যিরমিয় 23:18 - Chakma Bible

¹⁸ মাত্তর্ তারা ভিদিরেত্তুন কন্না মঅ কধানি শুনিবার আর বুঝিবাত্তে মঅ মুজুঙোত্ থিয়্যেইয়্যে? কন্না মঅ কধানি কান পাত্যে বা সিয়েনি মনযোগ দিয়্যে?

যিরমিয় 23:18 Iomraidhean Croise

১ রাজাবলী 22:24

সেক্কে কনানার পূঅ সিদিকিয় যেইনে মীখায়ের গালত্‌ চুয়োর্‌ মারিনে কলঅ, “লগেপ্রভুর আত্মাগান তঅ লগে কধা কবাত্তে মত্তুন্‌ নিগিলি এইনে কন্‌ পধেন্দি যেইয়্যে?”

২ বংশধর 18:23

সেক্কে কনানার পুয়ো সিদিকিয় যেইনে মীখায়র গালত্‌ চোড়্‌ মারিনে কলঅ, “লগেপ্রভুর আত্মাগানে তঅ লগে কধা কবাত্তে মত্তুন্‌ নিগিলিনে কন্‌ পধেন্দি যেইয়্যে?”

ইয়োব 21:22

কনজনে কি গোজেনরে জ্ঞান দি পারিবো? তে দঅ স্বর্গদূত্‌তুনোর্‌অ বিচের্‌ গরে।

ইয়োব 33:31

“ইয়োব, তুই মন দিইনে মঅ কধাগান শুন; তুই জুরো গুরি থাগ্, মুই কধা কং।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

১ করিন্হীয় 2:16

পবিত্র বোইবোত্ লেগা আঘে, কন্না প্রভুর্ মনান্ বুঝি পাজ্জ্যে যে, তে তারে উবদেশ্ দি পারে? মাত্তর্ খ্রীষ্ট মনান্ আমা মনত্ রোইয়্যে।