যিরমিয় 25:10 - Chakma Bible

¹⁰ মুই তারা ভিদিরেত্তুন্ ফুত্তি আর হুজির্ রঅ, নেগ আর মোগোর রঅ, মিশিনোর্ রঅ আর চেরাগ পহর্ দূর্ গুরি দিম।

যিরমিয় 25:10 Iomraidhean Croise

ইষ্টের 3:13

রাজার পুরো চাগালাগানিত্‌ হবর্‌ বোইয়্যেগুনোরে দিইনে চিদি পাদা অলঅ। সে চিদিগানিত্‌ উগুম্‌ দিয়্যে অলঅ যেনে অদর নাঙে বার মাজর্ তের দিনোত্‌ যিহূদীগুনোর বেক্‌ পূঅগুন-বুড়োগুন-চিগোন গুরোগুন-মিলেগুনোরে, অত্তাৎ বেক্কুনোরে ভস্ত গরা অয়, অত্তাৎ মারে ফেলা অয়, এক্কুবারে শেজ্‌ গুরি দিয়্যে অয়। ইয়েনিবাদেয়ো তারার্‌ পযাপিরানি যেনে লুদো অয়।

ইষ্টের 7:4

কিত্যে ভস্ত গুরিবার্, অত্তাৎ মারে ফেলেবার বা এক্কুবারে শেজ্‌ গুরিবাত্তে মরে আর মঅ জাদর্‌ মানুচ্চুনোরে বিজি দিয়্যে ওইয়্যে। যুনি আমার্‌ বানা চাগর্‌ আর চাগরানী অবাত্তে বিজি দিয়্যে অদঅ সালে মুই জুরো গুরি থেদুঙ্‌, কিত্যে সেবাবোত্যে দুঘো কধা মহারাজরে জানানা উজিত্‌ ন-অদঅ।”

ইষ্টের 8:11

রাজা অহশ্বেরশে সে চিদিগানত্‌ অদর মাজর্, অত্তাৎ বার মাসর তের দিনোত্‌ যেনে তার্‌ রেজ্যর পত্তি শঅরর্‌ যিহূদীগুনে এগত্তর্‌ ওইনে নিজোরে রোক্ষ্যে গুরি পারন্‌ সেই অধিকারান দিলো। কনঅ জাদর্‌ বা চাগালার্ মানুচ্চুনে যিহূদীগুনোরে আর তারার্‌ মিলেগুনোরে আর ঝি-পূঅগুনোরে আক্রমণ গুরিলে তারা সে দল্লোরে ভস্ত গুরিবার, অত্তাৎ মারে ফেলেবার বা এক্কুবারে শেজ্ গুরি দিবার অধিকারান পেলাক্‌, আর সে শত্রুগুনোর সোম্বোত্তিগানি লুদেবার অধিকারান পেলাক্‌।

যিশাইয় 47:2

তুই মেশিন্দোই গম্ মাড়্ আর তঅ ঘঙদাগান খুলি ফেলা। তঅ কাবড়ান তুলিনে দামানাগানি খুলো রাগা আর গাঙ ইন্দি আঢি যাহ্।

যিরমিয় 16:9

কিত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই এ জাগানর্ মানুচ্চুনোর চোগো মুজুঙোত্ আর তারার জিংকানিত্ ফুত্তি আর হুজির রঅ আর নূয়ো বৌ-নূয়ো জামের্ মুয়োর্ কধানি বন্ধ গুরি দিম।

যিরমিয় 48:33

মোয়াবর ফলর্ বাগান, অত্তাৎ মোয়াব দেজত্তুন্ ফুত্তি আর হুজির্ ভাব যেইয়্যেগোই। মুই আংগুর মাড়েদে জাগানত্তুন্ আংগুর-রসর গঙারান্ নাঢি দুয়োং; হুজিয়ে রাজিয়ে আর সিগুন কনজনে ন-মাড়ন। যুনিয়ো কিজিক্ কাজাক্ আঘে মাত্তর্ সিগুন হুজির্ রঅ নয়।

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

আবিলেচ্ 5:15

আমা মনানিত্তুন্ হুজিগান যেয়েগোই আমি নাজ বদলে আবিলেচ্ গুরির্।

যিহিষ্কেল 26:13

মুই তর্ গান রবো থামেই দিম; বীণার বাজানাবোয়ো আর শুনো ন-যেবঅ।

হোশেয় 2:11

মুই তার বেক্ রঙ্গ-ফুত্তির্ অনুষ্ঠান, পরব্, আঙোস্যে, জিরেবার দিন-এক কধায় তার্ বেক ঠিগ্ গোজ্যে পরব্‌‌পুন বন্ধ গুরি দিম।