যিরমিয় 23:40 - Chakma Bible

⁴⁰ মুই তমা উগুরে উমরত্তে অগমান আর লাজত্ ফেলেম যিয়েন মান্‌‌জ্যে ভুলি ন-যেবাক্।”

যিরমিয় 23:40 Iomraidhean Croise

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 24:9

মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

যিহিষ্কেল 16:52

তর্ অসর্মানান তত্তুন্ মানি নেযা পড়িবো, কিত্যে তর্ কামানিয়ে তঅ বোনুনোর তপ্পে সাক্ষি দের্। তর্ পাপ্পানি তারাত্তুন্‌অ বেশ্ জঘন্য বিলিনে মনে অয়। সেনত্তে তুই লাজেস্ আর তর্ অসর্মানান্ মানি নেযা, কিত্যে তুই তর্ বোনুনোরে ধার্মিক প্রমান গোজ্যস্।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

হোশেয় 4:7

ধর্মগুরুগুন জনেদি যেদক্ বাড়দন্ সেদক্ তারা মঅ বিরুদ্ধে পাপ গত্তন্, সেনত্তে মুই সর্মানর্ বদলে তারারে অসর্মানিত গুরিম।

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।