যিরমিয় 25:3 - Chakma Bible

³ যোশিয়র পুয়ো যিহূদার রাজা আমোনর রাজাগিরির তের বজরত্তুন্ ধুরি এদক্ বিলোন সং, অত্তাৎ এই তেইশ বজর ধুরি লগেপ্রভুর কধানি মইধু ফগদাং ওইয়্যে আর মুই বার্ বার্ তমারে সিয়েন কোইয়োং, মাত্তর্ তুমি সিয়েনত্ কান ন-পাদঅ।

যিরমিয় 25:3 Iomraidhean Croise

পত্থম 22:3

সেনত্তে অব্রাহামে বেন্যেপোত্যে উদিনে এক্কো গাধা পিদিত্‌ উদিলো। সে পরেদি তার পুয়ো ইস্‌হাক আর দ্বিজন চাগররে লগে নেযেল, পুজ্যে-উৎসর্বত্তে দার্‌বো কাবি নেযেনে যে জাগায়ান কধা গোজেনে তারে কোইয়্যে সিন্দি যাহ্ ধুরিলো।

১ রাজাবলী 22:3

ইস্রায়েলর রাজা তা কামগুরিয়্যেগুনোরে কলঅ, “তুমি কি হবর্ পঅ, রামোৎ-গিলিয়দ আমার্‌? অদচ আমি অরামর রাজাত্তুন্‌ সিয়েন্‌ ফিরেই নেযেবাত্তে কিচ্চু ন-গুরির্‌।”

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ বংশধর 24:19

যুনিয়ো লগেপ্রভু মানুচ্চুনোরে তাইদু ফিরেই আনিবাত্তে ভাববাদীগুনোরে পাদেল আর তারা মানুচ্চুনোরে উজিয়ার্‌ গুরিলাক্‌ তো তারা ন-শুনিলাক্‌।

২ বংশধর 34:1

যোশিয় আস্‌তো বজর্‌ বয়জত্‌ রাজা ওইয়্যে আর এগত্রিশ বজর্‌ যিরূশালেমত্‌ রাজাগিরি গোজ্যে।

২ বংশধর 34:3

তার্‌ রাজাগিরির্‌ আস্‌তো বজরত্‌ তা বয়জছান্‌ কম্‌ থেলেয়ো তে তার্‌ পূরোণি মানুচ্‌ দায়ূদোর গোজেন আওজ্ মজিম্‌ আদিবাত্তে মনান্‌ ঠিগ্‌ গুরিলো। রাজাগিরির বার বজর অক্তত্‌ তে পূজোর্‌ বেক্‌ অজল্‌ জাগায়ানি, আশেরা-খুদোগুন, সাজিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ যিহূদা আর যিরূশালেমত্তুন্‌ দূর্‌ গুরি দিয়্যে ধুরিলো।

২ বংশধর 34:8

যোশিয়োর্‌ রাজাগিরির্‌ আদার বজর অক্তত্‌ তে দেজ্‌ আর উবোসনা-ঘরান্‌ সিজি গরানার্‌ পরেন্দি তার্‌ গোজেন লগেপ্রভুর ঘরান্‌ ঠিগ্‌ গুরিবাত্তে অৎসলিয়র পুয়ো শাফনরে, শঅরর শাজন্‌গুরিয়্যে মাসেয়রে আর যোয়াহসর পুয়ো বিজগ লিগিয়্যে যোয়াহরে পাধেই দিলো।

২ বংশধর 36:15

ইস্রায়েলীয়গুনোর পূরোণিমানুচ্চুনোর গোজেন লগেপ্রভু বার্‌ বার্‌ মানুচ্‌ পাদেইনে তারারে উজিয়ার্‌ গুরিদো, কিত্যে তার্‌ মানুচ্চুনোর্‌ আর তার্‌ থেবার্‌ ঘরানি উগুরে তার্‌ দোয়্যে-মেইয়্যে এলঅ।

গীতসংহিতা 81:13

হায়, যুনি মঅ মানুচ্চুনে বানা মর্ বাধ্য থেদাক্, যুনি ইস্রায়েলে মঅ পধেন্দি চলিদো,

যাত্রা 8:20

পরেদি লগেপ্রভু মোশিরে কলঅ, “তুই বেন্যেপোত্যে উদিবে আর ফরৌণে যেক্কে বারেদি গাঙ্‌ পার ঘাদত্‌ যেবঅ সেক্কে তুই তা মুজুঙোত্‌ যেইনে থিয়্যেবে। তারে কবে, লগেপ্রভু কত্তে, ‘মর্ উবোসনা গুরিবেত্যে মঅ মানুচ্চুনোরে যেবাত্তে দে।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিরমিয় 1:2

যিহূদার রাজা আমোনর পুয়ো যোশিয়র রাজাগিরির তের বজরত্ লগেপ্রভুর কধানি যিরমিয় ইধু ফগদাং ওইয়্যে।

যিরমিয় 11:7

তমা পুরোণি মানুচ্চুনোরে যেক্কে মুই মিসরত্তুন নিগিলেই আন্যং সেক্কেত্তুন ধুরি এচ্চ্যে সং বার্ বার্ তারার উজিয়ার গুরি দিইনে কোইয়োং, ‘তুমি মঅ কধা মজিম আঢঅ।’

যিরমিয় 19:15

“ইস্রায়েলর বেগত্তুন খেমতাবলা লগেপ্রভু কলঅ, ‘শুন, মুই এ শঅরানর আর তা কায়-কুরে আদামানি উগুরে যেদক্কানি দজা ঘোদেবার কধা কোইয়োং মুই সেই বেক্কানি তারা উগুরে ঘোদেম্, কিত্তে তারা গত্তনা দরমর গোজ্যন আর মঅ কধাগান ন-শুনোন।’ ”

যিরমিয় 22:21

তুই যেক্কে গম্ অবস্থায় এলে সেক্কে মুই তরে উজিয়ার গোজ্যং, মাত্তর্ তুই কোইয়োচ্চে, ‘মুই ন-শুনিম।’ পৌইল্যাত্তুন্ ধুরি তঅ বেবহারান এবাবোত্যে; তুই মর্ বাধ্য ন-অচ্।

যিরমিয় 25:4

লগেপ্রভু যুনিয়ো তার বেক চাগরুনোরে, অত্তাৎ ভাববাদীগুনোরে বার্ বার্ তমা ইধু পাদেয়্যে তো তুমি ন-শুনো বা মনযোগ্‌অ ন-দুয়ো।

যিরমিয় 26:5

ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

যিরমিয় 29:19

ইয়েনর কারনান্ অলঅ, যে কধাগান মুই বার্ বার্ মঅ চাগরুনোরে, অত্তাৎ ভাববাদীগুনোরে দিইনে তারা ইধু কোই পাদেয়োং সিয়েন তারা ন-শুনোন্।

যিরমিয় 32:33

তারা মঅ ইন্দিত্তুন পিঠ্‌তান ফিরেয়োন, মুয়োদি নয়; যুনিয়ো মুই বারে বারে তারারে শিক্ষ্যে দুয়োং তো তারা মঅ শাজনান্ ন-মানন, গুজিয়ো ন-লন। ‌‍

যিরমিয় 35:14

রেখবর পুয়ো যিহোনাদবে তা পুয়োগুনোরে আংগুর-রস হেবাত্তে মানা গোজ্যে আর সেই উগুমান তারা পালাদন্। এজঅ সং তারা আংগুর-রস ন-হান, কিত্তে তারা তারার পুরোণি মানুচ্চুনোর উগুমান মানন্। মাত্তর্ মুই তমারে বারে বারে কোইয়োং, তো তুমি মঅ কধাগান ন-শুনো।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 36:1

যোশিয়র পুয়ো যিহূদার রাজা যিহোয়াকীমোর রাজাগিরির চের্ বজরত্ লগেপ্রভুর এ কধাগান যিরমিয় ইধু ফগদাং অলঅ,

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 7:13

তুমি এ পাপ্‌পানি গোজ্য, অত্তাৎ মুই তমারে বার বার কলেয়ো তুমি ন-শুনো আর তমারে ডাগিলেয়ো জোব্ ন-দুয়ো।‌

যিরমিয় 7:25

তমা পুরোণি মানুচ্চুনে যেক্কে মিসর ছাড়ি এচ্চ্যন্ সেক্কেত্তুন ধুরি এচ্চ্যে সং দিনকে দিন মুই তমা ইধু মর্ বেক চাগরুনোর, অত্তাৎ ভাববাদীগুনোরে পাধেই এজঙর্।

যিহিষ্কেল 33:4

সেক্কে যুনি কনজনে তূরীর রঅ শুনিনেয়ো উজিয়ার ন-অয় আর সৈন্যগুনে এইনে তারে মারে ফেলান্ সালে তার মরণত্তে তে নিজেই দায়ী থেবঅ।

সখরিয় 1:4

তুমি তমা পূরোণি মানুচ্চুনো ধোক্ক্যেন ন-ওইয়ো। তারা ইধু আগ ভাববাদিগুনে মর্ এ কধাগান ফগদাং গোজ্যন্দে যে, তারা যেন তারার ভান্ন্যেই পথ আর ভান্ন্যেই অভ্যেসত্তুন্ ফিরোন্। মাত্তর্ তারা সিয়েন ন-শুনোন্ আর মঅ কধাগান মনযোগঅ ন-দুয়োন।

মার্ক 1:35

তার কেল্যে বেন্যেপোত্যে আন্ধার্ থাগদে যীশু উদিলো আর ঘরত্তুন্ নিগিলিনে এক্কান্ নিরিবিলি জাগাত্ যেইনে তবনা গরা ধুরিলো।

যোহন 8:2

তার্ কেল্যে বেন্ন্যেপোত্যে যীশু আরঅ উবোসনা-ঘরত্ যানার্ পরেদি বেক্‌ মানুচ্চুনে তা ইধু এলাক্। সেক্কে যীশু বুজিনে তারারে শিক্ষ্যে দিয়্যে ধুরিলো।

যোহন 8:47

যে মানুচ্চো গোজেনর্, তে গোজেনর্ কধা শুনে। তুমি গোজেনর্ নয় বিলি গোজেন কধা ন-শুনো।”

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।