যিরমিয় 25:33 - Chakma Bible

³³ সেক্কে লগেপ্রভু যিগুনোরে মারে ফেলেব তারা পিত্‌থিমীর এক ধুজিত্তুন অন্য ধুজি সং বেক্ জাগানিত্ পড়ি থেবাক্। তারাত্তে কনজনে আবিলেচ্ ন-গুরিবাক্ বা তারারে কনজনে এগত্তর্ অ ন-গুরিবাক্ বা গোর্‌‌‌‌‌অ ন-দিবাক্, মাত্তর্ তারা অবাক্ মাদিত্ পোজ্যে গবর ধোক্ক্যেন।

যিরমিয় 25:33 Iomraidhean Croise

২ রাজাবলী 9:37

সে ভূইয়ো মাদিগানত্‌ ঈষেবলর কিয়্যেগান্‌ এন্‌ গবর-সার ধোক্ক্যেন্‌ পড়ি থেবদে, কনজনে চিনি নঅ-পারিবাক্‌ সিয়েন্‌ যে ঈষেবলর কিয়্যেগান।’ ”

গীতসংহিতা 79:3

যিরূশালেম চেরোকিত্যে তারা পানি ধোক্ক্যেন গুরি তারার লো-গানি ঢালি দুয়োন; তারারে গোর্ দিবাত্যে কনজন নেই।

গীতসংহিতা 83:10

সীষরা আর যাবীন ঐন্‌দোরোত্ ভস্ত ওই যেয়োন্; তারা ভূইয়ো উগুরে গবর ধোক্ক্যেন্ পড়ি আগন্।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 66:16

লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যিহিষ্কেল 21:11

লগেপ্রভু কোইয়্যেদে, লাম্বা ছুরিগান্ পালিশ্ গরা ওইয়্যে যেন সিয়েন বেবহার গরা যায়; যে মারে ফেলেব তা আঢত্ দিবাত্তে সিয়েন ধারানা আর পালিশ্ গরা ওইয়্যে।

যিহিষ্কেল 29:4

মাত্তর্ মুই তর্ মাড়িত্ হেবা লাগেম্ আর তর্ গাঙ মাছচুনোরে তঅ আঁশ্‌‌‌‌‌‌‌‌‌‌‌‌‌‌‌চানি লগে লাগেই দিম। তর্ আঁশ্‌‌‌‌‌‌‌‌‌‌‌‌‌‌‌চানি লগে থেইয়্যে বেক্ মাছচুন সুদ্ধো মুই তরে তঅ গাঙানত্তুন্ টানি তুলি আনিম।

যিহিষ্কেল 29:5

মুই তরে আর তর্ গাঙানর্ বেক মাছচুনোরে ধূল্যেচর-চাগালাত্ ফেলেই রাগেম। তুই খুলো মাদত্ পড়ি থেবে আর তরে তুলিনে গোর্ দিয়্যে ন-অবঅ। মুই হানা ইজেবে তরে ঝার্‌‌‌‌‌‌‌‌‌‌‌‌‌‌‌বো য়েমান আর আগাজ পেখ্‌‌‌‌‌‌‌‌‌‌‌‌‌‌‌কুনোরে দিম।

সফনিয় 2:12

লগেপ্রভু কোইয়্যেদে, “ও কূশীয়গুন, তুমিও মঅ লাম্বাছুরিগানর্ আঘাতে মুরিবা।‌‌”

ফগদাং পেইয়্যে 11:9

সেক্কে বেক্‌ দেশ্‌চানি, বংশ, ভাযা আর জাদ ভিদিরেত্তুন্ মানুচ্চুনে সাড়ে তিন দিন ধুরিনে সেই মরা-কিয়্যেগানি দেগিবাক্।