যিরমিয় 23:28 - Chakma Bible

²⁸ যে ভাববাদীবো স্ববন দেখ্যে তে তার স্ববনর্ কধা স্ববন ইজেবে কোক্, মাত্তর্ যে মঅ কধানি পেইয়্যে তে সিয়েন বিশ্বেজর্ লগে কোক্; কিত্তে শোজ্য ইধু খেড়র কনঅ দাম নেই।

যিরমিয় 23:28 Iomraidhean Croise

১ রাজাবলী 22:14

মাত্তর্‌ মীখায় কলঅ, “জেদা লগেপ্রভুর নাঙে কঙর্, লগেপ্রভু মরে যিয়েনি কবঅ মুই বানা সে কধানি কোম্‌।”

১ রাজাবলী 22:16

রাজা তারে কলঅ, “কয়বার্‌ মুই তরে এ শমক্‌কান্ গুরিবাত্তে কোম্‌, লগেপ্রভুর নাঙে তুই সত্য কধাগান বাদে আর কিচ্ছু ন-কবে?”

গম্ উপদেজ্ 14:5

বিশ্বেজি সাক্ষি মিজে কধা ন-কয়, মাত্তর্ অবিশ্বেজি সাক্ষি মিজে কধা কয়।

যিশাইয় 21:10

ও মঅ মানুচ্চুন্, খেত-খেত্তি ধোক্ক্যেন্ তমারে দঅ মাড়া ওইয়্যে। বেগত্তুন্ খেমতাবলা লগেপ্রভু ইত্তুন্, ইস্রায়েলর গোজেন ইত্তুন্ মুই যিয়েনি শুন্ন্যং সিয়েনি তমারে জানেলুং।

যিরমিয় 23:25

যিদুক্কুন ভাববাদী মঅ নাঙে মিজে কধা কন তারা কধা মুই শুন্যং। তারা কন্দে, মুই এক্কান স্ববন দেখ্যং, এক্কান স্ববন দেখ্যং।

যিরমিয় 42:4

জোবত্ ভাববাদী যিরমিয় কলঅ, “মুই তমা কধা শুন্যং। মুই তমা কোজোলি মজিম্ তমা গোজেন লগেপ্রভু ইধু হামাক্কায় তবনা গুরিম। লগেপ্রভু যিয়েন কবঅ সিয়েন বেক্কানি তমারে কোম্, কিচ্চু তমাত্তুন্ গুমুরোত্ ন-রাগেম।”

যিরমিয় 9:12

কন্ মানুচ্চো এমন জ্ঞানী যে, এ কধাগান বুঝি পারে? কন্না লগপ্রভুর ইত্তুন শুনিনে সিয়েন অন্যগুনোরে জানেই পারে? কিত্তে দেজ্‌চান ভস্ত ওইনে ধূল্যেচর ধোক্ক্যেন এমন পুজ্যে ভূইয়ো ধোক্ক্যেন রোইয়্যে, কনজনে সিয়েন পার ওই ন-যান?

যিরমিয় 9:20

ইক্কিনে ও মিলেগুন, লগেপ্রভুর কধাগান শুনো; তা মুয়ো কধাগান শুনিবাত্তে তুমি কান্ পাদি থাগঅ। কিবাবোত্যেগুরি আবিলেচ্ গরা পরে সিয়েন যার্ যার্ ঝিগুনোরে শিক্ষ্যে দুয়ো, আর আবিলেচর্ গান গেবাত্তে অন্যগুনোরে শিক্ষ্যে দুয়ো।

যিহিষ্কেল 13:3

প্রভু লগেপ্রভু কোইয়্যেদে, অভিশাব্ পোড়োক্, সেই ভোক্তিনেইয়্যে ভাববাদীগুনোর, যিগুনোর কনঅ দর্শন ন-পেইনে তারার্ মনগড়া কধা কন্।

মথি লেখ্যে গম্ হবর্ 24:45

সেই বিশ্বেজি আর বুদ্ধিবলা চাগর্‌বো কন্না, যিবেরে তা গিরোজ্‌সো তার্ অন্য চাগরুনোরে ঠিগ্ সময়োত্ হানা দিবাত্তে কামর্ ভারান্ দিয়্যে?

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

১ তীমথিয় 1:12

আমার প্রভু যীশু খ্রীষ্ট, যিবে মরে খেমতা দান গোজ্জ্যে, তারে মুই ভালেদি জানাং, কিয়া তে মরে বিশ্বেজি মনে গুরিনে তার্ সেবা কামত্ বেঈ লোইয়্যে।