যিরমিয় 25:17 - Chakma Bible

¹⁷ সেক্কে মুই লগেপ্রভুর আঢত্তুন গলস্‌‌‌‌চো নিলুং আর তে যিদুক্কুন জাদ ইধু মরে পাদেয়্যে তারারে হাবেলুং।

যিরমিয় 25:17 Iomraidhean Croise

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিরমিয় 25:28

মাত্তর্ তারা যুনি তঅ আঢত্তুন গলস্‌চোলোই হেবাত্তে অস্বিগের্ গরন সালে তারারে কবে, বেগত্তুন খেমতাবলা লগেপ্রভু কোইয়্যেদে, তমাত্তুন হা পুরিবো। ‌‌‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 27:3

সে পরেদি যিদুক্কুন দূতে ইদোম, মোয়াব, অম্মোন, সোর আর সিদোনর রাজাগুনোত্তুন যিরূশালেমত্ যিহূদার রাজা সিদিকিয় ইধু এচ্চ্যন্ তারারে দিইনে সে রাজাগুনো ইধু হবর্ পাদেবে।

যিহিষ্কেল 29:2

ও মান্‌‌‌‌‌‌‌‌‌‌‌‌‌‌জ্যর পুয়োবো, তুই তর্ মুয়োন মিসরর্ রাজা ফরৌণ ইন্দি রাগেইনে তার আর পুরো মিসর দেজ বিরুদ্ধে আগাম্ কধা কঅ,

যিহিষ্কেল 3:2

সেক্কে মুই মুয়োন খুলিলুং, আর তে মরে সে বোইবো হাবেই দিলো।

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।