যিরমিয় 22:6 - Chakma Bible

⁶ যিহূদার রাজঘরর বেক জাগানি পৌইদ্যেনে লগেপ্রভু কোইয়্যেদে, যুনিয়ো তুই মইধু গিলিয়দ ধোক্ক্যেন আর লেবানন মোন তোগোন ধোক্ক্যেন তো মুই তরে হামাক্কায় ধূল্যেচর-চাগালা ধোক্ক্যেন বা মানুচ্ নেইয়্যে শঅর ধোক্ক্যেন গুরিম।

যিরমিয় 22:6 Iomraidhean Croise

পত্থম 37:25

ইয়েন পরেদি যোষেফ ভেইয়ুনে হানা-বিনে হেবাত্তে বুয়োইনে দেগিলাক্ গিলয়দত্তুন্‌ একদল ইশ্মায়েলীয় বেবসা গুরিয়্যে এত্তন্। উদো পিদিত্‌ গুরি তারা তুম্‌বাচ্‌ মজলা, গুগ্‌গুলু আর গন্ধরসছোই মিসর দেজত্‌ যাদন্।

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

পরমগীত 4:1

মর্ পরাণি, কি দোল্ তুই! অয়, তুই দোল্‌বি। ঘঙদা ভিদিরে তঅ চোগ্‌কুন দ্বিবে কঅ ধোক্ক্যেন্। তঅ চুলান্ যেন গিলিয়দ মুড়োবোত্তুন্ লামি এচ্চ্যে ছাগল পাল্।

পরমগীত 5:15

তা উলুহুলুন্ দ্বিবে যেন খাটি সোনা খুদো উগুরে বোজেয়্যে মার্বেল পাত্তরর্ খুদো। তা কিয়্যেগান্ লেবাননর্ অজল্ মুড়োবো ধোক্ক্যেন্, লেবাননর্ বেঈ লোইয়্যে এরস গাজ ধোক্ক্যেন্ জোগ্‌‌‌‌‌‌যোক্যে।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 21:11

“ইয়েনবাদেয়ো যিহূদার রাজবংশবোরে মর্ এ কধাগান শুনিবাত্তে কঅ,

যিরমিয় 21:14

মাত্তর্ মুই তর্ কামর পাওনা মজিম তরে সাজা দিম। মুই তর্ ঝারানিত্ আগুন জ্বালেম; সেই আগুনানে তঅ চেরোকিত্তেদি বেক্কানি পুড়ি ফেলেব। মুই লগেপ্রভু এ কধাগান কঙর্।’ ”

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

যিরমিয় 4:20

দজার্ পর দজা এজের্; বেক্ দেজ্‌‌‌চান যেন ভস্ত ওই পড়ি আঘে। কানক্কণ্ ভিদিরে মর্ তাম্বুলো ঘরানি, এক মুহূত্তো ভিদিরে মঅ তাম্বুলো ঘরানির পর্দাগানি যেন ভস্ত ওই যার্।‌

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 50:12

সেনত্তে তমা মাবো অমকদ লাজত্ পুরিবো; যে তমারে জর্ম দিয়্যে তে অসর্মান অবঅ। জাদ্‌‌তুনো ভিদিরে তে অবঅ বেগত্তুন্ চিগোন; তে অবঅ এক্কান ধূল্যেচর-চাগালা, এক্কান শুগুনো জাগা, এক্কান দান্‌‌দারাঙে ভূই।

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

সখরিয় 11:1

ও লেবানন, তর্ দোরানি খুলি দে, যেনে আগুনানে তর্ এরস গাজ্‌‌‌‌‌চুন গজক্ গুরি পারে।

গণাণা 32:1

রূবেণ আর গাদ-গুট্টির মানুচ্চুনোর গোরু, ছাগল আর ভেড়াছাগলর দাঙর্‌ দাঙর্‌ পাল এলাক্। তারা দেগিলাক্ যাসের আর গিলিয়দ দেজ্‌চান্‌ য়েমান পালেবাত্তে অমহদ দোল্‌ জাগা।

দ্বি’লম্বর বিররণ 3:25

যর্দন পার্‌ ওই যেইনে সেই অমহদ দোল্‌ দেজ্‌ছান, অত্তাৎ সে মুড়োমুড়ির্‌ দেজ্‌ছান আর লেবাননান মরে চেবাত্তে দে।