যিরমিয় 22:26 - Chakma Bible

²⁶ মুই তরে আর তরে যে জর্ম দিয়্যে তর্ সেই মাবোরে অন্য দেজত্, যিয়েনত্ তমার কারর্ জর্ম ন-অয় সে দেজত্ ছিদি ফেলেই দিম, আর তুমি দ্বিজনে সিয়েনত্ মুরি যেবা।

যিরমিয় 22:26 Iomraidhean Croise

২ রাজাবলী 24:15

নবূখদ্‌নিৎসরে যিহোয়াখীনরে বন্দী ইজেবে বাবিলোত্‌ নেযেল। তে যিরূশালেমত্তুন্‌ রাজার মাবোরে, তা মোক্কুনোরে, তা কাম্‌গুরিয়্যেগুনোরে আর দেজর্‌ মুরুব্বী মানুচ্চুনোরেয়ো নেযেল।

২ রাজাবলী 24:8

আদার বজর বয়জত্‌ যিহোয়াখীনে রাজা ওইয়্যে আর তিন মাস যিরূশালেমত্‌ রাজাগিরি গোজ্যে। তা মাবো নাঙান্‌ অলদে নহুষ্টা; তে অলদে যিরূশালেম শঅরর্‌ ইল্‌নাথনর ঝি।

২ রাজাবলী 25:27

যিহূদার রাজা যিহোয়াখীনোর বন্দী অনার্‌ সাত্রিশ বজরত্‌ ইবিল-মরোদকে বাবিলো রাজা অলঅ। তে সে বজরত্‌ বার মাস সাদেশ্‌ দিনোত্‌ যিহোয়াখীনরে জেলোত্তুন্‌ ইরি দিলো।

২ রাজাবলী 25:29

যিহোয়াখীনে জেলখানা কাবড়-চুগোড়ানি খুলি ফেলেল আর জীংকানির বাদবাগি দিনুন্‌ সুদোম মজিম রাজার লগে হানা-দানা গুরি কাদেই দিলো।

২ রাজাবলী 25:30

তে যেদকদিন বাঁজি এলঅ সেদকদিন সং রাজা সুদোম মজিম তারে পত্তি দিন এক্কো ভেদ দিদো।

যিশাইয় 22:17

উজিয়ার্, ও বোলী মানুচ্চো, লগেপ্রভু তরে দরমর গুরি ধুরিনে মেলা মারিবাত্তে যার্।

যিরমিয় 10:18

কিত্তে লগেপ্রভু কোইয়্যেদে, “এ অক্তত্ যিগুনে দেজত্ থেবাক মুই তারারে ছিদি ফেলেই দিম; মুই তারা উগুরে এন্ দুঘ্ আনি দিম যেনে তারা ধরা পড়ন্।”

যিরমিয় 13:18

লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

যিরমিয় 16:13

সেনত্তে মুই এ দেজত্তুন্ তমারে এমন এক্কান দেজত্ ছিদি ফেলেই দিম্ যে দেজ্‌‌চানর কধা তুমিয়ো হবর্ ন-পঅ, তমা পুরোণি মানুচ্চুনেয়ো হবর্ ন-পেদাক্। সিয়েনত্ তুমি দিন-রেদ দেব-দেবেদাগুনোরে সেবা গুরিবা, কিত্তে মুই তমারে কনঅ দোয়্যে ন-দেগেম।’ ”

যিরমিয় 22:27

তুমি যে দেজত্ ফিরি এবাত্তে চেবা সিয়েনত্ কনদিন্‌অ ফিরি এই ন-পারিবা।”

যিরমিয় 28:4

ইয়েন বাদেয়ো মুই যিহোয়াকীমোর পুয়ো যিহূদার রাজা যিহোয়াখীনরে আর যিহূদার অন্য যিদুক্কুন বন্দী বাবিলোত্ যেইয়োন তারারেয়ো এ জাগানত্ ফিরেই আনিম, কিত্তে মুই বাবিলো রাজার জুঙোলান ভাঙি ফেলেম। মুই লগেপ্রভু এ কধাগান কঙর্।’ ”

যিরমিয় 29:2

রাজা যিহোয়াখীন, তার মা, রাজকর্মচারীগুন, যিহূদা আর যিরূশালেমর নেতাগুনে, কালিগর আর কামারুনে বন্দী ওইনে যিরূশালেমত্তুন যানার পরেদি এ চিদিগান লেগা ওইয়্যে।

যিরমিয় 44:14

যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে যেইয়োন তারা যিহূদা দেজত্ ফিরি এবাত্তে ধেই যেবাত্তে বা বাঁজি থেই ন-পারিবাক্, যুনিয়ো তারা সিয়েনত্ ফিরি এইনে বজত্তি গুরিবাত্তে চেবাক্; তারা ভিদিরে কয়েকজন বাদে আর কনজনে ধেইনে ফিরি এই ন-পারিবাক্।”