যিরমিয় 24:2 - Chakma Bible

² এক্কো কাল্যঙত্ এলাক্ পত্তমে পাক্যে ডোমোর ধোক্ক্যেন অমকদ গম্ ডোমোর, আর অন্যবোত্ এলাক্ অমকদ বজং ডোমোর, এদক্ বজং যে, হা ন-যায়।

যিরমিয় 24:2 Iomraidhean Croise

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিরমিয় 29:17

মুই বেগত্তুন খেমতাবলা লগেপ্রভু তারা বিরুদ্ধে যুদ্ধো, ভাদরাত্ আর ভানা পাধেই দিম্ আর মুই তারারে এমন বজং ডোমোর ধোক্ক্যেন গুরিম যিগুন পজা বিলিনে হা ন-যায়।

হোশেয় 9:10

লগেপ্রভু কত্তে, “ধূল্যেচর-চাগালাত্ আংগুর ফল পাইদ্যে ধোক্ক্যেন গুরি ইস্রায়েলরে মুই তোগেইনে পেইয়োং; পত্তমবার ফল দিয়্যে ডোমোর্ গাজর্ আগাম ফল ধোক্ক্যেন তমা পুরোণি মানুচ্চুনোরে দেখ্যং। মাত্তর্ তারা বাল-পিয়োর ইধু যেইনে সেই লাজ্ গরেপারা মূত্তিবো ইধু নিজোরে দি দুয়োন্ আর তারার্ কোচ্‌‌পেইয়্যে মূত্তি ধোক্ক্যেন তারা জঘন্য ওই পোজ্যন্।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

নহূম 3:12

তর্ বেক তাম্বুলানি পাগানা ফল্লোই ভরা ডোমোর্ গাজ ধোক্ক্যেন; যে কনজনে সিগুন লাড়েইলে ডোমোরুন তা মুয়োনত্ পড়িবাক্।

গণাণা 18:13

লগেপ্রভু ইদু আন্যে তারার ভূইয়োর পত্তম্ ফলুন তর্‌ অবঅ। তর্‌ পরিবারত্‌ যিগুনে সিজি অবস্থায় থেবাক তারা সিয়েনি খেই পারিবাক্।

মথি লেখ্যে গম্ হবর্ 5:13

তুমি পিত্‌‌থিমীর নুন্, মাত্তর্ যুনি নুনোর্ সুয়োত্তান্ বর্‍‍‍‍‍‍বাদ্ ওই যায় সালে কেধোক্ক্যেন্ গুরিনে সিয়েন আরঅ নুন্‌‌‍যো গরা যেবঅ? সেই নুনান্ আর কনঅ কামত্ ন-লাগে। সিয়েন বানা বারেদি ফেলে দিবার আর মান্‌‌জ্য টেঙোই উড়েদে ধোক্ক্যেন্ যগাজ্যে অয়।