যিরমিয় 24:1 - Chakma Bible

¹ বাবিলর রাজা নবূখদ্‌নিৎসরে যিহোয়াকীমর পুয়ো যিহূদার রাজা যিহোয়াখীন আর যিহূদার রাজা যিহোয়াখীন আর যিহূদার রাজকর্মচারীগুন, কালিগর আর কর্মকারুনোরে যিরূশালেমত্তুন বাবিলোত্ বন্দী গুরি নেযানার পরেদি লগেপ্রভু মরে তা ঘর মুজুঙোত্ থোইয়্যে দ্বিকাল্যং ডোমোর গুলো দেগেল।

যিরমিয় 24:1 Iomraidhean Croise

২ রাজাবলী 24:10

সে সময়োত্‌ বাবিলো রাজা নবূখদ্‌নিৎসরর সৈন্যগুনে যিরূশালেমত্‌ এইনে সিয়েন্‌ ঘিরিলাক্‌।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিরমিয় 13:19

নেগেভর শঅরানির চোমেবার পথ্‌তানি নাঢি দিয়্যে অবঅ আর কনজনে সিয়েনত্ চোমেই ন-পারিবো। যিহূদার বেক্ মানুচ্চুনোরে বন্দী গুরি নেযা অবঅ, এক্কুবারে বেক্কুনোরে নেযা অবঅ।‌‍‍‍। ”

যিরমিয় 28:4

ইয়েন বাদেয়ো মুই যিহোয়াকীমোর পুয়ো যিহূদার রাজা যিহোয়াখীনরে আর যিহূদার অন্য যিদুক্কুন বন্দী বাবিলোত্ যেইয়োন তারারেয়ো এ জাগানত্ ফিরেই আনিম, কিত্তে মুই বাবিলো রাজার জুঙোলান ভাঙি ফেলেম। মুই লগেপ্রভু এ কধাগান কঙর্।’ ”

যিরমিয় 29:1

বন্দীগুনো ভিদিরে বাঁজি থেইয়্যে বুড়ো নেতাগুনোরে, ধর্মগুরুগুনোরে আর ভাববাদীগুনোরে আর অন্য যিদুক্কুন মান্‌‍জ্যরে নবূখদ্‌নিৎসরে যিরূশালেমত্তুন্ বন্দী গুরিনে বাবিলোত্ নেযেয়্যে তারা ইধু ভাববাদী যিরমিয় যিরূশালেমত্তুন এক্কান চিদি পাদেয়্যে।

যিরমিয় 29:2

রাজা যিহোয়াখীন, তার মা, রাজকর্মচারীগুন, যিহূদা আর যিরূশালেমর নেতাগুনে, কালিগর আর কামারুনে বন্দী ওইনে যিরূশালেমত্তুন যানার পরেদি এ চিদিগান লেগা ওইয়্যে।

যিরমিয় 37:1

বাবিলর রাজা নবূখদ্‌নিৎসরে যোশিয়র পুয়ো সিদিকিয়রে যিহূদার রাজা বানেল, সেনত্তে সিদিকিয় যিহোয়াকীমর পুয়ো কনিয়র, অত্তাৎ যিহোয়াখিনো জাগানত্ রাজাগিরি গরা ধুরিলো।

যিহিষ্কেল 19:9

নাগত্ হেবা দিইনে তারা তারে খাজাত্ রাগেলাক্ আর বাবিল রাজা ইধু নেযেলাক্। তারা তারে ঘরত্ তালা মারি রাগেলাক্; ইস্রায়েলর মুড়োই মুড়োই তার গুজুরোনি আর শুনো ন-গেলঅ।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

আমোষ 7:1

প্রভু লগেপ্রভু মরে এ দর্শনান দেগেল: দ্বিপল্লা ফসলর অক্তত্ রাজার্ ভাগর ঘাস কাবিবার পরেদি যেক্কে আরঅ ঘাস উদিলো সেক্কে লগেপ্রভু ঝাক্ ঝাক্ পুগ্-যুগ্ ঠিগ্ গুরিলো।

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।

আমোষ 7:7

সে পরেদি লগেপ্রভু মরে আর এক্কান দর্শন দেগেল। তে ওলনদুড়ি আঢত্ লোইনে ওলন মাবে বানেয়্যে এক্কান দেবাল কুরে থিয়্যেই এলঅ।

সখরিয় 1:20

লগেপ্রভু সে পরেদি মরে চের্‌‌‌জন কালিগররে দেগেল। ‌‌‌

সখরিয় 3:1

পরেদি সেই স্বর্গদূত্‌‌‌‌তো মরে দেগেল দাঙর্ ধর্মগুরু যিহোশূয় লগেপ্রভুর দূত্‌‌‌‌তো মুজুঙোত্ থিয়্যেই আঘে আর তারে দুষ্ দিবাত্তে শদানে তা ডেনেদি থিয়্যেই আঘে।