যিরমিয় 23:14 - Chakma Bible

¹⁴ ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

যিরমিয় 23:14 Iomraidhean Croise

পত্থম 13:13

সদোম মানুচ্চুনে অমকদ বজং এলাক্ আর লগেপ্রভু মুজুঙোত্‌ তারা জদবদে পাপ গুরিলাক্।

পত্থম 18:20

সে পরেদি লগেপ্রভু কলঅ, “সদোম আর ঘমোরা বিরুদ্ধে অমকদ গন্দগুল্‌ চলের্‌, আর তারার্‌ পাপঅ বেশ্‌ ওইয়্যে।

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

পত্থম 19:25

তে সে শঅর দ্বিয়েনত্‌, বেক্‌ সংজাগাগান, শঅরর্‌ বেক্‌ মানুচ্চুন্‌ আর সে ভুইয়ো উগুরে জোর্মেয়্যে বেক্কানি ভস্ত গুরি দিলো।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 18:13

সেনত্তে লগেপ্রভু কোইয়্যেদে, “জাদ্‌তুনো ভিদিরে তোগেই চাহ্, ইয়েনর আগেদি এবাবোত্যে কধা কনা শুন্যে? আবিদি গাবুর্ মিলে ধোক্ক্যেন ইস্রায়েলে এক্কান জঘন্য কাম্ গোজ্যে।‌‌‍

যিরমিয় 20:16

লগেপ্রভু মেয়্যে ন-গুরিনে যেদক্কানি শঅরর্ সর্বনাশ গোজ্যে সে মানুচ্চো সিগুনো ধোক্ক্যেন ওক্। তে বেন্যেমাদান্ কানাকুদির্ রঅ শুনোক্ আর দিবুজ্যে শুনোদোক্ দযার্ রঅ;

যিরমিয় 23:17

যিগুনে মরে ঈচ্ গরন তারা ইধু সেই ভাববাদীগুনে এ কধাগান কন, ‘লগেপ্রভু কোইয়্যেদে, তমার শান্তি অবঅ’; আর যিগুনে নিজোর মন একগেয়েমীলোই চলন তারা তারারে কন, ‘তমার কনঅ দযা ন-অবঅ।’

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

যিরমিয় 29:21

কোলায়র পুয়ো আহাব আর মাসেয়র পুয়ো সিদিকিয়, যিগুনে মঅ নাঙে তমা ইধু মিজে কধা কদন্ তারা পৌইদ্যেনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই বাবিলোর রাজা নবূখদ্‌নিৎসর আঢত্ তারারে তুলি দিম্, আর তে তমা চোগো মুজুঙোত্ তারারে মারে ফেলেব।

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 49:18

মুই লগেপ্রভু কঙর্, কায়-কুরে আদামানি সুদ্ধো যেবাবোত্যে সদোম আর ঘমোরারে ভস্ত গরা ওইয়্যে সেবাবোত্যে ইদোমত্ কনজনে বজত্তি বজত্তি ন-গুরিবাক্; সিয়েন ভিদিরে কনঅ মানুচ্ ন-থেবাক্।

আবিলেচ্ 4:6

যে সদোমানরে মুহূত্তো ভিদিরে উল্ল্যে ফেলা ওইয়্যে, যিবে বিরুদ্ধে কনঅ মান্‌জ্যর্ আঢ্ ন-উদে, সেই সদোমর্ পাপত্তুন্‌অ বেশ্ মঅ মানুচ্চুনোর অন্যেয়ান বেশ্।

যিহিষ্কেল 13:16

অত্তাৎ ইস্রায়েলর সেই ভাববাদীগুনে যিগুনে যিরূশালেম মানুচ্চুনো ইধু কধা কোইয়োন আর শান্তি ন-থেলেয়ো শান্তির দর্শনান্ দেখ্যন তারায়ো নেই। মুই প্রভু লগেপ্রভু এ কধাগান কঙর্।’”

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

যিহিষ্কেল 22:25

সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

হোশেয় 6:10

ইস্রায়েল ভিদিরে মুই এক্কান জঘন্য বেপার দেখ্যং। সিয়েনত্ ইফ্রয়িমে বেভিচের্ গোজ্যে আর ইস্রায়েল অসিজি ওই যেইয়্যে।

আমোষ 4:11

মুই তমা গোজেন যেবাবোত্যেগুরি সদোম আর ঘমোরাগানরে ভস্ত গোজ্যং সেবাবোত্যেগুরি তমারে বোউত্ জনরে ভস্ত গুরিলুং। তুমি ওইয়ো আগুনোত্তুন্ তুলি লোইয়্যে জ্বোল্‌‌‌জোল্যে দার্‌‌‌বো ধোক্ক্যেন, তো তুমি মইদু ফিরি ন-এলা।

মীখা 1:5

যাকোব পাপত্তে, ইস্রায়েল বংশর অন্যেয়ত্তে ইয়েনি অবঅ। যাকোবর পাপত্তে দায়ী কন্না? শমরিয়া কি নয়? যিহূদার পূজোর্ অজল্ জাগানিত্তে দায়ী কন্না? যিরূশালেমানে কি নয়?

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

মালাখি 1:1

মালাখিরে দিইনে ইস্রায়েল ইধু লগেপ্রভুর কধানি।

মথি লেখ্যে গম্ হবর্ 11:24

মুই তমারে ঘেচ্চেক্‌গুরি কঙর্, বিচার দিনোত্ সদোমর অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।”

দ্বি’লম্বর বিররণ 32:32

লগেপ্রভু কলঅ, “তারার আংগুর গাছ সদোমর আংগুর গাজত্তুন্ আর ঘমোরার ক্ষেদত্তুন এস্যে। তারার আংগুরুনোত্‌ আগন্দে বিষ, তারার আংগুর থুপ্পুন্ তিদে।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

২ পিতর 2:6

সদোম আর ঘমোরা শঅরান্ আগুন্দোই ভস্ত গুরিনে গোজেনে সেই শঅর মানুচ্চুনোরে সাজা দিয়্যে আর এবাবোত্যেগুরি তে দেগেয়্যে, যিগুনে গোজেনরে ভোক্তি ন-গরন সিগুনোর্ অবস্থা কি অবঅ;

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

ফগদাং পেইয়্যে 11:8

তারার্ প্রভুরে যে শঅরত্ ক্রুশোত দিয়্যে ওইয়্যে সেই দাঙর্ শঅরানর্ পধত্ তারার কিয়্যেনি পড়ি থেবঅ। সেই শঅরানর্ নাঙান্ সদোম আর মিসরঅ কুয়ো অয়।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।