যিরমিয় 25:15 - Chakma Bible

¹⁵ ইস্রায়েলর গোজেন লগেপ্রভু মরে কোইয়্যেদে, “তুই মঅ আঢত্তুন আংগুর রস, অত্তাৎ মর্ রাগে ভরা এ গলস্‌চো নেযা আর যিদুক্কুন জাদ ইধু মুই তরে পাদেম্ তারারে সিয়েন হেবাত্তে দে।‌‌

যিরমিয় 25:15 Iomraidhean Croise

ইয়োব 21:20

তে নিজো চোগেদি নিজোর ভস্ত অনাগান্ দেগোক্‌; তে বেগত্তুন্‌ খেমতাবলা গোজেনর রাগ্‌কান্‌ হেই চোগ্‌।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 60:3

তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 75:8

লগেপ্রভুর আঢত্ এক্কো গলস আঘে, সিয়েনত্ ফেনা উত্যে মজলা মিজেয়্যে আংগুর-রস আঘে। তে সেই গলস ইত্তুন ঢালি দে; পিত্‌থিমীর বেক পাজি মানুচ্চুনে সিবের্ তলাগান সং হেই পেবাক্।

গীতসংহিতা 75:9

মাত্তর্ মুই জিংকানিবর গোজেন পৌইদ্যেনে ফগদাং গুরিম আর যাকোব গোজেনর নাঙে নাঙ্ গিনেদে গীদ্ গুরিবোং।

যিশাইয় 14:26

গোদা দুনিয়েগানত্তে এ সুদোমান্ ঠিগ্ গরা ওইয়্যে আর বেক জাদ্‌তুনো উগুরে এ আঢ্‌‌‌‌তান বাবেই দিয়্যে ওইয়্যে।‌

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

যিরমিয় 1:5

“তরে মা পেদত্ বানেবার্ আগেদি মুই তরে বেঈ থোইয়োং। তর্ জর্মর্ আগেদি মুই তরে যুদো গুরি থোইনে জাদ্‌‌তুনো ইধু ধর্মগুরু ইজেবে বেঈ লোইয়োং।”

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 43:11

তে এইনে মিসরান আক্রমণ গুরিবো আর যিগুনে মরণত্তে ঠিগ্ ওই আগন তারার মরণ অবঅ, যিগুনে বন্দী অবাত্তে ঠিগ্ ওই আগন্ তারা বন্দী অবাক্ আর যিগুনে তলোয়ারত্তে ঠিগ্ ওই আগন্ তারা যুদ্ধোত্ মুরিবাক্।

যিরমিয় 45:5

সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”

যিরমিয় 46:1

ভাববাদী যিরমিয় ইধু নানান্ জাদ পৌইদ্যেনে লগেপ্রভুর কধা।

যিরমিয় 48:26

মোয়াবরে মাত্তল্ গরঅ, কিত্তে তে মঅ বিরুদ্ধে নিজোরে দাঙর্ গুরি দেগেয়্যে। তে তা ওগোল্যে উগুরে এগুড়্-উগুড়্ হেবঅ; মান্‌জ্যে তারে আজি- ঠাট্টার মানুচ্ কবাক্।

যিরমিয় 49:12

লগেপ্রভু কোইয়্যেদে, “যিগুনে সাজা পেবার যগাজ্যে নয়, তারার যুনি সাজাগান্ ওইনে গলজত্ হা পড়ে সালে তুই কিত্তে সাজা ন-পেইনে থেবে? তত্তুন্ সেই গলজ্‌‌‌‌‌সোত্ হেইনে সাজা পাহ্ পুরিবো।

যিরমিয় 51:7

বাবিলান লগেপ্রভুর আঢত্ এক্কান সোনার গলস ধোক্ক্যেন এলঅ; সিয়েনে গোদা পিত্‌‌‌থিমীগানরে মাত্তল্ গোজ্যে। জাদ্‌‌‌তুনে তা আংগুর-রস হেইয়োন, সেনত্তে ইক্কিনে তারা পাগল ওই যেইয়োন।

যিহিষ্কেল 23:32

“মুই প্রভু লগেপ্রভু কঙর্, তর্ বোন গলস্‌চোত্ তুই হেবে; গলস্‌চো দাঙর্ আর গভিন্। সিয়োত্ বেশ্ ধরে বিলিনে সিয়োত্তুন হেইনে তুই ঈচ্ গরা আর ঠাট্টা গরা হেইয়্যে মান্‌জ্য ধোক্ক্যেন অবে।‌

যিহিষ্কেল 23:33

তুই দর্‌‌গরেপারা আর ভস্ত ওইয়্যে গলস্‌‌চত্তুন হেইনে, তর্ বোন শমরিয়ার গলস্‌‌চত্তুন হেইনে মাত্তল্ আর দুঘে ভরা অবে।

যিহিষ্কেল 29:12

ভস্ত ওই যেইয়্যে বেক্ দেজ্‌‌‌‌চানি ভিদিরে মুই মিসর দেজর্ অবস্থা আরঅ বেশ্ ভান্ন্যেই গুরি দিম; ভস্ত ওই যেইয়্যে শঅরানি ভিদিরে তার শঅরানির অবস্থা চল্লিশ বজর ধুরিনে আরঅ ভান্ন্যেই ওই থেবঅ। মুই নানান্ জাদত্ আর দেজ ভিদিরে মিসরীয়গুনোরে ছিদি দিম্।

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

ওবদিয় 1:16

মঅ সুদ্ধো-সাংগ মুড়োবোত্ তুই যেবাবোত্যেগুরি মদ হেইয়োচ্ সেবাবোত্যেগুরি বেক জাদ্‌‌তুনে আমিঝে মঅ রাগর্ মদ হেবাক্; তারা দঅ হা ধুরিবাক্ আর পুরোপুরি শেজ্ ওই যেবঅ।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 14:19

সেক্কে সেই স্বর্গদূত্‌তো পিত্‌থিমীত তার্ চারিগান্ বাজেল আর পিত্‌থিমীর আঙ্গুর গাজত্তুন্ বেক্‌ আঙ্গুরুন কাবিনে থুবেল। যেরেদি সিগুন আঙ্গুর মাড়িবার গাঢ ভিদিরে ফেলেই দিলো। এই আঙ্গুর মাড়িবার গাঢ্‌তো অলঅ গোজেনর্ দর্‌গরেপারা রাগ্।