যিরমিয় 25:14 - Chakma Bible

¹⁴ বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যিরমিয় 25:14 Iomraidhean Croise

গীতসংহিতা 137:8

ও বাবিল মিলেবো, তরে ভস্ত গরা অবঅ; তুই যেবাবোত্যে আমা উগুরে গোজ্যস্, যে মানুচ্চো তঅ উগুরে সিয়েনি গুরিবো তে বর্ পেইয়্যে!

যিশাইয় 13:4

শুনো, মুড়ো-মুড়ি উগুরে বোউত্ মান্‌জ্যর রঅ অর্। শুনো, বেগ্ জাদ্‌তুনোর্ আর রেজ্যর মানুচ্চুনে এক সমারে এগত্তর্ ওইনে যাগুলুক্ গত্তন্। বেগত্তুন্ খেমতাবলা লগেপ্রভু যুদ্ধোত্তে এক্কো সৈন্যদল সাজাদন্।

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

যিশাইয় 66:6

শুন, শঅরত্ গন্ডগুল অর্; শুন, উবোসনা-ঘরত্ হৈ চৈ অর্; এইয়্যেদঅ লগেপ্রভুর্ রঅ-তা শত্রুগুনোর যিয়েনি পাওনা তে সিয়েনি দের্।

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

যিরমিয় 50:41

“চাহ্, একদল সৈন্য উত্তোরেত্তুন এত্তন্; পিত্‌‌‌‌থিমীর শেজ্ দুযিত্তুন এক্কো দাঙর্ জাদে আর ভালোক্কুন রাজায় উত্তেজিত ওইনে এত্তন্।

যিরমিয় 50:9

মুই উত্তোরেদি দেজত্তুন্ দাঙর্ দাঙর্ জাদ্‌‌‍‍তুনোরে এগত্তর্ গুরিম আর তারারে রাগ্ তুলি দিইনে বাবিল বিরুদ্ধে আনিম। তারা বাবিল বিরুদ্ধে সৈন্যগুনোরে সাজেবাক্ আর সিয়েন গজক্ গুরিবাক্। কাবিল্ যোদ্ধাগুনে ধোক্ক্যেন তারার সেলুন্ বিফল ন-অবাক্।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

দানিয়েল 5:28

উপারসীন, অত্তাৎ ভাগ গরানা-তঅ রেজ্যগান ভাগ গুরিনে মাদীয় আর পারসীককুনোরে দিয়্যে ওইয়্যে।”

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।