যিরমিয় 23:9 - Chakma Bible

⁹ যেরেদি ভাববাদীগুনো পৌইদ্যেনে লগেপ্রভুর কধানি শুনিনে মঅ মনান যেন ভিদিরে ভিদিরে ভাঙি পোজ্যে আর মর্ বেক আড়ুন গির্‌গিরেদন। লগেপ্রভু আর তার পবিত্র কধানিত্তে মুই মাত্তল ধোক্ক্যেন, আংগুর-রস হেইনে অমকদ মাত্তল ওইয়্যে মানজ্য ধোক্ক্যেন ওইয়োং।‍‍‍

যিরমিয় 23:9 Iomraidhean Croise

গীতসংহিতা 60:3

তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিশাইয় 29:9

তুমি আমক্ ওইয়ো; চোগ্ খাদিনে কান্ মান্‌জ্য ধোক্ক্যেন অ; মাত্তল্ অ, মাত্তর্ আংগুর-রস হেইনে নয়; দুলি পড়, মাত্তর্ মদ হেইনে নয়;

যিশাইয় 51:21

সেনত্তে ও দুখিনি, তুই এ কধাগান শুন্। তরে মাত্তল্ গরা ওইয়্যে, মাত্তর্ আংগুর-রসে নয়।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিরমিয় 20:9

মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

যিরমিয় 36:16

তারা বেক কধানি শুনিনে দরে একজন আর একজন ইন্দি রিনি চেলাক্ আর বারূকরে কলাক্, “এই বেক্ কধানি রাজারে যেইনে আমাত্তুন্ জানা পুরিবো।”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

আবিলেচ্ 3:15

তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

যিহিষ্কেল 13:3

প্রভু লগেপ্রভু কোইয়্যেদে, অভিশাব্ পোড়োক্, সেই ভোক্তিনেইয়্যে ভাববাদীগুনোর, যিগুনোর কনঅ দর্শন ন-পেইনে তারার্ মনগড়া কধা কন্।

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

যিহিষ্কেল 9:6

বুড়ো, গাবুজ্যে, গাবুরী, বুয়ো যেইয়্যে মিলে আর চিগোন্ গুরোগুনোরে মারে ফেলঅ, মাত্তর্ যিগুনো কবালত্ চিহ্নো আঘে তারারে ন-ধোজ্য। উবোসনা-ঘরত্তুন্ সিয়েন গরানা আরাম্ভ গরঅ।” সেক্কে তারা উবোসনা-ঘর মুজুঙোত্ যে বুড়ো নেতাগুনে এলাক্ তারারে দিইনে আরাম্ভ গুরিলাক্।

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

রোমীয় 7:9

মঅ জিংকানিত্ রীতি-সুদোম এবার্ আগেদি মুই বাঁজি এলুং, মাত্তর্ সেই উগুমান্ এজানার্ সমারে সমারে পাপ্ জিনিস্‌চান্অ জেই উদিলো,