যিরমিয় 23:15 - Chakma Bible

¹⁵ “সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 23:15 Iomraidhean Croise

গীতসংহিতা 69:21

মর্ হানাগানত্ তারা বিষ দুয়োন্ আর পানি তিরেজর্ সময়োত্ দুয়োন সিরকা।

যিরমিয় 14:15

সেনত্তে যিদুক্কুন ভাববাদী মঅ নাঙে কধা কদন্ তারা পৌইদ্যেনে মুই লগেপ্রভু এ কধাগান কঙর্, মুই তারারে ন-পাদাং, তো তারা কদন্, কিত্তে যুদ্ধো বা ভাদরাত্ এ দেজত্ ন-এবঅ। সেই বেক্ ভাববাদীগুনে যুদ্ধোত্ বা ভাদরাদত্ ভস্ত ওই যেবাক্।

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

যিরমিয় 9:15

সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্, ‘চঅ, মুই এ মানুচ্চুনোরে তিদে হানা আর বিষবলা পানি হেবাত্তে বাধ্য গুরিম।

আবিলেচ্ 3:15

তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

আবিলেচ্ 3:19

মর্ দুঘ্‌‌কান আর ঘুরি বেড়েবার কধানি ইদোত্ তুল্; তিদে আর বিষে ভরা জিংকানিগানর কধানি ইদোত্ তুল্।

আবিলেচ্ 3:5

তে মনত্ দুঘ্ আর কষ্টলোই মরে আক্‌‌‌সোনে ঘিরি রাগেয়্যে।

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।

ফগদাং পেইয়্যে 8:11

সে তারাবোর নাঙান্ এলঅ সোমরাজ। তিন ভাগর এক ভাগ গাঙ্ আর পয়নালা উগুরে তারাবো পড়িলো। সেক্কে তিন ভাগর এক ভাগ পানি তিদে ওই গেলঅ আর সেই তিদে পানিত্যে বোউত্ মানুচ্‌ মুরি গেলাক্।