনোর আবিলেচ্ শুনো, কিত্তে লগেপ্রভু তারার চরেদে জাগায়ান বর্‌বাত গুরি ফেলেয়্যে। ‌‌‌‌‌

যিরমিয় 32:4

যিহূদার রাজা সিদিকিয় বাবিলো রাজা আঢত্তুন্ রেহাই ন-পেবঅ বরং তারার রাজার আঢত্ তারে ঘেচ্চেকগুরি তুলি দিয়্যে অবঅ। বাবিলো রাজার মুয়োমি ওইনে তে কধা কবঅ আর নিজো চোগেদি তারে দেগিবো।

যিরমিয় 34:3

তুই তা আঢত্তুন্ রেহাই ন-পেবে; তরে ঘেচ্চেকগুরি ধুরিনে তা আঢত্ দিয়্যে অবঅ। তুই নিজো চোগেদি বাবিলো রাজারে দেগিবে; তে তর্ মুয়োমি ওইনে তঅ সমারে কধা কবঅ, আর তুই বাবিলোত্ যেবে।

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিরমিয় 38:18

মাত্তর্ যুনি বাবিল-রাজার সেনাপতিবো ইধু উদি যানা স্বিগের্ ন-গরচ্ সালে এ শঅরান বাবিলীয়গুনো আঢত্ তুলি দিয়্যে অবঅ আর তারা ইয়েন পুড়ি ফেলেই দিবাক্; আর তুই নিজেয়ো তারা আঢত্তুন্ রোক্ষ্যে ন-পেবে।’ ”

যিরমিয় 38:23

তর্ বেক মোগ্ আর ঝি-পুয়োগুনোরে বাবিলীয়গুনো ইধু নেযা অবঅ। তুই নিজেয়ো তারা আঢত্তুন্ রোক্ষ্যে ন-পেবে বরং বাবিল রাজা আঢত্ ধরা পুরিবে, আর এ শঅরান পুড়ি দিয়্যে অবঅ।”

যিরমিয় 48:44

যে মানুচ্চো দরে ধেই যেবঅ তে গাদত্ পুরিবো, যে মানুচ্চো গাদত্তুন্ উদি এবঅ তে ফালত্ ধরা পুরিবো; কিত্তে মুই মোয়াবর সাজাগানর্ সময়ান্ ঠিগ্ গুরি রাগেয়োং। মুই লগেপ্রভু এ কধাগান কঙর্।

যিহিষ্কেল 17:15

মাত্তর্ সেই শাজন্‌গুরিয়্যেবো ঘোড়া আর এক্কো দাঙর্ সৈন্যদল পেবাত্তে মিসরত্ দূত পাধেইনে বাবিল রাজার বিরুদ্ধে উল্লোমী গুরিলো। তে কি সফল অবঅ? যে এই কামানি গরে তে কি রেহাই পেবঅ? শমক্ ভাঙিলে কি তে রোক্ষ্যে পেবঅ?

যিহিষ্কেল 17:18

তে দঅ চুক্তি ভাঙিনে শমক্তান্ ঈচ্ গোজ্যে। তে অধীনতার চুক্তি গুরিনেয়ো এ কামানি গোজ্যে বিলিনে রেহাই ন-পেবঅ।

দানিয়েল 5:30

সেই রেদোত্ বাবিলীয়গুনোর রাজা বেল্‌‌‌শৎসররে মারে ফেলা অলঅ,

আমোষ 2:14

যিগুনে যাদিমাদি দাবা দি পারন তারা নিজোরে রোক্ষ্যে গুরি ন-পারিবাক্, বোলীগুনে তারার্ বলান্ দেগেই ন-পারিবাক্ আর যোদ্ধাগুনে নিজো পরাণান্ বাজেই ন-পারিবাক্।