যিরমিয় 23:4 - Chakma Bible

⁴ মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

যিরমিয় 23:4 Iomraidhean Croise

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 31:10

“ও জাদ্‌তুন, মঅ কধানি শুনো; তুমি দূরোর দেজ্‌ছানিত এ কধাগান ফগদাং গরঅ, ‘যিবে ইস্রায়েলরে ছিদি দিয়্যে তে তারারে তুবেব আর গরগ ধোক্ক্যেন গুরি তা পাল্লো রোক্ষ্যে গুরিবো।’‌‌‌‍‌‌‌‍

যিরমিয় 33:26

সেবাবোত্যে যাকোব আর মর্ চাগর দায়ূদোর বংশধরুনোত্তে মর্ সুদোমান ঠিগ্ থেবঅ আর অব্রাহাম, ইস্‌হাক আর যাকোবর বংশধরুনো উগুরে রাজাগিরি গুরিবাত্তে মুই দায়ূদোর বংশধরুনোরে এলাফেলা ন-গুরিম। মুই হামাক্কায় তারার অবস্থাগান ফিরেম আর তারা উগুরে মেয়্যে গুরিম।”

যিহিষ্কেল 36:11

মুই তমা উগুরে মানুচ্ আর য়েমান বাড়েই দিম আর তারা ফলবান আহ্ জনেদি বোউত্ অবাক্। মুই তমা উগুরে আগ ধোক্ক্যেন মানুচ্ বজত্তি গোরেম্ আর আগত্তুন্‌অ বেশ্ তমারে বেশ্ ভালেদি দান গুরিম। সেক্কে তুমি হবর্ পেবা যে, মুয়ই লগেপ্রভু।

লেবীয় 26:9

মুই তমারে সেক্কে কোচ্‌পানার চোগেন্দি চেম্‌ আর বংশ বাড়েইনে তমা মানুচ্চুন বাড়েই দিম, আর তমা সমারে মুই মর্‌ সুদোমান ঠিগ্ রাগেম।

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

সফনিয় 3:13

ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”

যোহন 17:12

মুই যেদক্ দিন তারা সমারে এলুং সেদক্ দিন তর্ যে নাঙান্ তুই মরে দুয়োচ্ সেই নাঙানর্ গুণে মুই তারারে রোক্ষ্যে গুরি এচ্চ্যং। মুই তারারে চুগি দুয়োং, তারাত্তুন্ কনজনে বর্‌বাদ্ ন-অন্। বানা যিবের্ ভস্ত অবার্ কধা এলঅ তেয়ই ভস্ত ওইয়্যে, যেন পবিত্র বোইবোর্ কধা পূরোণ্ অয়।

যোহন 18:9

ইয়েন্ ঘুদিলো যেন যীশুর কোইয়্যে এ কধাগান্ পূরোণ্ অয়, “যিগুনোরে তুই মরে দুয়োচ্ তারারে একজনরেয়ো মুই ন-আযাং।”

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।