যিরমিয় 25:11 - Chakma Bible

¹¹ এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 25:11 Iomraidhean Croise

২ বংশধর 36:20

যিগুনে মরণর্‌ আদত্তুন্‌ রোক্ষ্যে পেইয়োন্‌ তারারে তে বাবিলোত্‌ নেযেল, আর পারস্য-রেজ্যগান্‌ খেমতাত্‌ ন-এযানা সং তারা নবূখদ্‌নিৎসর আর তার্‌ গুট্টিগুনোর্‌ চাগর্‌ ওই থেলাক্‌।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিরমিয় 25:12

মাত্তর্ সত্তুর বজর্ অলে পরেদি মুই বাবিলোর রাজা আর তা জাদ্‌তুনোরে তারার অন্যেয়ত্তে সাজা দিম আর বাবিলীয়গুনোর দেজ্‌‌‌চান উমরত্তে ভস্তর্ জাগা বানেম।

যিরমিয় 25:38

তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 28:14

মুই ইস্রায়েলর গোজেন বেগত্তুন খেমতাবলা লগেপ্রভু কঙর্, এ জাদ্‌তুনে যেনে বাবিলোর রাজা নবূখদ্‌নিৎসরর চাগর্ অন্ সেনত্তে মুই তারার গত্তনাগুনোত্ লুয়োর্ জুঙোলান চাপি দিম্, আর তারা তার্ সেবা গুরিবাক্‌‍‍‍কে গুরিবাক। এন্ কি, মুই তারে ঝার্‌‍বো এ্যামানুনো উগুরেয়ো সদ্দার্ বানেম‍।’ ”

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিরমিয় 4:26

মুই রিনি চেলুং লগেপ্রভুর মুজুঙোত্, তার দর্‌গরেপারা রাগর্ মুজুঙোত্ বোল্‌‌‍‌‍বোল্যে দেজ্‌‌‍চান ধূল্যেচর ধোক্ক্যেন ওই যেইয়্যে; তার বেক্ শঅরানি ভস্ত ওই পড়ি আঘে।

যিরমিয় 4:27

লগেপ্রভু কোইয়্যেদে, “পুরো দেজ্‌‌‍চান ভস্ত ওই যেবঅ, যুনিয়ো মুই সিয়েন পুরোপুরি গুরিনে ভস্ত অবাত্তে ন-দিম্।‍

যিরমিয় 43:10

সে পরেদি তারারে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘মুই মঅ চাগর্ বাবিল রাজা নবূখদ্‌নিৎসররে ডাগি আনিম আর যে পাত্তরুন্ মুই ইয়েনত্ লুগেই রাগেয়োং সিগুনো উগুরে তা সিংহাসনান্ বোজেম; তে সিয়েন উগুরে তা রাজ-চাদরান বিজেব।

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিহিষ্কেল 12:19

তুই দেজ মানুচ্চুনোরে কঅ, ইস্রায়েল দেজর্ যিরূশালেম আদাম্মেগুনো পৌইদ্যেনে প্রভু লগেপ্রভু কোইয়্যেদে, ‘তারা দোরে দোরে তারার্ হানাগানি হেবাক্ আর হতভম্ব ওইনে পানি হেবাক্, কিত্যে সিদুগোর্ আদাম্মেগুনোর অত্যেচারর্ কারনে তারার্ দেজ্‌চান খালি ওইনে পড়ি থেবঅ।

যিহিষ্কেল 29:11

সিয়েন ভিদিরেদি কনঅ মানুচ্ বা য়েমান আদাউদো ন-গুরিবাক্; চল্লিশ বজর্ ধুরি সিয়েনত্ কনজনে বজত্তি ন-গুরিবাক্।

যিহিষ্কেল 6:14

ইস্রায়েলীয়গুনে যিয়েনত্ থেদাক্ সাৎ মুই তারা বিরুদ্ধে মঅ আঢ্‌‌‌‌তানি বাবেই দিম্ আর ধূল্যেচর-চাগালাত্তুন্ দিব্‌‌‌‌লা সং পুরো দেজ্‌‌‌‌চান মানুচ্ নেইয়্যে আর ভস্ত ওইয়্যে জাগা বানেম্। সেক্কে তারা হবর্ পেবাক্ যে, মুয়ই লগেপ্রভু।

লেবীয় 26:32

মুই তমার দেজ্‌চান্‌ এমনগুরি ভস্ত অবস্থাত্‌ ফেলেই রাগেম যিয়েন দেগিনেই তমার শত্রু-আদাম্মেগুনেয়ো আমক্‌ ওই উদিবাক্।

মীখা 7:13

পিত্‌‌‌থিমীত্ বজত্তি গুরিয়্যেগুনোর পাজিগানির কারনে পিত্‌‌‌থিমীগান মানুচ্ নেইয়্যে অবাক্।

সখরিয় 1:12

সেক্কে লগেপ্রভুর দূত্‌‌তো কলঅ, “ও বেগত্তুন খেমতাবলা লগেপ্রভু, তুই যিরূশালেম আর যিহূদার অন্য শঅরানি উগুরে এই যে সত্তুর বজর্ সং বেজার্ ওই রোইয়োচ্ তারা উগুরে আর কয়দিন তুই মেয়্যে ন-গুরি থেবে?”

সখরিয় 7:5

“তুই দেজর্ বেক মানুচ্চুনোরে আর ধর্মগুরুগুনোরে কঅ, ‘তুমি গত সত্তুর্ বজর সং পাচ্ আর সাত মাসত্ যে আবিলেচ্ গরর্ আর উবোস্ থর্ সিয়েনি লগেপ্রভুর নাঙে ন-গরঅ।