যিরমিয় 23:12 - Chakma Bible

¹² সেনত্তে তারার পথ্‌‍‍‍‍তান বিজোল্ অবঅ; আন্ধারত্ তারারে ধাবেই দিয়্যে অবঅ আর সিয়েনত্ তারা পড়িবাক্। তারার সাজা পেবার অক্তত্ মুই তারা উগুরে দযা আনিম।‍

যিরমিয় 23:12 Iomraidhean Croise

ইয়োব 18:18

তারে পহ্‌রত্তুন্‌ আন্ধারত্‌ দূর্‌ গরা অবঅ; সংসারত্তুন্‌ তারে ধাবেই দিয়্যে অবঅ।

গীতসংহিতা 35:6

তারার্ পথ্‌তান্ আন্ধার্ আর বিজোল্ ওক্; অয়, লগেপ্রভুর দূত্‌তো তারারে লোড়োক্।

গীতসংহিতা 73:18

তুই ঘেচ্চেক্‌গুরি তারারে বিজোল্ জাগাত্ রাগেয়োচ্ আর ভস্ত অনাগানত্ ফেলেয়োচ্।

গীতসংহিতা 82:5

শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিরমিয় 11:23

তারার বাদবাগি কদে কনজন ন-থেবাক্, কিত্তে অনাথোত মানুচ্চুনোরে সাজা দিবার অক্তত্ মুই তারা উগুরে দজা আনিম।”

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 48:44

যে মানুচ্চো দরে ধেই যেবঅ তে গাদত্ পুরিবো, যে মানুচ্চো গাদত্তুন্ উদি এবঅ তে ফালত্ ধরা পুরিবো; কিত্তে মুই মোয়াবর সাজাগানর্ সময়ান্ ঠিগ্ গুরি রাগেয়োং। মুই লগেপ্রভু এ কধাগান কঙর্।

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

মীখা 7:4

তারা ভিদিরে বেগত্তুন গম্ মানুচ্চুনে কাদাঝুবো ধোক্ক্যেন, বেগত্তুন্ গম্ মানুচ্চুনে কাদা গাজর্ বেড়াত্তুন্‌অ বেশ্ বজং। তমা চুগিদারুনোর্ ফগদাং গুরিবার দিন, তমার্ সাজার দিন্নো লুম্মেগি। ইক্কিনে তমার্ বুদ্ধিনেইয়্যে অবার্ সময়।

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।