যিরমিয় 23:36 - Chakma Bible

³⁶ মাত্তর্ তুমি যেন আর কনদিন্‌অ ন-কঅ, ‘লগেপ্রভুর কধাগান ইয়েন,’ কিত্তে পত্তি মানুচ্ নিজোর কধানরে গোজেনর কধা বানায়। এবাবোত্যেগুরি তুমি জেদা গোজেনর, তমা বেগত্তুন খেমতাবলা লগেপ্রভুর কধানি বেঙা গরঅ।”

যিরমিয় 23:36 Iomraidhean Croise

২ রাজাবলী 19:4

আসিরিয়ার রাজা জেদা গোজেনরে ঠাট্টা-তামাজা গুরিবাত্তে রব্‌শাকিরে পাদেয়্যে মাত্তর্‌ তর্‌ গোজেন্‌ লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্‌ তারাত্তে তুই তবনা গর্‌।”

গীতসংহিতা 12:3

যিগুনে কন্, “জিলানিলোই আমি জিদিবোং; আমা ঠুট্টুন্ আমা পক্ষেদি আগন্, কন্না আমার্ মুরুব্বি অবঅ”? তারার্ ঠোগেয়্যে ঠুট্টুন্ আর বার্‌বোলোই-ভরা জিলান্ যেন লগেপ্রভু কাবি ফেলায়।

গীতসংহিতা 120:3

ও ছলনাগুরিয়্যে জিলান্, তে তরে কি দিবো? তে কি তরে আরঅ সাজা ন-দিবো?

গীতসংহিতা 149:9

তারার্ বিরুদ্ধে যে রায়য়ান লেগা ওইয়্যে সিয়েন কামত্ লাগেই পারন্। ইয়েনি বেক্কানি তার ভক্তগুনোর্ বাঈনী গুরিবার। লগেপ্রভুরে বাঈনী গরা ওক্।

গীতসংহিতা 64:8

তারার জিলান্‌দোই তারা নিজোর দজাগান্ ডাগি আনিবাক্; তারারে চেইনে বেক্কুনে ঈচ্ গুরিনে মাঢা লাড়েবাক্।

গম্ উপদেজ্ 17:20

যে মানুচ্চোর মনান্ কুজুরো তার ভালেদি ন-অয়; যে মানুচ্চো ছলনার কধা কয় তে দজাত্ পড়ে।

যিশাইয় 28:22

সেনত্তে ইক্কিনে তমার্ ঠাট্টা-মশ্‌কারীগানি থাম, সিয়েন ন-গুরিলে তমার্ বান্যেগানি আরঅ দরমর অবঅ; কিত্তে বেগত্তুন্ খেমতাবলা প্রভু লগেপ্রভুর্ মুয়োদি মুই পুরো দেজ্‌‌‌ছানত্তে ঠিগ গোজ্যে ভস্তর্ কধা শুন্যং।‌

যিশাইয় 3:8

যিরূশালেমে উজোত্ হেইয়্যে আর যিহূদা পড়ি যেইয়্যে, কিত্তে তারার্ কধা আর কামানি লগেপ্রভুর বিরুদ্ধে; তারা গোজেন মুজুঙোত্ তা মহিমাগানরে এলাফেলা গরন্।

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিরমিয় 23:37

সে পরেদি লগেপ্রভু মরে কলঅ, যেক্কে তারা ভিদিরে কনজনে ভাববাদী ইজেবে কধা কন তারে পুযোর্ গরঅ, তমা ইধু লগেপ্রভু কি জোব্ দিয়্যে? বা লগেপ্রভু কি কোইয়্যে?

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

মথি লেখ্যে গম্ হবর্ 12:36

মাত্তর্ মুই তমারে কঙর্, মান্‌জ্যে যেদক্কানি বাজে কধা কন্, বিচের দিনোত্ সিয়েনির পত্তি কধার্ ইজেব্ তারার্ দিয়্যে পড়িবো।

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

গালাতীয় 6:5

কিয়া পত্তিজনর্ উচিত্ নিজোর্ দায়িত্বগান্ ভুগি লনা।

দ্বি’লম্বর বিররণ 5:26

মান্‌জ্য ভিদিরে এধোক্ক্যেন কন্না আঘে, আমা ধোক্ক্যেন্‌ গুরি আগুনো ভিদিরেত্তুন্‌ জেদা গোজেনর্‌ রঅবো শুনোনার্‌ পরেন্দিয়ো বাঁজিই আঘে?

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

২ পিতর 3:16

তার বেক্‌ চিধিগানিত্ তে ইয়েনি পৌইদ্যেনে এই একই কধা লিগি থায়। সিয়েনি ভিদিরে খালিক্ কদক্কানি বেপার আঘে যিয়েনি বুঝোনা আগাত্ত্যা। সেনত্যে যিগুনে শিচ্চ্য অবার শিক্ষ্যে ন-পান আর যিগুনো মনানি চুলুবুলু তারা অন্য বোইয়ো ধোক্ক্যেন ইয়েনির্ অত্তগানি ঘুরেই কোইনে নিজোর্ ভস্ত অনাগান ডাগি আনন্।

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”