যিরমিয় 25:30 - Chakma Bible

³⁰ “ইক্কিনে তুই তারা বিরুদ্ধে ভাববাদী ইজেবে এ কধানি কঅ, ‘লগেপ্রভু উগুরেত্তুন গুজুরি উদিবো; তার সুদ্ধো-সাংগ থেবার জাগানত্তুন্ তে তার রবো শুনেব আর তা দেজর্ বিরুদ্ধে খুব দাঙর্ গুরি গুজুরি উদিবো। যিগুনে আংগুর মাড়ন তারা ধোক্ক্যেন তে পিত্‌থিমীত বজত্তি গুরিয়্যে বেক্কুনো বিরুদ্ধে যোগার্ পারিবো।‌

যিরমিয় 25:30 Iomraidhean Croise

২ শমূয়েল 15:25

বেক্‌ মানুচ্চুন নিগিলি যানার পরেন্দি রাজা সাদোকরে কলঅ, “গোজেনর সুন্দুক্কো শঅরত্‌ ফিরেই নেযা। লগেপ্রভু যুনি মরে কোচপানার্‌ চোগেন্দি দেগে সালে তে মরে ফিরেই আনিবো আর এ সুন্দুক্কো আর তার থেবার জাগাগান আরঅ মরে চেবাত্তে দিবো।

১ রাজাবলী 9:3

লগেপ্রভু তারে কলঅ, তুই যে তবনা আর কোজোলিগান মইদু গোজ্যস্‌ সিয়েন্‌ মুই শুন্ন্যং। তর্‌ বানেয়্যে এ তবনা-ঘরান্‌ জিংকানিবর্‌ মর্‌ থেবারঘর্‌ ইজেবে মঅ নাঙে যুদো গোজ্যং। ইয়েন উগুরে নিত্য মঅ চোখ্‌কুন্‌ আর মনান্‌ থেবঅ।

২ বংশধর 30:27

যেরেন্দি যে লেবীয়গুনে ধর্মগুরু এলাক্‌ তারা থিয়্যেইনে মানুচ্চুনোরে বর্ দিলাক্‌, আর গোজেনে তারার্‌ তবনাগান শুনিলো, কিত্তে তারার্‌ তবনাগান্‌ স্বর্গত্‌ তার্‌ পবিত্র থেবার্‌ জাগানত্‌ লুম্মেগোই।

গীতসংহিতা 11:4

মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

গীতসংহিতা 132:14

তে কোইয়্যেদে, “ইয়েনই মর্ জনমত্তে জিরেবার জাগা; মুই ইয়োদোই বজত্তি গুরিম, কিত্তে মুই সিয়েনই চেয়োং।

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

গীতসংহিতা 58:5

তে সাপ মন্ত্র-পোজ্যে সাপুড়েগুনোর রগুন ন-শুনে, সিবে যেদক্ কাবিদ্যাং সাপুড়ে অদ সাৎ।

গীতসংহিতা 78:65

সে পরেন্দি প্রভু যেন ঘুমোত্তুন্ জাগিলো; তে আংগুর-রসর মাত্তল কাদে উঠ্যে বীরো ধোক্ক্যেন গুরি জাগিলো।

যিশাইয় 16:9

সেনত্তে মুই যাসের ধোক্ক্যেন সিব্‌মার আংগুর লুদিগানত্তে কানঙর্। ও হিষ্‌বোন, ও ইলিয়ালী, মুই চোগো পানিয়ে তমারে ভিজেম্। পাগানা ফল আর খেত্-খেত্তিগানি কাবিবাত্তে তমা হুজির্ রঅ ছাড়ানা থামেই দিয়্যে ওইয়্যে।‍

যিশাইয় 33:3

তঅ মুয়ো রবোলোই মানুচ্চুনে ধেই যান্; তুই উদিলে জাদ্‌তুনে ছিদি পড়ন্।‌

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিরমিয় 17:12

সেই পৌইল্যাত্তুন্ ধুরি থিদেবর্ গোজ্যে বাঈনী গুরিবার সিংহাসনান্ অলঅ আমা পবিত্র উবোসনা-ঘরর জাগা।

যিরমিয় 25:38

তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 48:33

মোয়াবর ফলর্ বাগান, অত্তাৎ মোয়াব দেজত্তুন্ ফুত্তি আর হুজির্ ভাব যেইয়্যেগোই। মুই আংগুর মাড়েদে জাগানত্তুন্ আংগুর-রসর গঙারান্ নাঢি দুয়োং; হুজিয়ে রাজিয়ে আর সিগুন কনজনে ন-মাড়ন। যুনিয়ো কিজিক্ কাজাক্ আঘে মাত্তর্ সিগুন হুজির্ রঅ নয়।

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

আমোষ 1:2

আমোষে কলঅ, “লগেপ্রভু সিয়োনত্তুন্ রঅ ছাড়ের্ আর যিরূশালেমত্তুন্ জোরে জোরে কধা কর্। সেনত্তে গরগ্‌‌কুনোর চড়াইদ্যে ভূইয়ানি বেক্কানি শুগেই যার্ আর কর্মিল মুড়োবো মাঢাত্ গাজপালা মুরি যার্।”

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

দ্বি’লম্বর বিররণ 26:15

ও লগেপ্রভু, তর্‌ পবিত্র থেবার জাগা স্বর্গত্তুন তুই তলেন্দি রিনি চাহ্ আর তঅ মানুচ্চুনোরে, অত্তাৎ ইস্রায়েলীয়গুনোরে তুই আশিদ্‌বাদ গর্‌। আমার পূরোণি মানুচ্চুনো ইদু তর্‌ শমক্‌ খেইয়্যে এগেম্ মজিম দুধ আর মধুলোই ভোজ্যে যে দেজ্‌ছান তুই আমারে দুয়োচ্‌ সে দেজ্‌ছানরেয়ো আশিদ্‌বাদ গর্‌।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।