যিরমিয় 25:16 - Chakma Bible

¹⁶ তারা সিয়েন হেইনে দুলোং দালং অবাক্ আর মুই যে যুদ্ধোগান তারা ইধু পাধেই দিম সিয়েনত্তে পাগল ওই যেবাক্।”

যিরমিয় 25:16 Iomraidhean Croise

যিরমিয় 13:12

“তুই তারারে কঅ, ইস্রায়েলর গোজেন লগেপ্রভু কোইয়্যেদে, ‘আংগুর-রস থোইয়্যে পত্তি মাদির্ পিলে রসে ভরা পুরিবো।’ আর যুনি তারা তরে কন্, ‘আমি কি হবর্ ন-পেই যে, আংগুর-রস থোইয়্যে পত্তি পিলে রসে ভরা পুরিবো?’

যিরমিয় 13:14

আংগুর-রস পিলে ধোক্ক্যেন গুরি মুই একজন উগুরে আর একজনরে আছাড়্ মারিনে চুরমার গুরিম; বাপ্ ওক্ বা পুয়ো ওক্ বেক্কুনোরে চুরমার গুরিম। মুই কনঅ কোচ্‌‌পানা বা দোয়্যে বা মেয়্যে ন-গুরিম; তারারে ভস্ত গুরিম্‌‌‍‍বে গুরিম।’ ”

যিরমিয় 25:27

সে পরেদি লগেপ্রভু মরে কোইয়্যেদে, তারারে কঅ, ইস্রায়েলর্ গোজেন বেগত্তুন খেমতাবলা লগেপ্রভু কোইয়্যেদে, মুই তমা ভিদিরে যুদ্ধো পাদাঙর্; তুমি মর্ রাগর গলস্‌চত্তুন হঅ, মাত্তল্ অ, অগল, গোজ্যে পড় আর ন-উঠ্য‌‌।

যিরমিয় 45:5

সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”

যিরমিয় 48:26

মোয়াবরে মাত্তল্ গরঅ, কিত্তে তে মঅ বিরুদ্ধে নিজোরে দাঙর্ গুরি দেগেয়্যে। তে তা ওগোল্যে উগুরে এগুড়্-উগুড়্ হেবঅ; মান্‌জ্যে তারে আজি- ঠাট্টার মানুচ্ কবাক্।

যিরমিয় 51:39

তারা রাগ্ গুরিলে পরেদি মুই তারাত্তে এক্কো মেইট্‌বানর্ বেবস্থা গুরিম। মুই তারারে মাত্তল্ গুরিম যেন তারা হুজিয়ে নাজি উদোন্, সে পরেদি উমরত্তে ঘুমোন্, কনদিন্‌অ ন‌‌‌-জাগন।

যিরমিয় 51:7

বাবিলান লগেপ্রভুর আঢত্ এক্কান সোনার গলস ধোক্ক্যেন এলঅ; সিয়েনে গোদা পিত্‌‌‌থিমীগানরে মাত্তল্ গোজ্যে। জাদ্‌‌‌তুনে তা আংগুর-রস হেইয়োন, সেনত্তে ইক্কিনে তারা পাগল ওই যেইয়োন।

আবিলেচ্ 3:15

তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

ওবদিয় 1:16

মঅ সুদ্ধো-সাংগ মুড়োবোত্ তুই যেবাবোত্যেগুরি মদ হেইয়োচ্ সেবাবোত্যেগুরি বেক জাদ্‌‌তুনে আমিঝে মঅ রাগর্ মদ হেবাক্; তারা দঅ হা ধুরিবাক্ আর পুরোপুরি শেজ্ ওই যেবঅ।

নহূম 3:11

ও নীনবীগান, তুইয়ো মাত্তল্ ওইনে ঢুলি পড়িবে; তুই শত্রুগুনোত্তুন্ লুগেবাত্তে আশ্রয় তোগেবে।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 14:8

যেরেদি দ্বি-লম্বর আর এক্কো স্বর্গদূত তা পিজে পিজে এইনে কলঅ, “সেই নাঙ্-গোজ্জ্যে বাবিল শঅরান্ ভস্ত ওই যেইয়্যে। যে শঅরানে তার্ বেশ্যেগিরির্ মদ বেক্‌ জাদ্‌তুনোরে হাবেয়্যে সেই শঅরান্ ভস্ত ওই যেইয়্যে।”

ফগদাং পেইয়্যে 18:3

কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”