যিরমিয় 22:11 - Chakma Bible

¹¹ তে অলঅ যোশিয়র পুয়ো শল্লুম, যিবে তা বাবঅ পরেদি যিহূদার রাজা ওইয়্যে মাত্তর্ এ জাগায়ান ছাড়িনে যেইয়্যেগোই। তা পৌইদ্যেনে লগেপ্রভু কোইয়্যেদে, “তে কনদিন্‌অ ফিরি ন-এবঅ।

যিরমিয় 22:11 Iomraidhean Croise

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ রাজাবলী 23:30

যোশিয়োর সৈন্যগুনে তা কিয়্যেগান্‌ রথ্‌‌তোই মগিদ্দোত্তুন্‌ যিরূশালেমত্‌ আনিনে তা নিজোত্তে ঠিগ্‌ গোজ্যে গোরানত্‌ তারে গারেলাক্‌। পরেন্দি দেজ মানুচ্চুনে তা পুয়ো যিহোয়াহসরে অভিষেগ্ গুরিনে তা বাব জাগানত্‌ তারে রাজা বানেলাক্‌। যিহূদার রাজা যিহোয়াহস

২ রাজাবলী 23:31

তেইশ বজর্‌ বয়জত্‌ যিহোয়াহসে রাজা অলঅ। তে তিনমাস যিরূশালেমত্‌ রাজাগিরি গুরিলো। তা মাবো নাঙান্‌ অলদে হমূটল; তে অলদে লিব্‌না শঅর যিরমিয়োর ঝি।

২ রাজাবলী 23:34

তে যোশিয়োর আর এক্কো পুয়ো ইলিয়াকীমরে তা বাপ্পো যোশিয়োর জাগানত্‌ রাজা বানেল আর ইলিয়াকীমোর নাঙান্‌ বুদুলিনে যিহোয়াকীম রাগেল। ফরৌণ-নখো যিহোয়াহসরে মিসরত্‌ নেযেল, আর সিদু যিহোয়াহসে মুরি গেলঅ।

১ বংশধর 3:15

যোশিয়ো পত্তম পুয়োবো যোহানন, দ্বিলম্বর যিহোয়াকীম, তিন লম্বর সিদিকিয়, চের্‌ লম্বর শল্লুম।

২ বংশধর 28:12

সেক্কে যুদ্ধোত্তুন্‌ যিগুনে ফিরি এত্তন্‌ ইফ্রয়িমর কয়েক্কো নেতা তারা বিরুদ্ধে থিয়্যেলাক্‌। সে নেতাগুনে অলাক্‌ যিহোহানন পুয়ো অসরিয়, মশিল্লেমোতর পুয়ো বেরিখিয়, শল্লুমোর পুয়ো যিহিষ্কিয় আর হদ্‌লয়র পুয়ো অমাসা।

২ বংশধর 34:22

সেক্কে হিল্কিয় আর রাজা যিগুনোরে হিল্কিয়োর লগে পাদেয়্যে তারা এ পৌইদ্যেনে কধা কবাত্তে মিলে-ভাববাদী হুল্‌দা ইদু গেলাক্‌। হুল্‌দা এলদে কাবড়-চুগোড়্‌ চুগি দিয়্যে শল্লুমোর মোক্‌। শল্লুমে অলদে হস্রহের নাদিন্‌, অত্তাৎ তোখতর পুয়ো। তে যিরূশালেমর দ্বিলম্বর ভাগত্‌ বজত্তি গুরিদো।

যিরমিয় 22:27

তুমি যে দেজত্ ফিরি এবাত্তে চেবা সিয়েনত্ কনদিন্‌অ ফিরি এই ন-পারিবা।”

সফনিয় 1:1

আমোনর পুয়ো যিহূদার রাজা যোশিয়র রাজাগিরির সময়োত্ কূশির পুয়ো সফনিয় ইধু লগেপ্রভুর কধানি ফগদাং অলঅ। কূশি অলদে গদলিয়র পুয়ো, গদলিয় অমরিয়র পুয়ো, অমরিয় হিষ্কয়র পুয়ো।