যিরমিয় 24:6 - Chakma Bible

⁶ মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

যিরমিয় 24:6 Iomraidhean Croise

পত্থম 44:21

সে পরেদি তুই তঅ চাগরুনোরে কোইয়োচ্‌, তারে মইধু আন; মুই তারে দেগিবাত্তে চাং।

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

নহিমিয় 5:19

ও মর্‌ গোজেন্‌, এ মানুচ্চুনোত্তে মুই যেদক্কানি কাম্‌ গোজ্যং সিয়েনিত্তেই তুই মর্‌ ভালেদি গুরিবাত্তে পুরি ন-পেলেচ্‌।

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিরমিয় 12:15

মাত্তর্ তারারে উগুরে ফেলানার পরেদি মুই আরঅ মেয়্যে গুরিনে তারার পত্তিজনরে তার নিজোর অধিকারে আর নিজোর দেজত্ ফিরেই আনিম।

যিরমিয় 16:15

বরং তারা কবাক্, যিবে উত্তর দেজত্ আর অন্য দেজত্ ইস্রায়েলীয়গুনোরে দূর্ গুরি দিয়্যে আর সিয়েনত্তুন নিগিলেই আন্যে সেই জেদা লগেপ্রভুর নাঙে। তারা এ কধাগান কবাক্, কিত্তে যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম।‍‌‍

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 23:3

যেদক্কানি দেজত্ মুই মঅ পালর্ ভেড়াগুনোরে ধাবেই দুয়োং সিয়োত্তুন মুই নিজেই তারার বাদবাগিগুনোরে তারার বামত্ ফিরেই আনিম; সিয়েনত্ তারার বংশ বাড়িবাক্ আর সোংখ্যেদি বাড়িবাক্।

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিরমিয় 31:28

মুই যেবাবোত্যেগুরি তারারে উগুড়ে ফেলানা, ভাঙি ফেলানা আর মেলা মারিবাত্যে আর তারা উগুরে ভস্ত আর দজা আনানা ইন্দি খিয়েল্ রাগেয়োং সেবাবোত্যেগুরি তারারে শিগেইনে তুলিবার আর চারা ধোক্ক্যেন লাগেই দেনার্ ইন্দিয়ো খিয়েল্ রাগেম।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিরমিয় 32:37

মুই অমকদ বেজার্ আর জ্বোল্‌‌‍জোল্যে আর দর্‌গরেপারা রাগে মুই তারারে যেদক্কানি দেজত্ ধাবেই দুয়োং সিয়েনিত্তুন মুই হামাক্কায় তারারে এগত্তর্ গুরিম। মুই এ জাগাত্ তারারে ফিরেই আনিম আর গমেডালে বজত্তি গুরিবাত্তে দিম্।‌‍‍‍

যিরমিয় 32:41

মুই হুজি মনে তারারে ভালেদি গুরিম আর মর্ বেক মনান্-পরানান্ দিইনে এ দেজত্ হামাক্কায় তারারে চারা ধোক্ক্যেন লাগেই দিম।

যিরমিয় 33:7

মুই যিহূদা আর ইস্রায়েলর মানুচ্চুনোরে বন্দীদজাত্তুন্ ফিরেই আনিম আর তারা দেজ্‌‌চান আগ ধোক্ক্যেন তুলি দিম।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 39:12

“তারে নিইনে তার দেগাশুনো গুরিবা; তার কনঅ খেতি ন-গুরিবা বরং তে যিয়েনি কবঅ সিয়েনি গুরিবা।”

যিরমিয় 42:10

তুমি যুনি দেজত্ থাগঅ সালে মুই তমারে তুলিম, ভাঙি ন-ফেলেম; মুই তমারে লাগেই দিম্, উগুরে ন-ফেলেম, কিত্তে তমা উগুরে যে দজাগান আন্যং সিয়েনত্তে মুই মনত্ দুঘ্ পেইয়োং।

যিহিষ্কেল 36:24

মুই জাদ ভিদিরেত্তুন্ তমারে নিগিলেই আনিম; বেক্ দেজ্‌‌‌‌‌‌‌‌‌‌‌‌চানিত্তুন্ মুই তমারে এগত্তর্ গুরিনে তমা নিজো দেজত্ ফিরেই আনিম।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

দ্বি’লম্বর বিররণ 11:12

সে দেজছানর্‌ দেগাশুনো তমার গোজেন লগেপ্রভুই গরে। বজরর্‌ আরাম্ভত্তুন্‌ ধুরি যেরেন্দি সং আমিঝে তার্‌ চোখ্‌কুন্‌ সে দেজ উগুরে রোইয়্যে।

১ পিতর 3:12

যিগুনে ন্যায়র্ পধেদি চলন্ তারা উগুরে প্রভুর চোগ আঘে, তারার্ তবনাগানি শুনিবাত্যে তা কানান্ পাদি আঘে; মাত্তর্ যিগুনে ভান্ন্যেই কাম গরন্, প্রভু তারার্ বিরুদ্ধে যায়।