যিরমিয় 22:22 - Chakma Bible

²² বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

যিরমিয় 22:22 Iomraidhean Croise

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিরমিয় 10:21

গরগ্‌কুনে জ্ঞাননেইয়্যে, তারা লগেপ্রভুর আওজ্‌‍‍‍‍চান জানিবাত্তে ন-চান; সেনত্তে তারা ফোলেই ন-পারন আর তারার বেক্ য়েমান পালুন ছিদিনে ইন্দি-উন্দি যেয়োন।‍‍

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 2:37

তঅ আঢ্‌তান মাঢা উগুরে দিইনে তুই সে জাগায়ান ছাড়ি এবে, কিত্তে যিগুনো উগুরে তুই বিশ্বেজ্ গরজ্ মুই লগেপ্রভু তারারে এলাফেলা গোজ্যং; তারার বলে তুই ফোলেই ন-পারিবে।” ‌‌‌‌

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিরমিয় 5:13

ভাববাদীগুনে বোইয়্যের ধোক্ক্যেন; তারা ভিদিরে গোজেনর কধা নেই। সেনত্তে তারা যিয়েনি কন্ সিয়েনি তারা উগুরে গরা অবঅ।”

যিরমিয় 7:19

মাত্তর্ ইয়েনি গুরিনে কি তারা মরে দুঘ্ দেদন্? আজলে তারা দঅ নিজো উগুরে লাজ্ পানাগান ডাগি আনদন্ আর নিজোরে দুঘ্ দেদন।”

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

হোশেয় 13:15

যুনিয়ো বা ইফ্রয়িমে তা ভেইয়ুনো ভিদিরে ফলায় তো লগেপ্রভুত্তুন্ এক্কান পূগো বোইয়্যের ধূল্যেচর-চাগালাত্তুন্ বেঈ এবঅ; তার্ পয়নালাবোত্ পানি ন-থেবঅ আর তার্ কুয়োবো শুগেই যেবঅ। তার্ ভান্ডালর্ বেক মংগা জিনিসচানি লুদো অবঅ।

হোশেয় 4:19

সাজাগানে বোইয়্যের ধোক্ক্যেন গুরি যেন তারারে উরেই নেযেব; তারার্ উৎসর্বর অনুষ্ঠানানিত্তে তারা লাজ্ পেবাক্।”

সখরিয় 11:17

“অভিশাব্ পোড়োক্, সেই অপদাত্ত গরগ্‌‌কোর, যে সেই পাল্লো ছাড়িনে যায়! লাম্বা ছুরিগানে যেন তা আঢ্‌তানরে আর ডেন্ চোগ্‌‌‌‌কোরে আঘাত গরে। সেক্কে তা আঢ্‌‌‌তান এক্কুবারে শুগেই যেবঅ আর তা ডেন্ চোগ্‌‌‌কো এক্কুবারে কান্ ওই যেবঅ।”

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।