যিরমিয় 21:2 - Chakma Bible2 “বাবিলর রাজা নবূখদ্নিৎসরে আমা লগে যুদ্ধো গরের্; সেনত্তে তুই আমাত্তে লগেপ্রভু ইধু কোজোলী গর্ যেনে তে আমা ইত্তুন্ ফিরি যায়। অয়ত লগেপ্রভু আমাত্তে আগঅ ধোক্ক্যেন আমক্ অইদ্যে কাম্ গুরিবো।” Faic an caibideil |
যিরমিয় 21:2
44 Iomraidhean Croise
সেক্কে লগেপ্রভু এক্কো স্বর্গদূতোরে পাধেই দিলো যিবে আসিরিয়ার রাজার তাম্বুলো ভিদিরেত্তুন্ বেক্ যোদ্ধাগুরিয়্যেগুনোরে, নেতাগুনোরে আর সেনাপতিগুনোরে পুরোপুরি গুরিনে ভস্ত গুরি ফেলেল। সেক্কে সন্হেরিবে লাজে নিজো দেজত্ ফিরি গেলঅ। তে তার্ দেবেদাবোর্ মন্দিরোত্ যানার্ পরেন্দি তার্ কয়েক্কো পুয়ো তারে মারে ফেলেল।
বাবিলর রাজা নবূখদ্নিৎসর, তার বেক্ সৈন্যদলুন আর তা অধীনোত্ বেক্ রেজ্যগানি আর জাদর্ মানুচ্চুনে যেক্কে যিরূশালেত্ আর তার কায়-কুরে শঅরানির বিরুদ্ধে যুদ্ধো গোজ্যন্ সেক্কে ইস্রায়েলর গোজেন লগেপ্রভু যিরমিয়রে কলঅ যেন তে যিহূদার রাজা সিদিকিয় ইধু যেইনে কয়, মুই লগেপ্রভু এ কধাগান কঙর্, মুই এ শঅরান বাবিলো রাজার আঢত্ তুলি দিবাত্তে যাঙর্ আর তে ইয়েন পড়ি দিবঅ।
সে সময়োত গোজেনর্ সুদোমর্-সুন্দুক্কো বৈথেলত এলঅ, আর হারোণর নাদিন্, অত্তাৎ ইলিয়াসরর পূঅ পীনহসে সিবে মুুজুঙোত্ ঠিয়েইনে সেবা কাম্ গুরিদো। সেনত্তেই ইস্রায়েলীয়গুনে সিয়েনত্ লগেপ্রভুর আওজ্সান জানিবাত্তে পুজোর্ গুরিলাক্, “আমি আমা ভেই বিন্যামীন-গুট্টিগুনোর বিরুদ্ধে আরঅ যুদ্ধো গুরিবাত্তে যেবং না-কি ন-যেবং?” লগেপ্রভু জোব্ দিলোদে, “যঅ, কিত্তেই কেল্যে মুই তমা আঢত্ তারারে তুলি দিবাত্তে যাঙর্।”
শমূয়েল শৌলরে কলঅ, “কিত্তে তুই মরে তুলি আনিনে কাঙেলেত্যে গুরিলে?” শৌল কলঅ, “মুই অমকদ দজাত্ পোজ্যং। ইন্দি পলেষ্টীয়গুনে মঅ বিরুদ্ধে যুদ্ধো গত্তন্ আর উন্দি গোজেনে মরে ছাড়িনে যেয়্যেগোই। তে আর মর্ ডাগানালোই ন-শুনিলো-ভাববাদীগুনোর মাধ্যমেও ন-দিলো, স্ববনর্ মাধ্যমেও ন-দিলো। সেনত্যে ইক্কিনে মত্তুন্ কি গরানা উজিত্ সিয়েন জানিবাত্তে তরে ডাগি আন্যং।”
Sanasan