যিরমিয় 23:26 - Chakma Bible

²⁶ আর কয়দিন এই ভাববাদীগুনে তারার মনর্ মিজেত্তুন মিজে কধা কবাক্?

যিরমিয় 23:26 Iomraidhean Croise

গীতসংহিতা 4:2

ও মানুচ্চুন, আর কয়দিন তুমি মঅ সর্মানানরে অসর্মান গুরিবা? আর কয়দিন তুমি মিজেগানরে কোচ্‌পেবা আর অসত্যর্ পিজেদি ঘুরিবা?

যিশাইয় 30:10

তারা রিনি চেইয়্যেগুনোরে কন্দে, “তুমি আর দর্শন ন-চেয়ো,” আর ভাববাদীগুনোরে কন্দে, “যিয়েন সত্য সিয়েন আমারে আর্ ন-কোয়ো। আমা ইদু গম্ হবরর্ কধা কঅ; যিয়েন সত্য নয় এবাবোত্যে বেক্ বেপারানির আগাম্ কধা কঅ।

যিরমিয় 13:27

মুই তর্ সিনেলী আর কামনাবলা ডাগনি আর লাজ্ নেইয়্যে বেশ্যের্ কামানি দেখ্যং; দেখ্যং মুড়োই মুড়োই আর মাঢে মাঢে এই জঘন্য কামানি। যিরূশালেম, অভিশাব তরে! আর কয়দিন তুই অসিজি থেবে?”

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

হোশেয় 8:5

ও শমরিয়া, মুই তর্ গোরু ছঅ-মূত্তিবো এলাফেলা গোজ্যং। সিগুনো বিরুদ্ধে মঅ রাগর্ আগুনান্ জ্বলের্। গম্ অদে তঅ মানুচ্চুনোর আর কয়দিন লাগিবো?

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

২ তীমথিয় 4:3

এন্‌ অক্ত এবঅ যেক্কে সত্য শিক্ষ্যেনি মান্‌জ্যর সোজ্জ্য ন-অবঅ, বরং নিজো আওজ্‌চান পূরোণ গুরিবাত্যে তারা ভালোক্কুন্ মাষ্টর্ তুবেবাক্ যিগুনে তারারে হুজি গরেদে ধোক্ক্যেন শিক্ষ্যে দিবাক্।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।