যিরমিয় 23:19 - Chakma Bible

¹⁹ চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিরমিয় 23:19 Iomraidhean Croise

গীতসংহিতা 58:9

তমা পিলেগুনোত্ আগুনো জিলান্ বাঁজিবার আগেদি শুগুনো আর নুয়ো কাব্যে দার্‌বোনি তে ঝড়ে উড়েই দিবো।

গম্ উপদেজ্ 1:27

দজা ঝড় ধোক্ক্যেন্ তমা উগুরে লামি এলে, দজাগানে ঠুত্যে বোইয়্যের ধোক্ক্যেন তমারে ঘুরি ঘুরি নেযেলে, দুঘোত্-দজাত্ তুমি পুরিলে, মুই তামাজা গুরিম্।

গম্ উপদেজ্ 10:25

ঝড় বেঈ গেলে পাজিগানি আর ন-থায়, মাত্তর্ যে গোজেন ভক্ত তে জিংকানিবর্ অদে অদে থায়।

যিশাইয় 21:1

ধূল্যেচর-দাঙর্ সাগর পৌইদ্যেনে আগাম্ কধা: নেগেভত্ যেবাবোত্যে গুরি তুঠ্যে বোইয়্যের্ বেঈ যায় সেবাবোত্যেগুরি ধূল্যেচর-চাগালাত্তুন্, সেই দর্‌‌গরেপারা দেজ্‌‌ছানত্তুন্ এক্কান দজা এজের্।

যিশাইয় 40:24

যিয়েনি তারার্ লাগা অয়, যিয়েনি তারার্ বীজ্ ফেলা অয়, যিয়েনি তারা মাদিত্ শিঙোর্ বজান্, এমনে তে সিয়েনি উগুরে ফুন্ দে আর সিয়েনি শুগেই যায়; এক্কান তুট্যে বোইয়্যেরে লাড়াইদ্যে ধোক্ক্যেন্ গুরি তারারে উড়েই নেযায়।

যিরমিয় 25:31

পিত্‌থিমীর শেজ্ ধুজি সং সেই রবো শুনো যেবঅ, কিত্তে লগেপ্রভু জাদ্‌তুনো বিরুদ্ধে আবিত্তি গুরিবো। তে বেক্ মানুচ্চুনোর বিচের্ গুরিবো আর তলোয়ার ইদু পাজিগুনোরে তুলি দিবো‌‌।’ ”

যিরমিয় 25:32

বেগত্তুন্ খেমতাবলা লগেপ্রভু কোইয়্যেদে, “চঅ, এক জাদত্তুন্ আর এক জাদত্ দজা ছিদি পোজ্যে; পিত্‌থিমীর শেজ্ ধুজিত্তুন এক্কান দর্‌‌‌‌গরেপারা ঝড় উদের্।”

যিরমিয় 30:23

চঅ, লগেপ্রভুর রাগ্‌কান ঝড় ধোক্ক্যেন ফাদি পড়িবো, ধাবেই দিয়্যে এক্কান বোইয়্যেরে ঘুরি ঘুরি পাজিগুনো মাঢা উগুরে লামি এবঅ। ‌‌‌‌‍

যিরমিয় 30:24

লগেপ্রভু যেদক্কন সং তা মনর্ আজাগান্ গমেডালে কামত্ ন-লাগায় সেদক্কন সং তার্ দর্‌গরেপারা রাগ্‌কান ফিরি ন-যেবঅ। আগামিদি তুমি ইয়েন বুঝি পারিবা।‌‌‌‌‍‌‌‌‌‌‍‌

যিরমিয় 4:11

সে অক্তত্ লগেপ্রভু এ মানুচ্চুনোরে আর যিরূশালেমরে কবদে, “ধূল্যেচর-চাগালার গাজ্ পাদা নেইয়্যে মুড়োগুনোত্তুন গরম বোইয়্যের মঅ মানুচ্চুনো ইন্দি এজের্, মাত্তর্ সিয়েন শোজ্য ঝাড়িবার বা কাজেবার বোইয়্যের নয়;

যিরমিয় 51:1

লগেপ্রভু কোইয়্যেদে, চাহ্, লেব্‌-কামাই, অত্তাৎ বাবিল আর তা মানুচ্চুনো বিরুদ্ধে ভস্তগুরিয়্যে বোইয়্যেরানরে মুই আনঙর্।

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 13:13

“‘মর্ রাগে মুই ঝড় বোইয়্যের্ খুলি দিম। মর্ অমকদ বেজারে মুই দাঙর্ দাঙর্ শিল্ আর ন-থামেয়্যে ঝড় দিইনে সিয়েন ভস্ত গুরি দিম।

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”

সখরিয় 9:14

সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;