যিরমিয় 23:1 - Chakma Bible

¹ লগেপ্রভু কোইয়্যেদে, “অভিশাব্ পোড়োক সেই পালক্‌কুনোর, যিগুনে মর্ চড়িবার বামত্ ভেড়াগুনোরে ভস্ত গরদন্ আর ছিদি দেদন‍্।”

যিরমিয় 23:1 Iomraidhean Croise

যিরমিয় 10:21

গরগ্‌কুনে জ্ঞাননেইয়্যে, তারা লগেপ্রভুর আওজ্‌‍‍‍‍চান জানিবাত্তে ন-চান; সেনত্তে তারা ফোলেই ন-পারন আর তারার বেক্ য়েমান পালুন ছিদিনে ইন্দি-উন্দি যেয়োন।‍‍

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 22:22

বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

যিরমিয় 23:2

সেনত্তে যে পালক্‌‍‌কুনে মঅ মানুচ্চুনোরে চড়ান সেই পালক্‌কুনো বিরুদ্ধে ইস্রায়েলর গোজেন লগেপ্রভু কোইয়্যেদে, “তুমি মর্ পালর্ ভেড়াগুনোরে ছিদি ফেল্য আর তারারে ধাবেই দুয়ো, তারারে কনঅ যত্তন্ ন-গরঅ; সেনত্তে তমা অন্যেয়ত্তে মুই তমারে সাজা দিম।‍‌

যিরমিয় 50:6

মঅ মানুচ্চুন আড়েয়্যে ভেড়া ধোক্ক্যেন্ ওইয়োন; তারার গরগ্‌‌কো তারারে ভান্ন্যেই পধেদি নেযেয়্যে। সে গরগ্‌‌কুনোর কারনে তারা মুড়ো-মুড়ি ঘুরি বেড়েয়োন আর নিজো জিরেবার জাগান কধা ভুলি যেইয়োন।

যিহিষ্কেল 13:3

প্রভু লগেপ্রভু কোইয়্যেদে, অভিশাব্ পোড়োক্, সেই ভোক্তিনেইয়্যে ভাববাদীগুনোর, যিগুনোর কনঅ দর্শন ন-পেইনে তারার্ মনগড়া কধা কন্।

যিহিষ্কেল 34:1

পরেদি লগেপ্রভু মরে কলঅ,

যিহিষ্কেল 34:21

বেক্ বল্‌‌‌পোজ্যে ভেড়াগুনোরে ধাবেই ন-দেনা সং তুমি কিয়্যে আর কানাগানিলোই তারারে ঠেলর্ আর শিঙোই গুদোর্।

যিহিষ্কেল 34:31

ও মর্ ভেড়াপালুন, মর্ চোরেয়্যে ভূইয়োর পাল, তুমি মঅ মানুচ্ আর মুয়ই তমার্ গোজেন। মুই প্রভু লগেপ্রভু এ কধাগান কঙর্।’”

যিহিষ্কেল 36:38

যিরূশালেমত্ ঠিগ্ পরবর্ সময়োত্ যেবাবোত্যে উৎসর্বর ভেড়ালোই ভরি যান্ সেবাবোত্যে ভস্ত ওই যেইয়্যে শঅরানি বোউত্ মানুজে ভরি যেবাক্। সেক্কে তারা হবর্ পেবাক্ যে, মুয়ই লগেপ্রভু।”

সখরিয় 10:3

লগেপ্রভু কত্তে, গরক্কুনো বিরুদ্ধে মঅ রাগ্‌‌কান জুলি উদের্, সেনত্তে মুই নেতাগুনোরে সাজা দিম। মুই বেগত্তুন্ খেমতাবলা লগেপ্রভু নিজো পালর্, অত্তাৎ যিহূদার মানুচ্চুনোরে দেগাশুনো গুরিম আর যুদ্ধোর্ বোলী ঘোড়া ধোক্ক্যেন গুরি তুলিম।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

যোহন 10:10

চুর্ এজে বানা চুর্, খুন্ আর বর্‌বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্‌‌‌পুনোং অয়।

যোহন 10:12

যে বানা বেতন্ পেবাত্যে গরক্ কাম্ গরে তে নিজে গরক্ নয় আর ভেড়াগুন্অ তার্ নিজোর্ নয়। হোক্ক্যে বাঘ এত্তে দেগিলে তে ভেড়াগুন্ ফেলেইনে ধেই যায়, কিয়া তে বানা বেতন্ পেবাত্যে এ কামান্ গরে আর ভেড়াগুনোত্যে চিদেয়ো ন-গরে। হোক্ক্যে বাঘে তারারে ধুরি নেযায় আর ভেড়াগুন্ চেরোকিত্ত্যেদি ছিদি পরন্।

যোহন 10:8

মঅ আগেদি যিগুনে এচ্চ্যন্ তারা বেক্কুনে চুর্ আর ডাগেত্, মাত্তর্ ভেড়াগুনে সিগুনোর্ কধা ন-শুনোন্।