যিরমিয় 23:20 - Chakma Bible

²⁰ মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিরমিয় 23:20 Iomraidhean Croise

পত্থম 49:1

পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্‌ যিয়েনি ঘুদিবো সিয়েনি মুই তমারে কোই দোঙর্‌।

১ রাজাবলী 8:47

সেক্কে বন্দী ওইয়্যে সে দেজত্‌ যুনি তারা মনানি ফিরান্‌ আর নিজো দুষছান বুজিনে তরে কোজোলি গুরি কন্‌, আমি পাপ গোজ্যেই, অন্যেই গোজ্যেই আর ভাজন্যেই পধন্দি আদির্‌, সেক্কে তুই তারার্‌ তবনাগান শুনিচ্‌।

২ রাজাবলী 23:26

তো মনঃশি যে কামানি গুরিনে লগেপ্রভুরে অহুজি গোজ্যে সেনত্তে যিহূদার বিরুদ্ধে যে দর্‌গরেপারা রাগে লগেপ্রভু জুলি উঠ্যে সিয়েনত্তুন্‌ তে নঅ-ফিরিলো।

২ রাজাবলী 23:27

সেনত্তে লগেপ্রভু কলঅ, “মঅ মুজুঙেত্তুন্‌ যেধোক্ক্যেন গুরি মুই ইস্রায়েলরে দূর্‌ গোজ্যং সেধোক্ক্যেন গুরি যিহূদারেয়ো দূর্‌ গুরিম্‌, আর যে শঅরানরে মুই বেঈ লোইয়োং সে যিরূশালেমানরে আর যিবে পৌইদ্যেনে মুই কোইয়োং, ‘ইয়েন্‌ মর্‌ থেবার্‌ জাগা অবঅ’ সে তবনা- ঘরানরে মুই অগ্রাজ্য গুরিম।”

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 30:24

লগেপ্রভু যেদক্কন সং তা মনর্ আজাগান্ গমেডালে কামত্ ন-লাগায় সেদক্কন সং তার্ দর্‌গরেপারা রাগ্‌কান ফিরি ন-যেবঅ। আগামিদি তুমি ইয়েন বুঝি পারিবা।‌‌‌‌‍‌‌‌‌‌‍‌

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিরমিয় 51:12

বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

যিহিষ্কেল 21:10

কাবি ফেলেবাত্তে সিয়েন ধারা ওইয়্যে, সিয়েন পালিশ্ গরা ওইয়্যে আর সিয়েন কারেন ধোক্ক্যেন ঝক্‌‌‌‌‌‌‌‌ঝক্ গরের্।’ ” ইস্রায়েলীয়গুনে কদন্, “যিহূদার রাজলুদিক্কো নিইনে আমি ফুত্তি গুরিবোং; সেই রাজলুদিক্কো বেক্ লুদিক্কুনোরে ঈচ্ গরের্।”

যিহিষ্কেল 21:5

সেক্কে বেক মানুচ্চুনে হবর্ পেবাক যে, মুই লগেপ্রভু খাবত্তুন্ লাম্বা ছুরিগান্ নিগিলেয়োং; সিয়েনে আর ন-ফিরিবো।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

দ্বি’লম্বর বিররণ 4:30

যেক্কেনে তুমি দুগোত্‌ পুরিবা আর এই বেক্কানি তমা উগুরে ঘুদি যেবঅ সেক্কে আগামি দিনুনোত্‌ তুমি তমা গোজেন লগেপ্রভু ইদু ফিরি এবা আর তার্‌ বাধ্য ওইনে চলিবা।