যিরমিয় 22:20 - Chakma Bible

²⁰ লগেপ্রভু কোইয়্যেদে, “ও যিরূশালেম, তুই লেবাননত্ যেইনে রঅ ছাড়্, তর্ মুয়োর্ রবো বাশনত্ শুনো যোক্। তুই অবারীমত্তুন কিজেক্ কাড়্, কিত্তে তর্ বেক লাঙুনে ভস্ত ওই যেইয়োন।

যিরমিয় 22:20 Iomraidhean Croise

২ রাজাবলী 24:7

মিসরর রাজা যুদ্ধো গুরিবাত্তে তা রেজ্যগানত্তুন্‌ আর ন-নিগিলিলো, কিত্তেই বাবিলো রাজা মিসরর শুগুনো গাঙানত্তুন্‌ ইউফ্রেটিস গাঙান্‌ সং পুরো রেজ্যগান্‌ গজক্ গুরি নেযেল।

যিশাইয় 57:13

সাহায্যত্তে যেক্কে তুই কানিবে সেক্কে তর্ তুবেয়্যে মুত্তিগুনে তরে রোক্ষ্যে গোরোদোক্। বোইয়্যেরানে তারারে বেক্কুনোরে বুয়োই নেযেব; চিগোন এক্কো নিযেজে তারারে উড়েই নেযেব। মাত্তর্ যে মানুচ্চো মঅ আশ্রয় নেযায় তে দেজর্ আর মঅ সুদ্ধো-সাংগ মুড়োবোর অধিকার পেবঅ।”

যিরমিয় 2:25

তুই উজিয়ার অ, ন-অলে তর্ টেঙর্ জদানি বর্‌বাত্ ওই যেবঅ আর তর্ রবুয়োও শুগেই যেবঅ। মাত্তর্ তুই কত্তে, কনঅ লাভ নেই। মুই দেব-দেবদাগুনোরে গম্ পাং, তারা পিজেদি মুই যেম্। ‍‍

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 2:37

তঅ আঢ্‌তান মাঢা উগুরে দিইনে তুই সে জাগায়ান ছাড়ি এবে, কিত্তে যিগুনো উগুরে তুই বিশ্বেজ্ গরজ্ মুই লগেপ্রভু তারারে এলাফেলা গোজ্যং; তারার বলে তুই ফোলেই ন-পারিবে।” ‌‌‌‌

যিরমিয় 22:22

বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

যিহিষ্কেল 23:22

সেনত্তে মুই প্রভু লগেপ্রভু কঙর্, তর্ যিদুক্কুন লাঙরে তুই ঈচ্ গোজ্যস্ মুই তারারে তঅ বিরুদ্ধে উচ্চোমি তুলি দিম আর চেরোকিত্তেত্তুন্ মুই তারারে তঅ বিরুদ্ধে আনিম্।

যিহিষ্কেল 23:9

সেনত্তে মুই তারে তা লাঙুনো আঢত্, অত্তাৎ যিগুনোরে তে কামনা গুরিদো সেই আসিরিয়গুনো আঢত্ ইরি দিলুং।

যিহিষ্কেল 27:6

তারা বাশন দেজর্ এলোন গাজত্তুন্ বানেয়োন তর্ পাঙেইয়ানি; সাইপ্রাসত্তুন্ তাশূর গাজ আনিনে তারা তর্ তক্তা বানেইনে এদো দাত্তোই সাজেয়োন্।

গণাণা 27:12

ইয়েনর্ পরেদি লগেপ্রভু মোশিরে কলঅ, “তুই অবারীম মুড়োমুরির্‌ সংমধ্যে এই মুড়োবোত্‌ উদিনে যে দেজ্‌চান্‌ মুই ইস্রায়েলীয়গুনোরে দুয়োং সিয়েন্‌ চেই লঅ।

দ্বি’লম্বর বিররণ 32:49

“তুই যিরীহোর উগুদোন্দি মোয়াব দেজর অবারীম মুড়োমুড়ি ভিদিরে নবো মুড়োবোত্‌ উঠ্যই আর সোম্বোত্তি ইজেবে যে কনান দেজ্‌চান মুই ইস্রায়েলীয়গুনোরে দুয়োঙর্ সিয়েন একবার চেই নেযা।