যিরমিয় 22:10 - Chakma Bible

¹⁰ তুমি মুরি যেইয়্যেদে রাজাবোত্তে ন-কান্য বা আবিলেচ্ ন-গোজ্য; তাত্তুন্ বরং যিবে বন্দী ওইনে দূরোত্ যেইয়্যে তাত্তে জদবদে কানঅ, কিত্তে তে আর কনদিন্‌অ ফিরি ন-এবঅ বা তার জর্ম ওইয়্যে দেজ্‌‍চান আর ন-দেগিবা।‍

যিরমিয় 22:10 Iomraidhean Croise

২ রাজাবলী 22:20

সেনত্তে মুই যাদিমাদি তরে তঅ পূরোণি মানুচ্চুনো ইদু নেযেম্‌ আর তুই সুগে শান্দিয়্যে গোর্ পেবে। এ জাগায়ান উগুরে মুই যেদক্কানি দযা আনিম্‌ তঅ চোখ্‌কুনে সিয়েন্‌ ন-দেগিবাক্‌।’ ” সেক্কে তারা হুল্‌দার জোব্‌পান লোইনে রাজা ইদু ফিরি গেলাক্।

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ বংশধর 36:4

মিসরর রাজা যিহোয়াহসর এক্কো ভেই ইলীয়াকীমরে যিহূদা আর যিরূশালেম উগুরে রাজা বানেল আর ইলীয়াকীমোর নাঙানর্‌ বদলে যিহোয়াকীম রাগেল। নখো যিহোয়াহসরে ধুরিনে মিসরত্‌ নেযেল।

উপদেশক 4:2

মুই বুঝিলুং, যিগুনে এজঅ বাঁজি আগন্ তারাত্তুন্ যিগুনে আগে মুরি যেইয়োন্ তারা আরঅ গমেডালে আগন্।

যিশাইয় 57:1

গম্ মানুচ্চুনে যে ভস্ত ওই যাদন্ সিন্দি কনজনে মনান্ ন-দুয়োন। গোজেন ভক্ত মানুচ্চুনোরে নেযা অর্, মাত্তর্ কনজনে বুঝি ন-পারদন্, ভান্ন্যেয় আঢত্তুন্ রোক্ষ্যে গুরিবাত্তে তারারে নেযা অর্।

যিরমিয় 16:7

যিগুনে সেই মরাগুনোত্তে আবিলেচ্ গরন, এন্ কি, বাবা বা মাবোত্তে আবিলেচ্ গরন তারারে বুঝেবাত্তে কনজনে হানায়ো ন-দিবা বা পানিয়োও ন-দিবা।

যিরমিয় 22:11

তে অলঅ যোশিয়র পুয়ো শল্লুম, যিবে তা বাবঅ পরেদি যিহূদার রাজা ওইয়্যে মাত্তর্ এ জাগায়ান ছাড়িনে যেইয়্যেগোই। তা পৌইদ্যেনে লগেপ্রভু কোইয়্যেদে, “তে কনদিন্‌অ ফিরি ন-এবঅ।

যিরমিয় 22:18

সেনত্তে যিহূদার রাজা যোশিয়র পুয়ো যিহোয়াকীমোর পৌইদ্যেনে লগেপ্রভু কোইয়্যেদে, “মান্‌জ্যে তাত্তে একজন আর একজন ইধু ‘হায় হায়’ কোইনে আবিলেচ্ ন-গুরিবাক্। তারা তাত্তে ‘হায় মর্ প্রভু! হায় তার সয়সাগজ্যে!’ কোইন্যেয়ো আবিলেচ্ ন-গুরিবাক্।

যিরমিয় 22:27

তুমি যে দেজত্ ফিরি এবাত্তে চেবা সিয়েনত্ কনদিন্‌অ ফিরি এই ন-পারিবা।”

যিরমিয় 25:27

সে পরেদি লগেপ্রভু মরে কোইয়্যেদে, তারারে কঅ, ইস্রায়েলর্ গোজেন বেগত্তুন খেমতাবলা লগেপ্রভু কোইয়্যেদে, মুই তমা ভিদিরে যুদ্ধো পাদাঙর্; তুমি মর্ রাগর গলস্‌চত্তুন হঅ, মাত্তল্ অ, অগল, গোজ্যে পড় আর ন-উঠ্য‌‌।

যিরমিয় 28:4

ইয়েন বাদেয়ো মুই যিহোয়াকীমোর পুয়ো যিহূদার রাজা যিহোয়াখীনরে আর যিহূদার অন্য যিদুক্কুন বন্দী বাবিলোত্ যেইয়োন তারারেয়ো এ জাগানত্ ফিরেই আনিম, কিত্তে মুই বাবিলো রাজার জুঙোলান ভাঙি ফেলেম। মুই লগেপ্রভু এ কধাগান কঙর্।’ ”

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

যিরমিয় 44:14

যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে যেইয়োন তারা যিহূদা দেজত্ ফিরি এবাত্তে ধেই যেবাত্তে বা বাঁজি থেই ন-পারিবাক্, যুনিয়ো তারা সিয়েনত্ ফিরি এইনে বজত্তি গুরিবাত্তে চেবাক্; তারা ভিদিরে কয়েকজন বাদে আর কনজনে ধেইনে ফিরি এই ন-পারিবাক্।”

আবিলেচ্ 4:9

ভাদরাদে মরানাত্তুন্ বরং যুদ্ধোত্ মরানা গম্; মঅ মানুচ্চুনে খেদর্ শোজ্যর্ অভাবে পেট্‌পরায় কেঙেদা ওই যাদন্।

যিহিষ্কেল 24:16

“ও মান্‌জ্যর্ পুয়োবো‌‌‌‌‌‌‌, মুই এক আঘাতে তত্তুন্ তঅ চোগো মানেক্কোরে নেযেবাত্তে যাঙর্। তো তুই আবিলেচ্ ন-গুরিচ্, ন-কানিচ্ বা চোগো পানি ন-ফেলেচ্।

লূকে লেখ্যে গম্ হবর্ 23:28

যীশু তারা ইন্দি ফিরিনে কলঅ, “যিরূশালেমর্ মিলেগুন, মত্যে ন-কান্ন্য । তমা নিজোত্যে আর তমা পুয়ো-ছাগুনোত্যে কানঅ,